Aðventfréttir - 01.03.1992, Side 9
NEYÐAR-
ÓPIÐ
VEITTU ÞEIM FRAMTIÐ
Það er engu líkara en það færist í vöxt, nísti meir en nokk-
urntíma fyrr: Neyðarópið frá þeim mörgu sem líða skort og
þjást af ýmsum ástæðum. Hungrið sverfur að, sjúkdómar
herja. Flóttafólk framfleytir lífinu við hin ömurlegustu kjör.
Þurrkar, mengunarslys, náttúruhamfarir, uppskerubrestir,
styrjaldir, fólk í andlegri neyð. Hvernig eigum við að bregðast
við?
Ber það einhvern árangur að hjálpa? Þannig spyrja margir
og fórna höndum. í okkar landi gengur lífið stórt séð sinn
vana gang. Flestir njóta sumarsins og taka sér verðskuldað
sumarfrí annað hvort innanlands eða utan. Njótum þeirra
andlegu og líkamlegu blessana sem Guð hefur veitt okkur en
látum okkur ekki verða sjálfum okkur nóg þannig að við
daufheyrumst við hrópinu frá hinum mörgu sem bíða og líða
og sem ef til vill vona á okkur, bíða í von eftir því framlagi sem
við getum lagt af mörkum og sem getur orðið til þess að ljós
og gleði færist inn í líf þeirra á ný.
Það er sannfæring okkar að það stoði að hjálpa, og einmitt
um þessar mundir hafa meira en 20.000 innsöfnunarblöð
borist frá prentsmiðju safnaðarins í Danmörku - fallega lit-
prentuð blöð með upplýsingum um hjálparstarfið í ýmsum
löndum.
Nú þegar hefur verið safnað úti á landi, bæði vestanlands og austan og hefur söfnunin borið góðan árangur. Enn
mætum við velvilja fólks í garða hjálparstarfsins. Farið verður í söfnunarferð um Norðurland um miðjan ágúst en
það sem eftir verður af söfnunarblöðum bíður viljugra handa og fóta sem eru fús til þess að bera þau út til fólksins
á Stór-Reykjavíkursvæðinu, Suðurnesjum, Árnessýslu og Vestmannaeyjum - og radda sem eru tilbúnar til þess að
bjóða almenningi að taka þátt í átaki til þess að lina þjáningar þeirra sem eru í neyð.
Síðasta ár söfnuðust rúmar 4,6 milljónir hér á íslandi til hjálparstarfsins. Margir lögðu hönd á plóginn, sumir
unnu þrekvirki. En samt urðu blöð eftir sem aldrei komust út til fólks. Það er ekkert leyndarmál að of fáir taka þátt
í starfinu sem þar af leiðandi leggst mjög þungt á suma
aðila. Hugsa sér ef við gætum tvöfaldað fjölda þeirra
sem taka virkan þátt í söfnuninni, þannig að hjálpin
mætti ná til enn fleiri!
Við viljum þakka þeim sem af mikilli trúmennsku hafa
tekið þátt í söfnunarátakinu og einnig hvetja þig, sem
enn hefur ekki lagt starfinu lið, að reyna nú að taka þátt
þegar söfnunarátakið hefst í haust. Náðu þér í söfnun-
arlista, leyfi, nokkur blöð og söfnunarsvæði hjá leik-
mannaleiðtoga safnaðarins þíns eða taktu þátt í
hópsöfnun og uppgötvaðu hvað Guð getur til leiðar
komið vegna framtaks þíns. Leyfðu neyðarópinu að
hljóma hið innra með þér og fyllstu þeirri gleði sem það
gefur að vera með.
Megi Guð blessa sérhvern sem leggur sig fram við að
leggja þessu mikilvæga starfi lið.
Aðventfréttir 3.1992
9