Heimilisritið - 01.04.1949, Blaðsíða 31
Eg gat heyrt, hvernig neglur
hans kröfsuðu í pappírinn, sem
var utan um böggulinn. Nú veit
ég, að það' var þetta hljóð, sem
æsti upp taugar mínar. Hvað
var hannrnð fara? Og hvað var
í bögglinum? Var það skamm-
byssa .. . eða var það hnífur?
Nú kom þruma aftur og yfir-
gnæfði hljóðið frá vélinni. Nú
var söngvari við hljóðnemann.
Hann söng einn af þessum ný-
tízku slögurum. Eg skipti á aðra
stöð, og dimma röddin, frá því
áð'ur, var þar aftur:
„. . . um það bil 35 ára“, sagði
hann. „Þyngd 90 kg. Hann er
sennilega vopnaður“.
Eg gat heyrt, að sá ókunnugi
við hliðina á mér dró andann
djúpt. T fyrsta skipti fór ísköld
skelfing um mig. í fyrsta skipti
var ég hræddur. Ég heyrði að-
eins brot af lýsingunni á stroku-
fanganum: „35 ára.........sam-
viskulaus morðingi . . .“
Ég sneri mér varlega til þeirr-
ar hliðar, sem hann sat. Hann
starði á mig með augnaráði, sem
lýsti bæði ógnun og ót'ta. Rödd-
in í útvarpinu hélt áfram:
„. . . er auðkennilegur, því að
hann hefur aðeins þrjá fingur á
hægri hendi“.
Maðurinn við hliðina á mér
starði sem dáleiddur á hægri
hönd mína, sem var við útvarp-
ið . . . hægri hönd mína, sem að-
eins hafði þrjá fingur.
Það var þess vegna, að ég
neyddist til að sálga honum.
ENDIR
Pólitískur branclan.
Þessi skrítla e'r tekin upp úr brezka tímaritinu „World Digest", og birt-
ist fyrst í ítalska ritinu „Oggi“:
Velklæddur borgari hitti á förnum vegi verkamann, er hélt á skóflu og
haka.
„Hvað vinnið þér marga daga í viku?" spurði hann.
..Ekki nema tvo“.
,.Og hvað haldið þér. að þér ynnuð marga daga, ef sósíalistar yrðu við
stjórn?"
..Að minnsta kosti fjóra".
„En ef krislilegir jafnaðarmenn réðu?"
„Liklega einn til“.
„Og ef kommúnistar hefðu völd?“
„Eg ynni nótt og dag“.
„Jæja? — Hvað gerið þér annars?"
„Ég er grafari".
HEIMILISRITIÐ
29