Alþýðublað Hafnarfjarðar - 16.12.1993, Blaðsíða 3
Alþýðublað Hafnarfjarðar 3
Listahátíð í Hafnarfirði
Hafnfirðingar haldi áfram hátt á loft
því listablysi sem þeir hafa tendrað
- segir frú Vigdís Finnbogadóttir, forseti íslands,
sem segir Listahátíð í Hafnarfirði vera bænum til sæmdar
„Listahátíðin í Haf'narfirði hefur
að sjálfsögðu styrkt ennfrekar
ím.vnd Hafnarfjarðar og gefið byr
þeirri skoðun að þar sé mikill
nienningarbær. Enda vitum við
að í Hafnarfirði og nágrenni búa
margir góðir listamenn, sem eru
ekki síður þjóðarlistamenn en
bæjarlistamenn, og Hafnar-
fjörður nýtur góðs af”, sagði frú
Vigdís Finnbogadóttir, forseti
íslands í samtali við Alþýðublað
Hafnarfjarðar aðspurð um Lista-
hátíð í Hafnarfirði. Því næst
spurðum við Vigdísi hvort það
væri eitthvað sérstakt sem henni
væri sérstaklega eftirminnilegt
frá Listahátíð í Hafnarfírði?
,,Mér finnst Listahátíðin í
Hafnarfirði hafa lánast svo vel, að
að alll er mér eftirminnilegt sem ég
sá þar og mér finnst ávallt erfitt að
segja að eitt sé betra en annað
jregar vel er gert. En mér er leikbús
þó svo kært, að ég fagnaði því
auðvitað sérstaklega að á hátíðinni
skyldi vera frumflutt íslenskt leikrit
sem var auk þess eftir Hafnfirðing.
Þá dásamaði ég lengiþau útilista-
verk sem voru til sýnis um bæinn á
Listhátíð sem þið Hafnfirðingar
liéklu fyrir tveimur árum. Það varð
til jress að maður sóttist eftir að aka
unt miðbæ Hafnarfjarðar til að
virða fyrir sér þá góðu list og skoða
aftur og aftur.”
- Oft reynist erfill að afla fjár til að
standa fyrir listviðburðum og í
ýmis konar aðra menningarstarf-
semi. Surnir telja að
of langt sé gengið í
að styrkja slíka iðju.
Hvað finnst hér uiii
það?
,,Því má aldrei
gleyma að styðja
verður við bakið á
list og listsköpun.
Það er afar mikil-
vægt fyrir okkur öll
því maðurinn geru
ekki án þess verið að
hafa eitthvað til að
gleðja andann. Það er
ekki nóg að hafa að
bíta og brenna og að
raða í kringum sig
veraldlegu dóti.
Maðurinn hefur ekki
aðeins þörf til að
gleðja andann heldur
einnig að brýna and-
ann. Það skemmti-
lega við listahátíðir
er að þá koma menn
víða að og örva
heimamenn í að njóta og skapa.
Listir kalla einatt á bergmál og eru
aflvaki nýrra sköpunarverka. Við
getum tekið bækur sem dæmi.
Erlend bók sem vel er þýdd er
hvalreki fyrir heimabókmenntir.Þar
er ég ekki síst að hugsa um
íslenskar bókmenntir sem þýddar
eru yfir á erlend tungumál. Það að
kynnast menningu annarra þjóða er
ákaflega mikilvægt fyrir allar
þjóðir og reyndar nauðsynlegt.”
- Nú er Hafnarfjörður ekki stór
bœr á alþjóðlegan inœlikvarða.
Engu að síður liafa Hafnfirðingar
staðið fyrir alþjóðlegum listaliátíð-
um og styrkt menningu á ýmsa
lund svo atliygli liefur vakið langt
út fyrir landsteinana. Hvað gildi
hefur slíkt?
,,Það er mikils virði fyrir hvert
einasta byggðarlag að listasköpun
sé ríkur þáttur í sjálfsmynd þess.
Þótt lífsundirstaðan á hverjum stað
sé blómlegt atvinnulíf heima-
byggðinni til hagsældar, þá er a’
engu að síður svo, að sönn innri
gleði manna á sér hljómgrunn í því
að vera í beinni snertingu við góða
menningu og þar eru listir í
öndvegi. Víða þar sem ég hef farið
um landið eru góðir söngkórar,
hljóðfæraleikur barna og unglinga,
og skemmtileg áhugamannaleikhús
stolt heimamanna - og menn eru
alls staðar að yrkja.
Veittu því athygli að í livert skipti
sem byggðarlög eiga afmæli þá
kappkosta þau að fá heim til sín
alla þá listamenn sem eru fæddir og
uppaldir þar. Þeir koma þá færandi
hendi með myndirnar sínar,
sönginn sinn, með dansinn sinn,
með höggmyndimar sínar og hvað
eina. A slíkum stundum skynjum
við betur enn ella hvers virði listin
og menningin eru okkur.”
-En hvað finnst þér um Hafnar-
fjörð að öðru leyti?
„Ég kem nokkuð oft í Hafnarfjörð
einmitt af því að ég sæki þangað í
listsköpun. Mér þykir afar vænt um
að eiga Hafnfirðinga að nágrönn-
um. Mér finnast Hafnfirðingar svo
skemmtilegir. Ég átti t.d. eitt sinn
að segja frá smærra bæjarfélagi á
Islandi sem ég hefði mætur á fyrir
dagblaðið The Europian, fyrir
tveimur eða þremur árum, og ég
valdi Hafnarfjörð.
