Aðventfréttir - 01.01.1999, Blaðsíða 3
FRÉTTIR FRÁ
SUÐURHLÍÐARSKÓLA
Gjafir til skólans
Skólastarf fór vel af stað í haust. Ný
álma var tekin í notkun en ráðist var í það
síðastliðinn vetur að standsetja þann hluta
hússins sem hýsa skyldi starfsaðstöðu
kennara og annars starfsfólks, bókasafn og
lesaðstöðu nemenda.
Ymsir lögðu hönd á plóginn, bæði með
sjálfboðavinnu og góðum gjöfum. Gefin
var eldhúsinnrétting í kennarastofu og
blöndunartæki. Klósett og handlaug á sal-
erni með blöndunartækjum ásamt tækjum
í ræstikompu og skrár og húnar á allar
hurðir nýju álmunnar. Einnig hafa skólan-
um borist góðir notaðir hlutir, sem koma
okkur vel svo sem notaðar tölvur, tölvu-
borð, hilluskápar fyrir gæsluna, bækur á
bókasafnið ofl.
Það nýjasta kom síðan fyrir örfáum
dögum en það var 100 þúsund króna gjöf
frá aðilum sem ekki vilja láta nafna sinna
getið og 220 þúsund krónur sem eiga að
fara til kaupa á ljósritunarvél. Kemur sú
gjöf frá skandin-
avískum læknum
sem búsettir eru í
Kaliforníu og
hafa með sér sam-
tök um að styrkja
árlega einhverja
af okkar stofnunum á Norðurlöndum.
Ekki megum við heldur gleyma öllum
þeim trúföstu safnaðarmeðlimum sem
minnast skólans okkar mánaðarlega með
gjöfum sínum.
Öllum þessum aðilum viljum við færa
okkar bestu þakkir og biðjum Guð að
launa þeim gjafmildi þeirra. Það er okkur
sem störfum við skólann mikil hvatning
og styrkur að finna þann hlýhug sem þið
berið til skólans.
Bjöllusveit Suðurhlíðarskóla
Bjöllusveit er starfandi við skólann og
gerði hún víðreist fyrir jólin. Byrjað var á
því 11. desember að leika fyrir skólastjóra
við grunnskóla Reykjavíkur á síðasta fundi
þeirra fyrir jólin
sem haldinn var í
Gerðubergi. Þá var
haldið í Norður-
brún 1 og leikið fyr-
ir vistmenn þar. 14.
desember var leikið fyrir vistmenn á
Hrafnistu í Reykjavík og 16. desember var
síðan haldið á Grensásdeild Sjúkrahúss
Reykjavíkur og að lokum var leikið á jóla-
skemmtun fyrir leikskólabörn úr Alftaborg
og foreldra þeirra. Var krökkunum hvar-
vetna vel tekið og voru þessar ferðir þeim
hvatning og til ánægju.
Jólasamkoma í
Aðventkirkjunni.
Eins og venja hefur verið í Suðurhlíð-
arskóla frá upphafi hafa nemendur skólans
staðið fyrir jólasamkomu í Aðventkirkj-
unni í Reykjavík og boðið þangað foreldr-
um, systkinum og öðrum fjölskyldumeð-
limum og vinum ásamt safnaðarmeðlim-
um.
Að þessu sinni var þessi samkoma
haldin föstudagskvöldið 18. desember fyrir
nánast fullu húsi.
Boðið var upp á upplestur, kórsöng,
bjöllusveit, ýmis tónlistaratriði önnur og
jólaleikrit. I lok samkomunnar var síðan
tekið við gjöfum til kaupa á bókum fyrir
bókasafn skólans. Söfnuðust kr. 19.500 og
hefur þeim peningum þegar verið varið til
bókakaupa og verið vel tekið af lesþyrstum
bókaormum.
Norræna bókasafnsvikan.
A vegum Norræna félagsins var efnt
til norrænnar bókasafnsviku á bókasöfn-
um Norðurlandanna. Þemað var: „Norræn
fyndni“. Tókum við þátt með þeim hætti
að nemendur söfnuðust á sal á hverjum
morgni og hlustuðu á upplestur við kerta-
ljós. Ýmsir lásu bæði nemendur og kennar-
ar.
Nú eftir áramótin munu allir hópamir
skiptast á að hafa dagskrá á sal. Hver stofa
sér um eitt skipti og reið 6.-7. bekkur á
vaðið 15. janúar. 12. febrúar var svo kom-
ið að 1.-3. bekk. Þetta hafa verið mjög fjöl-
breyttar og skemmtilegar dagskrár þar sem
allir hafa tekið þátt.
Listrænir viðburðir.
1 október fengum við það kostaboð að
koma í heimsókn í Islensku óperuna að sjá
uppfærslu nemenda söngskólans á
Töfraflautunni eftir Mozart. Var þeirri til-
breytni vel tekið af nemendum og mæting
góð.
I byrjun nóvember fengum við síðan
heimsókn af frábæmm listamönnum, þeim
Guðna Franzsyni klarinettuleikara og
finnskum harmonikkuleikara að nafni
Tatu Kantomaa. Tóku þeir viðstadda með
sér í ferðalag um heiminn þar sem þeir
spiluðu lög frá ýmsum löndum við feyki-
góðar undirtektir áheyrenda.
Heimsóknir.
Nemendur hafa farið í ýmsar heim-
sóknir í vetur með sínum bekkjarkennur-
um og til stendur að nemendur 5.-6. bekkj-
ar fari í heimsókn f Borgarleikhúsið nú í
þessum mánuði. Er þetta framhald heim-
sóknar þangað í fyrra. Fá þau að kynnast
leikhúsinu og sjá dans og leiksýningu.
Nemendafélag.
Stjórn nemendafélagsins var kosin í
upphafi skólaárs og í henni sitja:
Andri Þór Kristinsson, formaður
Hjörtur Már Helgason, varaformaður
Magnús Örn Ragnarsson, gjaldkeri
Sigríður Lena Sigurbjarnadóttir, ritari
Marinó M. Þorbjamarson, meðstj.
I október stóð stjómin fyrir bíókvöldi
fyrir nemendur 6,- 9. bekkjar og f nóvem-
ber var síðan haldið „grímuball" fyrir alla
nemendur skólans. Var þetta hvoru tvegg-
ja liður í fjáröflun nemendafélagsins. I
byrjun mars er svo fyrirhuguð árshátíð
nemenda í 7.-9. bekk.
I janúar drifu svo nemendur úr 8.-9.
bekk tvo af kennurum sfnum með sér á
skíði eftir að kennslu lauk einn daginn.
Veður var frábært og færi gott og átti það
sinn þátt í að gera daginn ógleymanlegan.
I byrjun skólaárs voru 49 nemendur
skráðir í skólann. Um áramótin hættu
tveir nemendur en skömmu síðar bættust
fjórir nýir við, þannig að í dag er 51 nem-
andi í skólanum. Þetta er góður hópur og
góður andi ríkjandi.
Vonumst við til að sjá fleiri góða nem-
endur koma í hópinn þannig að rekstur
skólans megi verða tryggður.
AðventFréttir
3