Heimilisritið - 01.06.1957, Blaðsíða 27
PILTURINN, sem kallað hafði
Pete forsetann kvöldið, sem
dansleikurinn var, hafði haft á
réttu að standa. í næsta mánuði
var Pete útnefndur forseti fé-
lagsins á staðnum. Eftir útnefn-
ingarfundinn bað hann mín. Ég
vissi þá, að ég var yfir mig ást-
fangin af honum. Ég sagði hon-
um það.
„Við getum ekki ákveðið dag-
inn strax,“ sagði hann. Það er
undir kosningunni komið.“
Ég reiddist. „Því þá það?“
„Tanner gæti tekið upp á því
að bjóða fram á móti mér. Þá
yrði ég önnum kafinn í harðvít-
ugri kosningabaráttu, og við
gætum ekki gift okkur fyrr en
henni væri lokið. En ef hann á-
lítur sig ekki nægilega sterkan
ennþá og telur vissara að bíða
til næsta árs, sigra ég eins og
að drekka vatn. Ef sú verður
raunin á getum við gift okkur
hvenær, sem við viljum.“
En ef ég vil einmitt gera það
núna? hugsaði ég. Hvað um það
ef ég kæri mig ekki um, að láta
einhvern náunga Harry Tanner
að nafni ákveða brúðkaupsdag-
inn minn?
Mér var skapi næst að láta það
fjúka, en það kom á daginn, að
þess gerðist ekki þörf. Harry
Tanner bauð ekki fram þetta
árið. Hann lét sér nægja að halda
langa ræðu, sagði, að Pete væri
leppur fyrirtækisins og myndi
svíkja verkalýðsfélagið sér til
fjár. Hvert orð var lýgi, en
klappað var hér og þar um sal-
inn, þegar hann settist niður.
Það kom illa við mig. Ég jafnaði
mig þó brátt, ég var svo ham-
ingjusöm yfir, að við gátum gift
okkur strax, að ég var honum
næstum því þakklát.
Ég bauð Brad bróður mínum
og Helen konunni hans í brúð-
kaupið. Þau voru einu ættingj-
arnir, sem ég átti í Meekersville.
Mamma var dáin fyrir löngu og
pabbi dó árið áður en ég kom til
Mill Falls.
„Ættjörðin hefur krafizt
gamla kærastans þíns,“ sagði
JBrad við mig þegar þau komu.
Lonnie var skráður í herinn í
vikunni sem leið. Verður í hern-
um í tvö ár.“ Hann hló. „Getið
þið ímyndað ykkur þann dreng
í hernum.“
Ég hló líka. Mér datt ’í hug,
þegar Lonnie hafði verið rekinn
úr níunda bekk. Hann hafði
skrópað svo oft, að það breytti
varla neinu. Daginn, sem hann
var rekinn úr skólanum slóst
hann við föður sinn og flutti í
lítinn kofa, sem hann hafði
byggt sér í Suður Hollow. Upp
frá því hafði hann búið þar,
stundað veiðar, fiskað og lagt
HEIMILISRITIÐ
25