Bræðrabandið - 01.07.1974, Blaðsíða 9

Bls. 9 - BRÆÐRABANDIÐ 6.-7.tb.
o
*
*
*
Nýlega voru gerfiar tilfærslur á starfsliði konferensins og
Hlíðardalsskóla. Árna Hólm hefur verið veitt leyfi frá störfum
við Hlíðardalsskóla í eitt ár samkvæmt eigin ósk. Guðmundur
Ólafsson flytur að Hlíðardalsskóla sem kennari, Steinþór ÞÓrðarson
til Reykjavíkur og mun annast ungmennadeildina, útgáfudeildina,
leikmannastarfið og prédikunarstörf. Júlíus Guðmundsson flytur
til Keflavíkur og annast Biblíubréfaskólann og hvíldardagsskóla-
deildina. Björgvin Snorrason verður skólastjóri Hlíðardalsskóla.
Arthur L White frá Ellen G. White stofnuninni mun verða hér á
landi 20.-22. september n.k. Mun hann halda margar samkomur
þessa helgi og mun þá kynna starf Ellen G. White og hlutverk
Anda spádómsins í hinum sxðasta söfnuði. Er sérstök athygli
vakin á þessari heimsókn því að hér er um áríðandi mál að ræða.
Er það heppilegt að Arthur L. White kemur á þessum tíma, því að
í undirbúningi er hjá okkur útgáfa bókarinnar Boðskapur til
safnaðarins 1. hefti eftir Ellen G. white. Bókin verðtr trúlega
ekki komin út áður en A.L. White kemur, en vonandi fljótlega á
eftir.
Ungmennamótið mun verða haldið dagana 21.-28.júlí að Hlíðardals-
skóla. GÓð áform hafa verið lögð og verður upp á margt að
bjóða. Vonumst við til að unga fólkið leggi áform um að vera á
mótinu. Eru foreldrar einnig hvattir til að stuðla að því að
börn þeirra og unglingar geti farið. Á mótstímanum þyrftu sem
flestir aðventunglingar að vera á Hlíðardalsskóla.
GÓð þátttaka var í námskeiðinu í Opinberunarbókinni, sem
haldið var í Aðventkirkjunni Reykjavík £ vetur. Þann 25. maí
var skírnarathöfn í kirkjunni og voru 4 skírðir inn í söfnuðinn.
Nýtt innsöfnunarblað verður komið út fyrir ársmótið. Ekki verður
lögð mikil áherzla á kynningu á boðskap aðventista í blaðinu,
heldur verður þar fyrst og fremst kynning á hjálpar-og líknar-
starfinu. Er þetta m.a. vegna þess, að í undirbúningi er nýtt
útbreiðslublað,þar sem boðskapur og kenning aðventista verða
kynnt rækilega. Eru systkinin hvött til þess að vinna ötullega
að innsöfnunarstarfinu, þegar að því kemur. Innsöfnunarblaðið
er mjög fallegt að útliti. Litmyndir eru prentaðar í prentsmiðju
aðventista í Danmörku en önnur prentun fór fram í prentsmiðju
okkar hér heima.