Dagfari - 01.11.1998, Blaðsíða 11

Samþykkt Samtaka herstöðvaandstæðinga
vegna loftárása Bandaríkj ahers á
Afganistan og Súdan
21. ágúst 1998
Samtök herstöðvaandstæðinga fordæma hernaðarárásir
Bandaríkjanna á Afganistan og Súdan. Ekkert getur réttlætt
þessar árásir, ekki fremur en fjölmargar aðrar árásir sem þetta
ríki hefur gert á önnur lönd. Hryðjuverkin í Naíróbí og Dar-el-
Salam réttlæta ekki árásirnar, þvert á móti er það framferði á
borð við þessar loftárásir sem skapar hryðjuverkamönnum
tilverugrundvöll. Eða voru árásirnar kannski gerðar til að skapa
hinum falleraða forseta hagstæða ásjónu heima fyrir; ásjónu
hins alvarlega og hugrakka forseta sem þorir að brýna klærnar
og flytur þjóð sinni ávarp á örlagastundu, ávarp sem ríkissjón-
varp Islendinga sér til að fari ekki heldur framhjá okkur
eybúum.
Samtök herstöðvaandstæðinga fordæma árásarstefnu
Bandaríkjanna og krefjast þess að herstöðvar þeirra hér á landi
verði lagðar niður hið fyrsta og Island segi skilið við hemaðar-
bandalag þeirra, Nató.