Alþýðublað Hafnarfjarðar - 16.12.1993, Blaðsíða 2

2 Alþýðublað Hafnarfjarðar
J ólahugvekj a
Einar Eyjólfsson, fríkirkjuprestur skrifar:
Þá birti í landi er bjarminn komfyrst
frá Betlehem ríkinu góða
og heiðinginn skynjaði Hvíta Krist
sem liöfðingja manna og þjóða.
Með slíkum orðum hafa skálcl
íslensku þjóðarinnar tjáð tilfinningar
sínar og þakkarkennd fyrir þá gæfu
sem þjóðin varð aðnjótandi þá
boðskapurinn bjarti frá Betlehem barst
til landsins.
Já, hingað norður í Dumbshaf að ystu
endimörkum hins byggilega heims
barst boðskapurinn bjarti og sigraði
íslensku þjóðina með svo eftirminni-
legum hætti.
Engin þjóð í Evrópu beygði sig undir
konungsvald Jesú Krists á sama hátt og
sú íslenska. Það hefur orðið mörgum
hugleiðingarefni hve greiðan aðgang
boðskapur mildi og miskunnar átti að
mannlífi sem stóð rótum í harðneskju
vfkingaaldar.
Ein skýring og ekki veigalítil er sú, að
þrælar og ambáttir sem víkingar rændu
á Bretlandseyjum og fluttu til íslands
voru kristnar manneskjur.
Þetta fólk sem var öllu svipt átti þó
eitt sem enginn gat af þeim tekið,
trúnna á Jesú Krist.
Er ekki að efa að hljóðlát áhrif þessa
fólks, ekki síst ambátta sem oft voru
barnfóstrur, hafi átt stóran þátt í því
hve Kristur átti greiðan veg til viður-
kenningar hér á landi.
En hver nú sem skýringin kann að
vera, þá er það víst að á skömmum
tíma birti yfir á þeim heimilum sem
áður höfðu verið á valdi óttans, við
vætti og goðmögn í stokkum og stein-
um og boðskapur Hvíta Krists tók að
móta menningu og hugsunarhátt.
Já, það var örugglega máttug reynsla í
mörgu koti að kynnast boðskap Krists.
Víst voru kröfur hans framandlegar
og furðurlegar fyrir fólk sem átti rætur
í harðneskjulegum heimi víkingaaldar.
Hann vildi ekki láta bera út börn né
úthýsa gamalmennum og einstæð-
ingum. Hann taldi meiri hetjuskap að
sættast og fyrirgefa en að hefna. Hann
vildi ekki þiggja blót en gladdist ef
vergangsmaður var nærður, hýstur og
klæddur.
Þetta var sannarlega nýtt og kom
mögum ókunnlega fyrir en víst er unt
það, að almúginn tók hinum nýja sið
fegins hendi eins og endurspeglast svo
vel í kveðskap þjóðarinnar þar sem
nafn Krists er aldrei langt undan.
Stefið úr jólasálminum góða; „hvert
fátækt hreysi höll nú er, því guð er
sjálfur gestur hér” lýsir betur en flest
annað hvað átt er við þegar sagt er að;
,,þá birti yfir landi er bjarminn kom
fyrst - frá Betlehem ríkinu góða”.
Já fögur stef úr gömlum jólasálmum
segja mikla sögu um hin innri verm-
andi áhrif sem boðskapurinn frá Betle-
hem bar inn á íslensk alþýðuheimili.
Sú saga verður hins vegar aldrei sögð
tii fulls með hvaða hætti óbrotið
alþýðufólk hefur notið varmans frá
boðskap hans í betra mannlífi þar sem
leitast var við að hlúa að þeim sem
minna máttu sín.
Við vitum það hins vegar nú, að flest
það sem við búum að í dag og lýtur að
velferö, samhjálp og réttarfari má rekja
lil þess að Kristur hefur átt greiðan veg
til viðurkenningar hjá íslensku þjóð-
innni.
Víst komu þeir tímar að tvísýnt var
um hvort boðskaðurinn myndi lifa með
þjóðinni og halda áfranr að veita heil-
næmum og hollum áhrifum urn þjóðar-
líkamann.
Sú staðreynd minnir á að Kristur
neyðir engan til að lúta valdi sínu,
hvorki þjóðir né einstaklinga. Barátta
hans fyrir velferð manns og þjóðar er
háð með vopni kærleikans, vopni sem
hann leggur í hendur þeirra sem sjá
hver hann er og skilja hvað hann vill.
Abyrgð okkar er því mikil, okkar sem
höfum tekið boðskapinn í arf frá fyrri
kynslóðum og höfum það í eigin valdi,
hvort við viljum bera birtunni frá
Betlehem vitni í okkar nánasta um-
hverfi, minnug orða Krists.
,,Þér eruð Ijós heimsins, þannig lýsi
ljós yðar mönnunum að þeir sjái
góðverk yðar og vegsami föður yðar á
himni.”
Það er bæn mín á þessari aðventu að
þessi orð verði okkur öllum ofarlega í
huga á komandi dögum sent og Ijóð-
línurnar sem ég vitnaði til í upphafi
þessarar jólahugvekju.
Guð gefi ykkur öllum blessunarríka
og bjarta jólahátíð.
Helgihald um hátíðarnar
Víðistaðakirkja Hafnarfiarðarkirkja Fríkirkian
Aðfangadagur:
Aftansöngur kl. 18:00
Náttsöngur kl. 23:30
Jóladagur:
Hátíðarguðsþjónusta kl. 14:00
Annar dagur jóla:
Skírnarguðsþjónusta kl. 14:00
Gamlársdagur:
Aftansöngur kl. kl. 18:00
Nýársdagur:
Hátíðarguðsþjónusta kl. 14:00
Aðfangadagur:
Aftansöngur kl. 18:00
Jóladagur:
Hátíðarguðsþjónusta kl. 14:00
Sólvangi kl. 15:30 - Presture séra Þórhildur
Ólafs.
Annar dagur jóla:
Fjölskyldu- og skírnarguðsþjónusta kl. 14:00
Hanna Björk Guðjónsdóttir syngur einsöng.
Barnakór Hafnarfjarðarkirkju leiðir söng undir
stjórn Brynhildar Auðbjargardóttur.
Gamlársdagur:
Aftansöngur kl. kl. 18:00
Rúnar Óskarsson leikur á klarinett.
Nýársdagur:
Hátíðarguðsþjónusta kl. 14:00
Ræðumaður dr. Ólafur Proppé
Aðfangadagur:
Aftansöngur kl. 18:00
Jóladagur:
Hátíðarguðsþjónusta kl. 14:00
Annar dagur jóla:
Skírnarguðsþjónusta kl. 14:00
Gamlársdagur:
Aftansöngur kl. kl. 18:00