Dagfari - 01.10.2003, Side 4

Húss er þörf
Fyrir réttu ári birtist grein í Dagfara, eftir þann er þetta ritar,
um nauðsyn þess að festa kaup á húsnæði íyrir Samtök
herstöðvaandstæðinga í miðborg Reykjavíkur. Slíkt húsnæði yrði að
uppfylla þær kröfur að þar mætti starfrækja skrifstofur samtakanna,
geyma skjöl og aðrar eignir SHA, auk þess að rýma smærri fúndi. Á
landsráðstefnu 2002 var samþykkt að fela nýkjörinni miðnefnd að
vinna að framgangi málsins og skipa nefnd til að vinna að tillögum í
þessa veru.
Niðurstaða þessarar könnunarvinnu er skýr. Að undangenginni
söfnun meðal félagsmanna og velunnara, eru kaup á húsnæði
raunhæfur kostur og mikilvægi þess fyrir starfsemi félagsins er
ótvírætt. Núverandi aðstaða SHA í Þinghóli í Kópavogi gegnir að
sönnu hlutverki geymslu og hentar vel sem fundarstaður miðnefndar,
en útilokað er að halda þar úti skrifstofu með fastan opnunartíma.
Þessu verður að breyta.
Virk friðarhreyfing eins og Samtök herstöðvaandstæðinga eru,
verður að geta tekið á móti fólki og boðið upp á vettvang til vinnu og
skoðanaskipta. Ljóst er að eftirspumin eftir slíku starfi er fyrir hendi,
það sýna viðbrögðin við kynningarfundi SHA fyrir unga félaga sem
haldinn var á veitingahúsinu Vídalín um miðjan mánuðinn. Slíka
fundi mæti halda oft á ári ef samtökin hefðu yfir eigin húsakosti að
ráða.
Eitt brýnasta viðfangsefni þeirrar miðnefndar sem kosin verður á
landsráðstefnunni þann 25. október er að leiða mál þetta til lykta. Það
er ekki et'tir neinu að bíða.
Stefán Pálsson, formaður miðnefndar SHA