Afi minn og amma bjuggu lengi í
Hafnarfirði. Afi var kennari við
Flensborgarskóla. Sem barn kom
ég oft til þeirra og lék mér á
Hamrinum. En nú ég sæki list til
Hafnarfjarðar og vildi óska þess,
fyrir þá miklu byggð sem er í
kringum Hafnarfjörð, þar með talda
stórborgina Reykjavík, að Hafn-
firðingar haldi áfram hátt á loft því
listablysi sem þeir hafa tendrað
heima hjá sjálfum sér.”
Nokkur orð um Listahátíð
Birgir Björnsson, forstöðumaður
íþróttahússins í Kaplakrika
Stoltur af mikilvægu
hlutverki Kaplakrika
Mér fannst Listahátíðin
sérstaklega skemmtilegt
átak hér í Hafnarfirði.
Hún hafði mjög örvandi
áhrif á allt bæjarlífið og
var góð auglýsing fyrir
bæinn út á við. Ég er
jafnframt stoltur yfir því
mikilvæga hlutverki sem
Kaplakrikinn gegndi á
Listahátíðinni.
Það var yfirleitt
geysimikil aðsókn á þá
viðburði sem fram fóru í
Kaplakrikanum. Þannig troðfylltist húsið fjórum sinnum, á
tónleikum Dimitrovu, Rage Against the Machine, Nigel
Kennedy og svo við opnunarhátíðina þegar Sinfóníuhljóm-
sveitin lék og kórar úr Hafnarfirði sungu.
Kaplakrikinn var byggður sem æfinga- og keppnishús fyrir
íþróttir en það hefur sýnt sig að með breytingum og
lagfæringum má hæglega gera hann að tónlistarhöll, leikhúsi
eða sýnarsal. Það kosta að vísu talsverða vinnu.
í tenglsum við Listahátíðina var allt á haus héma hjá okkur
og mikil vinna við að undirbúa svið og alla aðstöðu. Við
áttum í þeim efnum nijög góða samvinnu við áhaldahús
bæjarins. Þessi hátíð bar þess vissulega merki að menn voru
að nota Kaplakrikann í fyrsta skipti til þessar hluta og
örugglega má standa að hlutunum með meiri hagkvæmni í
framtíðinni. En Listahátíðin gekk frábærlega vel.
Runólfur Birgir Leifsson,framkvæmda-
stjóri Sinfóníuhljómsveitar íslands
Gott orð og jákvæð
ímynd
Mér finnst Listahátíð í
Hafnarfirði vera mjög
merkilegt framtak og
Hafnarfjarðarbæ til
mikils sóma. Dagskrá
hátíðarinnar var mjög
fjölbreytt og boðið upp
á góð atriði. A síðustu
hátíð var megináherslan
á tónlistina sem mér
líkaði að sjálfsögðu vel.
En ég var líka mjög
hrifinn af Listahátíðinni
fyrir tveimur árum
síðan.
Þarna var boðið upp á allar tegundir tónlistar, popp, jass og
alheimsnöfn á tónlistarsviðinu. Með Listahátíð hefur Hafnar-
fjörður skapað sér gott orð og jákvæða ímynd sem menning-
arbær. Þetta er nokkuð sem ég held að eigi eftir að skila
Hafnfirðingum miklu þegar fram líða stundir.
Það vantar ef til vill á, að verslanir og fyrirtæki nýti
Listahátfðina sem skyldi til að vekja athygli á sér. Það er
alkunna erlendis að fyrirtæki styrkja listviðburði, bæði til að
vekja athygli á sér og samtímis styðja við listina. Með því eru
fyrirtækin jafnframt að búa sér til jákvæða ímynd.
Ég vona svo sannarlega að það verði framhald á Listahátíð í
Hafnarfirði. Svo mikið er víst að Sinfóníuhljómsveitin hefur
mjög jákvætt viðhorf til samstarfs við Hafnftrðinga.
Guðmundur Árni Stefánsson,
heilbrigðisráðherra
Hafnfirðingar voru
stoltir af bænum
Allir Hafnfirðingar
voru stoltir af bænum
sínum meðan á Lista-
hátíð stóð yfir í
júnímánuði síðast-
liðnum. Hátíðin vakti
verðskuldaða athygli
allra landsmanna og
einnig langt út fyrir
landsteinana.
Listahátíðin var
faglega mjög góð og
framkvæmdin gekk vel
fyrir sig. Þar gat að sjá
og heyra magra stórkostlega listamenn, jafnt erlenda sem
innlenda, flytja eða sýna list sína. Fjölbreytileiki hátíðarinnar
gerði það að verkum að allir gátu fundið eitthvað við sitt
hæfi.
Þá fannst mér einstaklega ánægjulegt hversu þátttaka
bæjarbúa var geysilega almenn á Listahátíð en jafnframt
komu fjölmargir gestir annars staðar frá. Bæjaryfirvöld og
stjórn Listahátíðar stuðluðu að almennri þátttöku með því að
stilla miðaverði mjög í hóf. Stjórn Listahátíðar og allir aðrir
sem að henni komu eiga þakkir skildar fyrir frábær störf.
Listahátíð okkar Hafnfirðinga stóð Listahátíð í Reykjavík
alls ekki að baki nema síður sé. Ég veit að Listahátíð á eftir
að verða fastur þáttur í menningarlífi bæjarins um ókomin ár
og bera hróður bæjarins víða.