Dagfari - 01.03.1998, Blaðsíða 23

Innheimta árgjalda
Greiðið gíróseðla!
Með þessu tölublaði Dagfara fylgir gíróseðill til greiðslu
árgjalds Samtaka herstöðvaandstæðinga. Árgjaldið er 1500
krónur og eru það einu tekjurnar sem við höfum til að halda
úti starfi okkar. Vonandi bregðast félagar skjótt við þannig
að rödd andstöðunnar við hernaðarbrölt og hemaðarhyggju
nái að heyrast áfram og stöðvist ekki af peningaskorti.
Allmargir félagar okkar hafa ekki hirt um það að greiða
árgjöld sín til Samtakanna í einhvem tíma, en fengið
Dagfara sendan eigi að síður. Þetta hefur verið meðvituð
ákvörðun, grunduð á útbreiðslu- og fræðsluhlutverki Dag-
fara. Nú hefur miðnefnd hins vegar tekið þá ákvörðun að
héðan í frá muni Dagfari einungis verða sendur þeim sem
greitt hafa árgjald. Þetta er ekki síst vegna gífurlegrar
hækkunar á póstburðargjöldum sem dundu yfir á síðasta ári.
Félagar eru því cindrcgið hvattir til að sýna ábyrgðartil-
finningu og greiða gíróseðlana.
Nokkrir félagar hafa verið undanþegnir greiðslu árgjalda,
er þar fyrst og fremst um öryrkja og aldraða að ræða. Að
sjálfsögðu verður engin breyting á því.
Allmargir félagar greiða árgjald til Samlakanna með því
að láta taka það af kortum sínum. Þetta er mjög þægilegt
fyrir alla aðila, bæði þá sem greiða og hina sem standa í
innheimtu. Félagar cru hvattir til að nýta sér þennan mögu-
leika og hafa samband við gjaldkera Samtakanna, Sigurð
Flosason, í síma 554 0900.
Binia Þórðardóttir,
formaður miðnefndar