Aðventfréttir - 01.05.1992, Blaðsíða 14
INNSÖFNUN 1992
SÖFNUN m HJÁLPARSTARFS AÐVENTISTA
Þá er söfnunin til hjálparstarfsins á þessu ári um garð
gengin. Þó hafa ekki borist allra síðustu upphæðir frá
hinumýmsu söfnuðum.
Árangur söfnunarinnar í ár hefur markast töluvert af
þeim drunga sem hvílir yfir efnahagslífi þjóðarinnar.
Margir einstaklingar og sérstaklega fyrirtæki hafa þurft
að sleppa þátttöku í söfnuninni á ár vegna
fjárhagsörðugleika. Þó hafa landsmenn enn á ný tekið
söfnurum vel og sýnt velvilja í garð söfnunarinnar sem
endranær.
Farið var af stað fyrstu helgina í júlí í fyrstu
söfnunarferðina út á land, og þá hafist handa á
Svalbarðseyri við austanverðan Eyjafjörð og unnið austur
um land, allt suður að Hellu á Rangárvöllum. Stjórnandi
þeirrar ferðar var Kristinn Ólafsson, en með honum fóru
undirritaður, Sigurborg Ólafsdóttir og Brynja og Rhonda
Erlingsdætur.
Vikuna eftir þessa ferð stjórnaði Erling B. Snorrason
ferð um Vesturland. Tekið var Snæfellsnes, allir Vestfirðir
og allt að Hólmavík. Með honum í för var kona hans
Jeanette, og dæturnar tvær. Síðla sumars stjórnaði
Steinþór Þórðarson ferð um Norð-Vesturland. Þá var
tekinn helmingur Akureyrar, Dalvík,
Hrísey, Ólafsfjörður og allir bæir og
þorp allt vestur að Hvammstanga. Aðrir
þátttakendur í þeirri ferð voru þeir
David West, Þröstur B. Steinþórsson
og Davíð Ingibjartsson.
Söfnunarátakið á Suð-Vesturlandi
og í Vestmannaeyjum hófst í byrjun
september að vanda. Safnað var á
Akranesi sunnudaginn 6. september
og í Hafnarfirði sunnudaginn 13.
september með sameinuðu átaki
safnaðanna. Þó hafði hinn nýstofnaði
Hafnarfjarðarsöfnuður unnið hluta
verksins í Hafnarfirði áður. Söfnunin á þessu svæði lauk
fyrstu vikuna í október, nema á Suðurnesjum, en þar var
haldið áfram, að fengnu framlengdu leyfi, fram í lok
nóvember.
í næstablaði munum við birta niðurstöður söfnunarinnar
þar eð endanlegar tölur eru ekki til staðar nú því enn eiga
upphæðir eftir að berast frá hinum ýmsu söfnuðum eins
og fyrr segir. Einnig að þessu sinni er mikill hluti
söfnunarinnar unninn af fáum aðilum sem lagt hafa á sig
ómælda vinnu og fyrirhöfn til að sinna þessu mikilvæga
verki jafnvel þó að í sumum tilvikum hafi verið við
sjúkdóm að etja eða hreyfihömlun. Mætti þetta verða til
þess að hvetja okkur hin til enn frekari dáða á komandi ári,
til þess að halda við þessu mikilvæga verki sem er í anda
Krists.
Hér skulu að lokum færðar innilegustu þakkir til allra
þeirra sem starfað hafa að söfnuninni þetta árið. Guð einn
getur launað það framlag sem felst í því að heimsækja
heimili og fyrirtæki landsins til að gefa almenningi tækifæri
til þess að taka þátt í að líkna og lækna í anda Krists.
E.G.
UM SÁLMABÓKINA
Við viljum minna á nýju
sálmabókina okkar. Þetta er tilvalin
jólagjöf í ár. Þessa bók má ekki vanta
á heimili safnaðarmeðlima og margir
í þjóðfélaginu í heild myndu fagna því
að eignast hana.
Við höfum kynnt organistum
þjóðkirkunnar bókina og f engið mjög
góðar móttökur. Nýlega afhentum við
HaukiGuðlaugssyni, söngmálastjóra
Þjóðkirkunnar, eintak af bókinni til
eignar og hefur hann hug á að skrifa
organistum sínum bréf og mæla með
henni.
Söngvaval á samkomum okkar
hefur aukist til muna eftir að nýja
bókin kom og margir hafa haft orð á
því hve gaman þeim þykir að læra nýja
sálma. Þeir sem hafa vanist því að
syngja í kór og lesa nótur eiga auðvelt
með það nú að syngja sína rödd í
almennum kirkjusöng. Auk þess eru
ýmsir farnir að prófa sig áfram með
að syngja aukaraddir eftir nótunum
sem aldrei hafa sungið í kór fyrr.
Þegar unnið var að útgáfu
bókarinnar var allt kapp lagt á að
bókin yrði villulaus. Þó gerðu menn
sér grein fyrir því að nær ómögulegt
er að komast hjá öllum villum. Um 40
manns unnu við verkið svo erfitt er
að samræma verk allra. Sumir slógu
á létta strengi og bentu á að íslamskir
bókstafstrúarmenn settu alltaf
viljandi eina eða tvær villur í hverja
bók, því enginn væri fullkomin nema
Alla. Ekki vildum við nú fylgja þeirra
fordæmi.
Því miður gerðist það þó að fáeinar
villur slæddust með í bókina: í
tveimur sálmum féll niður vers og í
einum sálmi dróst eitthvað til á filmu
í prentun eftir að prófarkalestri var
lokið.
Leiðréttingar er nú verið að prenta
á límmiða sem auðveldlega má setja í
bækumar. Límmiðunum verður dreift í
söfnuðina, en einnig verður hægt að
nálgast þá á skrifstofu Samtakanna.
Aftur viljum við undirstrika, notið
tækifærið um þessi jól og gefið góða
gjöf, gefið bestu íslensku
sálmabókina, „Sálma og lofsöngva."
Árið 1992 var útnefnt “ár söngsins”
og því er þetta mjög viðeigandi gjöf.
Þ.B.S.
Sálrnar og Lofsöngvar fást á
skrifstofu Aðventista, Suðurhlíð
36, Reykjavik, sími 91-679260.
14
Aðventftéttir 5.1992