Heimilisritið - 01.11.1957, Blaðsíða 7

að neita því. Barnið varð dóttir,
og var skírð Georgina Augusta,
dóttir hans hátignar Georges,
prins af Wales. Síðar giftist hún
Charles Bentinck lávarði, syni
herforingjans af Portland.
Eftir fæðingu barnsins, dvaldi
Grace ýmist í París eða London.
Hún fékk árlega 200 pund, sem
Eliot hafði ánafnað henni, er þau
skildu.
Eftir að hafa lifað fjögur ár
þannig, tók hún aftur saman við
Cholmondeley, sem lofaði að
ganga Georginu litlu í föður stað,
en brátt yfirgaf hún hann og hélt
barninu, er hún fór aftur til Par-
ísar. Þar hitti hún á ný Duc de
Charteres.
SKEMMTILEG DAGBÓK
Grace lenti í ýmiskonar ævin-
týrum í frönsku stjórnarbylting-
unni. Hún hélt dagbók um bylt-
inguna, sem margir hafa talið
óáreiðanlega, en aðrir hafa hald-
ið fram, að væri dýrmætt, sögu-
legt plagg.
Löngu eftir dauða hennar, seldi
dóttir lady Benedicks, dótturdótt-
ur ,,Dally“, dagbókina útgefanda
einum, sem gaf hana út. Þar eru
margar skemmtilegar sögur um
líf Grace í stjórnbyltingunni, þeg-
ar hún var ýmist laus eða í fang-
elsi.
Mestan tímann bjó Grace ým-
ist í húsi nálægt höll Charteres
greifa, eða í húsi sínu í útjaðri
Parísar.
Þegar María Antoinette var
flutt frá Versailles til Parísar, áð-
ur en hún var ákærð og tekin af
lífi, notaði hún Grace sem sendi-
boða til Brússel.
Seinna komst Grace að raun
um, að hennar eigið líf væri í
hættu, og í húsi sínu í París átti
hún þátt í því að bjarga lífi greif-
ans af Champcenetz, sem var
stjórnandi Tuilerhallar, þangað
sem konungur og drottning flýðu
til að leita verndar.
Þegar allir verðirnir voru brytj-
aðir niður, skreið greifinn út um
glugga á höllinni og faldi sig með-
al hinna dauðu í garðinum. Svo
leitaði hann dulbúinn til enska
sendiráðsins, en þeir þorðu ekki
að fela hann, en sendu hann til
Grace.
Þjóðvörðurinn hóf nú leit hús
úr húsi að ,,höfðingjum“ til að
setja undir fallöxina.
Grace varð að vera skjótráð.
Hún fór með greifann upp í
svefnherbergi sitt. Rúm hennar
var í lokrekkju, og með því að
færa til dýnurnar, var hægt að
fá pláss við þilið, þar sem greif-
inn var látinn leggjast, og dýn-
urnar settar ofan á hann.
HEIMILISRITIÐ
5