Dagfari - 15.04.2000, Blaðsíða 4

Reykjavík 12.4.2000
Utanríkismálanefnd Alþingis
Nefndasvið Alþingis
Þórshamri v/ Templarasund
150 Reykjavík
Umsögn um frumvarp til laga um friðlýsingu íslands
fyrir kjarnorkuvopnum
Samtök herstöðvaandstæðinga mæla með því að frumvarp þetta hljóti
samþykki.
Allt frá því að kjamorkuvopn vom fundin upp og þeim beitt í hemaði
hefur gereyðingarmáttur þeirra verið augljós, sem og ýmis þau áhrif sem
beiting þeirra hefði á umhverfi mannsins og lífríki jarðar. Einnig hefur
verið sýnt fram á ýmsar ófyrirséðar og langvarandi afleiðingar sem beiting
kjamorkuvopna hefði í för með sér. Hið sama má segja um eiturefni og
beitingu þeirra í hemaði.
Stofnun kjamorkuvopnalausra svæða víða um heim, svo sem í Suður
Ameríku og á Nýja-Sjálandi, hefur stuðlað að takmörkun þessara vopna og
hafa kjamorkuveldi virt slíkar yfirlýsingar.
Samtök herstöðvaandstæðinga álíta ekki að aðild íslands að neinum
sáttmálum eða samtökum komi eða eigi að koma í veg fyrir að fmmvarp
þetta verði afgreitt, enda hafa ríkisstjómir íslands margítrekað á Alþingi að
hingað hafi ekki komið og skuli ekki koma kjamorku- eða eiturefnavopn
eða annað af því tagi sem fmmvarp þetta nær yfir.
Samtökum herstöðvaandstæðinga er ekki kunnugt um að viðhorf
þjóðarinnar til þessa máls hafi verið kannað nýlega, en rétt er að minna á
að fyrir um tíu árum mældist stuðningur við sambærilega tillögu um og
yfir 90% í skoðanakönnunum.
Virðingarfyllst,
Stefán Pálsson, formaður miðnefndar SHA
4