Aðventfréttir - 01.05.1992, Blaðsíða 16

FRÁ HLÍÐARDALSSKÓLA
Hlíðardalsskóli varsetturí43.
sinn þann 13. september s.L
Skólasetningin var með hefð-
bundnu sniðLSkólastjórinnbauð
nemendur, foreldra og gesti
velkomna, skólanefndarfor-
maðurfluttiávarpþarsem hann
lagði áherslu á sérstöðu
Hlíðardalsskóla sem kristins
skóla. Kvartettu ngra manna úr
Suðurnesjasöfnuðinum,Acap-
pella kvartettinn, su ngu nokkra
negrasábnavið góðaru ndirtektir
áheyrenda, sjálfboðaliðarnir
okkarerlendis frávoru kynntir,
og síðan lauk skólasetningu nni
með því að allir sungu skóla-
sálminnsem Sr.HelgiSveinsson
orti og tileinkaðiHlíðardalsskóla.
Eins og mörg undanfarin ár, eða
allt frá 1976, eru hér sjálfboðaliðar
erlendis frá. Þetta er ungt fólk, oftast
um tvítugt. Að þessu sinni eru þau
fimm eins og í fyrra. Þau eru: William
(Billy) Murdoch, frá Kanada, (hann var
líka í fyrra), af íslenskum ættum í
móðurætt, sonur Unnar Hall-
dórsdóttur Murdoch. Jon Gohnny)
Halversen frá Kaliforníu, Kyle Fiess
frá Kalifomíu, af í slensku bergi brotinn,
en foreldrar móður hans voru: Inga
og Magnús Melsted og foreldrar Ingu
voru: Jón Metúsalemson Ólason
(Metúsalems Ólasonar ) og Arndís
Jónsdóttir, enforeldrarMagnúsarvoru
Sigurður Magnússon frá Akureyri (flutti
út 1876) og Rósa Torfadóttir frá
Langanesi (flutti út 1883). Að lokum
Tamara Hannah frá Kaliforníu, og
Margaret Vontzalidis frá Grikklandi,
en hún er nú búsett í Englandi.
Starfslið er að öðru leyti:
Skólastjóri: Erling B. Snorrason,
fjármálastjóri: Elías Theodórsson,
kennarar: Erhng B.Snorrason, Jeanette
A. Snorrason og Sverrir Ingibjartsson.
Sverrir er einnig vistarstjóri þilta.
Húsmóðir skólans, vistarstjóri stúlkna
og matráðskona er Ólöf
Haraldsdóttir.einnigerhúnmynd- og
handmenntakennari skólans. Þá er
Davíð Ólafsson stundakennari við
skólann, kennir íslensku.
Undanfarin 3 ár hefur skólinn verið
fullsetinn og jafnvel verið smá biðlisti
á stundum. Nú í ár er góður hóþur en
samt enn hægt að bæta nokkrum við.
Það er erfitt árferði hjá mörgum,
samdráttur og fólk heldur að sér
höndum. Aðsóknin að skólanum er
því vonum framar.
Auk venjulegs skólahalds 8. 9. og
10. bekkjar er hér mikið um að vera,
bæði í vinnu, íþróttum og félagslífi
ásamt dýrmætum andlegum stundum.
Þar er helst að nefna morgunbænir,
kvöldbænir, föstudagskvöld og
helgistund á hvíldardögum. Þá er
einnig Biblíuklúbbur á föstudögum
eftir samkomuna. Þá koma þeir
nemendur sem vilja heim til Erlings og
ræða Biblíuna, trúmál og andleg mál.
Það er gaman að sjá hve margir
hafa áhuga á að ræða, sþyrja og
fræðast um þessi mikilvægustu mál í
lífi hvers og eins.
Þá er ánægjulegt til þess að vita að
á systurskóla okkar í Noregi, mennta-
skólanum Tyrifjord Videregaaende
Skole, eru nú 8 nemendur frá íslandi,
þar af 7 frá Hlíðardalsskóla, Brynja og
Rhonda Erlingsdætur, Helgi Þór
Helgason, Herwig Syen, örvar Þór
Guðmundsson, Brimar Magnússon,
Brynja Sif Brynjarsdóttir og Ósk
Ármannsdóttir.
Það er ánægjulegt að verða vitni að
því ár eftir ár að nemendur finna
athvarf hér og verða fyrir kristilegum
áhrifum. Þeir ná árangri í námi sem
þau oft hafa ekki haft aðstæður til
áður, sum losna úr vafasömum
félagsskap, aðrir koma vegna þess
að foreldrar þeirra voru hér og vilja
að börnin þeirra njóti þess líka. Enn
aðrir koma hingað vegna þess að þeir
eða, foreldrar þeirra, hafa heyrt svo
margt gott um skólann.
Langflestir sem hér hafa verið hafa
góðar minningar héðan og búa að því
æ síðan að hafa fengið hér gott
veganesti út í lífið. Áhrif skólans ná
langt út fyrir veggi og næsta nágrenni
skólans. Áhrifanna gætir á heim-
ilunum, hjá vinum og ættingjum, á
vinnustöðum og sjálfsagt víðar. Þó
nýtum við ekki nema brot af þeim
möguleikum sem gefast með
Hlíðardalsskóla. Þakklátir nemendur
og foreldrar heyra því miðurlítið sem
ekjcert frá okkur eftir síðasta
skolaslitadaginn. Hér er stór óplægður
akur. Vonandi stendur þetta til bóta
þegar NSH (Nemenda og Styrktarfélag
Hlíðardalsskóla) ýtir úr vör, en það
hefur verið mikil vinna í því að ná
öllum heimilisföngunum réttum. Þá
verður hægt að senda fréttabréf
reglulega, góðar greinar um skólann,
kristilegt uppeldi, andlegar greinar,
tilboð um frekari fræðslu, námskeið,
Biblíubréfaskólann, mót o.s.frv.
Möguleikarnir eru óendanlegir og alltof
dýrmætir til þess að láta þá ónýtta.
Þá viljum við enn á ný þakka hlýhug
í garð skólans, stuðning og fyrirbænir.
Megi skólinn eflast og styrkjast og
halda áfram að vera sterkur þáttur í
lífi og starfi Aðventsafnaðarins um
ókomin ár. Guð hefur blessað og ef
við reynumst trú mun hann blessa
áfram.
16
Aðventfiéttir 5.1992