Bræðrabandið - 01.11.1974, Blaðsíða 14
Bls. 14 - BRÆÐRABANDIÐ ll.tbl.
MÍNNIN&
Ingibjörg Erlingsdóttir er látin. HÚn var jarðsungin frá
Aðventkirkjunni 5. nóvember. Ingibjörg var trúuð kona alla
tíð og tileinkaði sér snemma hjálpræðið í Kristi. Hún sam-
einaðist okkar söfnuði 1968. Hún missti mann sinn 1947 og
átti þá fyrir ungum eirkasyni sínum að sjá. Hún varð því að
berjast ein áfram langt skeið.. Ef til vill hefur hún því
skilið betur nauðsyn þess að reiða sig á styrk Guðs og hjálp.
Jóhanna Lárusdóttir lést í Landakotsspítala 3. nóvember og var
jarðsungin frá Aðventkirkjunni 11. nóvember. Hún var búin að
eiga við sjúkdómsstríð og hvíldin því kærkomin. Ég heimsótti
hana oft síðustu mánuðina og var þá alltaf himnesk heiðríkja
og friður yfir henni. Hún gerði sér grein fyrir hvert stefndi,
en friður Guðs var hið innra með henni.
Boðskapur Guðs náði miklum tökiam á henni. Hún vildi fremur
gefa en þiggja. HÚn fórnaði sér fyrir skyldfólk sitt og
ættingja, ekki síst barnabörn sín. NÚ er hún horfin en
minningin geymist.
Kristín 0iestad lést í Noregi í júní. HÚn var íslensk kona
sem hafði verið búsett í Noregi um 40 ára skeið og tók þar
á móti aðventboðskapnum. Hún var gift Kolbimi 0iestad,
norskum manni, sem lifir konu sína. Hann tilheyrir okkar
söfnuði. Þau hjónin bjuggu stórbúi um langt skeið að
0iestad í S-Noregi, enda var Kristín mikil dugnaðar- og
rausnarkona. Var gestkvæmt á heimilinu og margur íslendingur
gisti þar. Kolbjörn á þar heimili enn og þar býr nú önnur
íslensk kona, Rannveig, gift Tryggve Fagerás. Þau hjónin
Kristín og Kolbjörn voru hér á ferð fyrir nokkrum árum og
muna sum systkini eftir þeim síðan.
Blessuð sé minning þessara látnu systra.
S.B.