Dagfari - 01.03.1998, Blaðsíða 9
virkilega varið slíkar skröksögur fyrir því sem þeir kalla sína
kristilegu samvisku?
Við vitum öll að Kristur fæddist ekki á jólunum. Hann fædd-
íst, en ekki á jólum. Við vitum flest líka, að fallega sagan um
barnið í jötunni þar sem stjarna lýsti og vitringar komu að votta
hollustu, hún er eldgömul þjóðsaga. Höldum við í einlægni að
skröksögur, hvort sem er trúarlegar eða pólitískar, geri bömun-
um okkar og unglingunum auðveldara um vik að skilja sjálf sig
og tilvemna eða hjálpi þeim að byggja betri og réttlátari heim?
Að tvöfeldni og hræsni geri veröldina tryggari, umgengni við
jörðina skynsamlegri, samskipti manna friðsamlegri?
Kveikjum ljós friðar og réttlætis
Nei. Við skulum kveikja þau ljós sem við megnum, við skul-
um gera allt eins hreint og við getum, í umhverfi okkar og innra
með okkur sjálfum. Við skulum gera okkur glaðan dag í mat og
drykk. Við skulum gefa hvert öðru gjafir sem gleðja. Við skul-
um færa grænt líf náttúrunnar inn í hús okkar. Við skulum ekki
éta á okkur magasár, við skulum ekki drekka í okkur óminni, en
við skulum njóta ávaxta jarðarinnar þessa daga. Við skulum
tengja hugsun okkar rísandi sól, vaxandi birtu, aukinni hlýju í
veðrinu og okkur sjálfum og þar með vaxandi friði á þessari
góðu jörð sem við eigum, og eigum eina. Látum hækkandi sól
og hlýju hennar leiða okkur til þeirrar hyggju réttlætis, sem ein
getur tryggt þann frið sem mannkynið og jörðin okkar þarf svo
sárlega á að halda.
Gleðilegar hátíðir.
EyvindurP. Eiríksson