Heimilisritið - 01.07.1957, Blaðsíða 7

Eftir dómuppkvaðninguna var
hann. settur 1 St-Quentin-fang-
elsið. Hann vonaði stöðugt, að
lögfræðingi sínum tækist að fá
dauðadómnum breytt. Þrátt fyr-
ir það var hann alveg rólegur,
þegar fangavörðurinn tilkynnti
honum um aftökuna, og sem svar
við því, hvort hann hefði ein-
hverjar sérstakar óskir, sagði
hann blákalt nei. Án þess að
•malda í móinn, gekk hann til
dauðaklefans, þar sem hann átti
að dvelja síðastu stundir sínar.
Á MEÐAN hamaðist lögfræð-
ingur Abbots eins og óður væri,
til þess að reyna að bjarga lífi
skjólstæðings síns á síðata
augnabliki — eða að minnsta
kosti að fá aftökunni frestað. Að
morgni aftökudagsins hringdi
hann til ríkisstjórans, en árang-
urslaust. Ríkisstjórinn var á
ferðalagi — á leið í eftirlitsför,
sagði einkaritari hans.
„Það getur ekki verið rétt,“
hrópaði lögfræðingurinn örvænt-
ingarfullur. „Eftir hálfa klukku-
stund verður ungur maður tek-
inn af lífi, og aðeins ríkisstjór-
inn getur bjargað lífi hans.“ En
það var því miður rétt. Ríkis-
stjórinn var á ferðalagi.
Lögfræðingnum fannst augna-
blik að hann væri mát, — en
skyndilega fékk hann hugmynd.
Hann þreif símtólið og fékk sam-
band við eina af hinum stóru
sjónvarpsstöðvum.
„Halló, þetta er Davis lögfræð-
ingur,“ sagli hann. „Þið verðið
að hjálpa mér. Á þessu augna-
bliki er verið að undirbúa gas-
klefann í St-Quentin-fangelsinu
til þess að taka þar af lífi ungan
stúdent. Ennþá er möguleiki —
að vísu veikur — til þess að fá
aftökunni frestað. Viljið þið
hjálpa mér. Það er mín síðasta
von.“
„Allt í lagi,“ sagði fréttastjóri
sjónvarpsstöðvarinnar, — „láttu
okkur heyra málavextina í
snatri.“ Og lögfræðingurinn
sagði frá: „Aftakan í gasklefan-
um er ákveðin kl. 10, og klukkan
er núna 9.30. Ef mér tekst að fá
málið lagt fyrir hæstarétt, þá
eru möguleikar á, að málið verði
tekið fyrir að nýju, en það bygg-
ist á því, að Boodwin J. Knight
ríkisstjóri fresti aftökunni um
eina klukkustund. Ég get ekki í
augnablikinu komizt í samband
við hann. Hann er núna á leið-
inni til flotahafnarinnar Ala-
meda og þegar hann kemur
þangað, heldur hann samstundis
með flugvél til flugvélamóður-
skipsins Hancock í eftirlitsferð.
Á skipinu eru möguleikar að
koma boðum til hans, en eftir
það er allt um seinan.“
HEIMILISRITIÐ
5