Aðventfréttir - 01.05.1992, Blaðsíða 17
HLÍÐARDALSSKÓLI - GÓÐUR SKÓLI
Að gefni tilefi vil ég koma
eftirfarandi á framfæri. Á aðalfundi
Samtakanna 1988 var samþykkt
grundvallarbreyting á rekstri Hlíðar-
dalsskóla. Skólinn átti að verða
sjálfstæð rekstrareining innan starfs-
ins og standa á eigin fótum fjár-
hagslega. Ekki mátti reikna með
neinum fjárhagslegum stuðningi frá
Samtökunum. Það var ljóst að skólinn
var skuldum vafinn því reksturinn
hafði oft verið erfiður fram að þessu
þótt árangur af starfi skólans væri
góður. Hafist var handa við að ná
settum skilyrðum. Samhent og
áhugasamt starfsfólk lagði hart að
sér til að takmarkinu yrði náð.
Gjörbylting varð ákjörum starfsfólks
og starfsháttum skólans. Reynt var
eftir fremsta megni að umbuna fólki
fyrir unnin störf. Eftirfarandi tafla
sýnir nemendafjölda við skólann.
Ástæðan fyrir þessum
nemendabreytingum er sú að þeir
nemendur sem ekki virða reglur og
staðal skólans voru einfaldlega sendir
heim, en stöðug ásókn í skólavist
leiddi til þess að nýir nemendur
bættust við.
í byrjun þessa tímabils sem um er
rætt var augljóst að taka þurfti til
hendinni við endurbætur og viðhald
til þess að koma skólanum í viðunandi
horf. Það var strax hafist handa og nú
5 árum síðar hefur m.a. eftirfarandi
áunnist.
1. Rafmagnsleiðslurog tengingar
endurnýjaðar samkvæmt staðli
Rafmagnsveitna ríkisins.
2. Pípulagnir yfirfarðar og
endurnýjaðar að verulegu leyti.
3. Linoleum gólfdúkur lagður á
tvær kennslustofur og kapellu.
4. 8 herbergi á drengjavist
endurnýjuð þ.e. nýjar kojur, borð
skápar, dúkur á gólf ofl.
5. Nýtt teppi lagt á gang drengja-
vistar.
6. Stór hluti skólans málaður að
innan.
7. Ný eldhúsinnrétting í íbúð
Miðheima (Stúlknavist).
8. Ný eldhúsinnrétting í íbúð
Sveinheima (Drengjavist).
9. Salerni í kjallara Miðheima
uppgert. Gefið af Árnessöfnuði.
10. Skipt hefur verið um hurðir í
fáeinum herbergjum.
11. Nýir gluggarammar og gler í
kapellu og 3 kvistherbergi stúlkna-
vistar.
12. Setustofa stúlkna flísalögð,
nýtt áklæði á sætisbekkina og ný
gluggatjöld.
13. Nýtt áklæði á sætisbekki í
setustofu pilta.
14. Borðstofan endurnýjuð, nýr
gólfdúkur, stólar, skápur og
gluggatjöld.
15. Uppþvottaherbergið lagað, lagt
í gólfið, borð og uppþvottavél
endumýjuð.
16. íbúðarhús Breiðabólsstaðar
klætt utan og nýir gluggarammar og
gler.
17. Prentsmiðjuhús og íbúðarhús
keypt af Smára Sveinssyni.
18 Nýir ofnar í skólastjórabú-
staðinn.
19. Nýkælivélíkæliherbergið.
20. 38dýnuryfirdekktar.
21 Útidyrahurð stúlknavistar gerð
upp.
22. Sjónvörp og myndbandstæki
sett upp í 3 kennslustofur ásamt
geymsluskápum.
23. 9. bekkjarstofan stækkuð.
24. Nýtæki:Ljósritunarvél,vönduð
Victor PC tölva og þvottavél.
25. Steyptur þakkantur
stúlknavistar klæddur til varnar
vatnsskemmdum.
26. Ýmis önnur minniháttar
verkefni hafa verið unnin.
í dag er skólinn í mjög viðunandi
ástandi þótt enn sé ýmislegt sem
þarfnast lagfæringar við.
Eðlilegt viðhald á staðnum er
óumflýjanlegt. Kostnaður við þessar
umbætur síðan 1988 eru u.þ.b.10
milljónir. Þetta fé er fengið úr
rekstrarfé skólans, einnig hafa
velunnarar skólans sýnt verulegan
stuðning sem er þakkarverður. Ríkið
hefur styrkt skólann um nokkurt skeið
og styrkurinn nú er nálægt tvöfalt
hærri en hann var 1988. Staðurinn
nýtist vel fyrir Samtökin sem
mótstaður og stendur opinn fyrir hinar
ýmsu deildir safnaðarins. Skólinn hefur
gott orð á sér innan mennta- og
félagsmálageirans, það sjáum við í
umsögnum sem fylgja nemendum og
viðtölum við fólk.
4-5 erlendir sjálfboðaliðar hafa
dvalið á skólanum ár hvert. Þeir hafa
gengið inn í hin fjölbreytilegustu störf
og eru mikill styrkur fyrir skólann.
Góður fjárhagslegur grunnur,
samhent og áhugasamt starfsfólk,
góð aðsókn nemenda og jákvætt
orðspor í þjóðfélaginu er til staðar.
Hlíðardalsskóli er í sókn og
framtíðin er björt, við megum vera
stolt að því að eiga og reka slíkan
skóla.
Bías Theodórsson
Fjármálastjóri Hlíðardalsskóla
FJÖLDINEMENDA SEM SETTUST Á SKÓLABEKK.
að hausti að vori á skólabekk
1988 38 42 51
1989 48 56 61
1990 45 44 62
1991 48 48 62
Aðventfréttir 5.1992
17