Prentarinn - 01.11.2006, Blaðsíða 3
H Stondum vaktina!
Þegar kemur að því að gera upp
budduna um mánaðamót er
margt sem þarf að hafa í huga.
Það eru margir þættir sem hafa
áhrif á það hvemig endar ná
saman hjá fólki og mismunandi
eftir því hvemig fjölskyldan er
samansett og hvaða skuldbind-
ingar við höfum tekist á hendur.
Skemmst er að minnast þess
hvemig vaxtabætur hurfu eins-
og hendi væri veifað vegna
hækkunar á fasteignamarkaði.
Því var jú lofað af ríkisstjóm-
inni við endurskoðun kjarasamn-
inga s.l. sumar að vaxtabóta-
kerfið yrði endurskoðað með
það að markmiði að leiðrétta
hlut þeirra sem orðið höfðu af
vaxtabótum vegna breytinga á
fasteignaverði. Sú breyting skil-
aði fólki ekki neinum peningum
í budduna heldur breytti fyrst
og fremst forsendum við útreikn-
ing vaxtabóta og lagði nýjan
grunn til að leggja á fasteigna-
gjöld. Við þurfum að vera sam-
hent í þeirri kröfu að þessi leið-
rétting verði gerð, en þær til-
lögur sem ríkisstjómin hefur
lagt til duga alls ekki.
Verðlagsvakt
Þá vil ég nefna fyrirhugaða
lækkun virðisaukaskatts á mat-
væli ofl. sem áætluð er í mars á
næsta ári. Afar mikilvægt er að
staðið verði að öflugri verðlags-
vakt til að fylgjast með því að
óþarfa hækkanir komi ekki á
vöruverð áður en lækkun virðis-
aukaskattsins kemst í fram-
kvæmd, þannig er von til þess
að lækkunin skili sér til neyt-
enda eins og til er ætlast. Þar
verður ábyrgð verðlagseftirlits
ASI mikil og aðkoma Neytenda-
samtakanna. Fyrir liggur að ASÍ
mun herða eftirlit veralega með
verðlagi og fjölga vörutegund-
um og verslunum sem fylgst
verður með næstu misseri til að
tryggja sem best að lækkunin
skili sér til launafólks. Einnig er
mjög mikilvægt að við öll stönd-
um vaktina og látum ekki breyt-
inguna falla inn í vöruverð.
Sækjum umsaminn rétt
Að lokum vil ég koma að því
sem snýr beint að hverju og einu
okkar. Það snýr að því að tryggja
að við breytingar á samningum
á hverjum tíma fylgi hver og
einn því eftir að umsamdar
breytingar skili sér á launaseðil-
inn. Nokkuð hefur borið á því á
þeim vinnustaðafundum sem ég
hef komið á undanfamar vikur
að þær breytingar sem gerðar
vora við endurskoðun kjara-
samninga s.l. sumar og tóku
gildi frá og með 1. júlí s.l. hafi
ekki skilað sér á launaseðilinn.
Það samkomulag sem gert
var milli ASI og SA og við
eram aðilar að átti að tryggja
annaðhvort kr. 15.000 kauptaxta-
hækkun eða a.m.k. 5,5% launa-
þróunartryggingu á undanliðn-
um 12 mánuðum.
Samkomulagið er svohljóðandi:
„Starfsmanni sem er í starfi í
júlíbyrjun 2006 og starfað hefur
samfellt hjá sama vinnuveitenda
frá júní 2005 skal tryggð að lág-
marki 5,5% launahækkun á
þeim tíma. Hafi launahækkun
starfsmanns verið minni á fram-
angreindu tímabili skulu laun
hans hækka frá 1. júlí um mis-
muninn á 5,5% og þeirri launa-
hækkun sem hann naut á um-
ræddu tímabili. Við samanburð
launa á tímabilinu skal miða við
föst viku- eða mánaðarlaun að
viðbættum föstum álags- og
aukagreiðslum, hverju nafni
sem þær nefnast."
Dæmi: Sá sem fengið hefur
aðeins 2,5% launahækkun sem
var 1. janúar s.l. á síðustu 12
mánuðum fær 3% launahækkun
frá og með 1. júlí. (5,5%-2,5%
= 3%)
Mikilvægt er að bera saman
kauptaxtann og launaseðilinn til
að fullvissa sig um að laun séu
a.m.k. þau sem kauptaxtinn segir
til um, hvort sem um dagvinnu
eða aukavinnu er að ræða.
Það era einnig fjölmörg önn-
ur atriði í kjarasamningum sem
mikilvægt er fyrir hvern og einn
að hafa í huga til að umsaminn
réttur skili sér. FBM hefur nýtt
fréttabréfið, kauptaxtann, vefinn
og Prentarann til að vekja at-
hygli á þeim þáttum sem þarf að
hafa í huga. Jafnframt hefur
verið minnt á atriði í auglýsing-
um sem sendar era á vinnustaði.
í þessu blaði er ein opna helguð
þessum atriðum.
Það má ekki gleyma því að
það er jafnt á ábyrgð einstakl-
ings og launagreiðanda að lág-
marksákvæði kjarasamninga séu
haldin.
Nóv. 2006,
Georg Páll Skúlason
prentorinn
li MÁLGAGN FÉLAGS BÓKAGERÐARMANNA
Ritnefnd Prentarans:
Jakob Viðar Guðmundsson,
ritstjóri og ábyrgðarmaður.
Anna Helgadóttir
Pétur Marel Gestsson
Sævar Hólm Pétursson
Ábendingar og óskir lesenda
um efni í blaðið eru vel
þegnar.
Leturgerðir í
Prentaranum eru:
Helvitica Ultra Compress,
Stone, Times, Garamond o.fl
Blaðið er prentað á 135 g
Magnosatin.
Prentvinnsla:
Plötuútkeyrsla:
Fuji Luxel Vx-9600 CTP
Prentvél:
Heidelberg MO-FP 5 lita
ísafoldarprentsmiðja
prentarinn
Forsíðuna gerði Hjörtur
Guðnason prentsmiður.
Hún var framlag hans i
forsíðukeppni Prentarans
2006.
PRENTARINN ■ 3