Bræðrabandið - 01.09.1974, Blaðsíða 8
Helga Sigfúsdóttir er dáin. Hun andaöist á
heimili dottur sinnar hinn 11. ágúst. Str.
Helga var þekkt persóna í söfnuÖi okkar.
Hún haföi tilheyrt söfnuöinum í hartnær
50 ár, og allan þann tíma allt fram í
andlátið hafði hún brennandi áhuga fyrir
málefni Guðs. Str. Helga tilheyrði
Keflavíkursöfnuði um langt skeið og var
ein af stofnendum hans. Vöxtur og viðgangur
þess safnaðar var hennar mikla áhugamál.
Fyrir áhrif hennar varð systrafelagið
til þar. Það blómgaðist fyrir örvandi
áhrif hennar og stjórn og kom ótrúlega
miklu til vegar. Helga lifði alltaf
fyrir málefni safnaðar síns. Efling
hans og framför var líf hennar, og
henni veittist sú ánægja að sjá söfnuðinn
í^Keflavík stækka og safnaðarheimilið
rísa. Mörgum þótti það kraftaverk að
svo myndarlegu átaki var komið í kring
af ekki stærri hóp, en bænir Helgu, trú
hennar og sívakandi áhugi hafði smitandi
og uppbyggjandi áhrif. Það var bjart
yfir kveðjustundinni í Aðventkirikjunni
í^Reykjavík hinn 16. ágúst. Uppáhalds-
sálmar Helgu um eilífðarheimkynnin voru
sungnir, Sigurður Bjarnason talaði og
Eric Guðmundsson sön^ sönginn Dýrmatast
nafn, sem er nefnt hér á jörð.
Sönn trúarhetja hefur verið lögð til
hvíldar. Hún var kvödd af ástvinahópnum,
sem hún bar daglega á örmum bænar og
vonar og trúar. Framundan er eilífðar-
heimkynnið og sveigur réttlætisins, sem
Drottinn mun gefa öllum þeim, er elskað
hafa opinberun hans.
J • G.