Verktækni - 01.02.2012, Blaðsíða 3

CAD ehf.
Skúlagata 10
IS-101 - Reykjavik - Iceland
tel: +354 552 3990
www. cad.is - cad@cad.is
C
M
Y
CM
MY
CY
CMY
K
verktækni-nov 2011.pdf 1 11.11.2011 08:51:18
Blaðið VERKTÆKNI er gefið út af Verkfræðingafélagi Íslands og Tæknifræðingafélagi Íslands og er dreift ókeypis til félagsmanna.
Ritstjóri og ábyrgðarmaður: Sigrún S. Hafstein.
Leyfilegt er að birta efni úr Verktækni ef heimildar er getið. Skoðanir sem settar eru fram í blaðinu samrýmast ekki endilega viðhorfum útgefenda.
Prentvinnsla: Svansprent · Mynd á forsíðu: Rafn Sigurbjörnsson · Aðstoð við útgáfu: Hænir · Sími: 55 88 100 · utgafa@utgafa.is
Engjateigi 9 · 105 Reykjavík
Sími: 535 9300 · Símbréf: 535 9311
Tölvupóstur: sigrun@verktaekni.is
V E R K T Æ K N I
Aldarafmæli
VFÍ
Fyrsti íslenski verkfræðingurinn,
Sigurður Thoroddsen, lauk námi frá DTH
í Kaupmannahöfn árið 1892. Tveimur
áratugum síðar var Verkfræðingafélag
Íslands stofnað, þann 19. apríl 1912. Í
ár verður haldið upp á afmæli félagsins
með margvíslegum hætti eins og sjá má
á dagskrá afmælisársins sem birt er hér
í blaðinu.
Félagsmenn í Verkfræðingafélaginu eru
rúmlega 2.200 og mun það vera um
75% Íslendinga sem lokið hafa prófi í
verkfræði. Í tímans rás hefur starfssvið
verkfræðinga orðið sífellt fjölbreyttara og
verkfræðinámið er lykill að nánast hvaða
starfsvettvangi sem er. – En fyrir 120
árum mátti fyrsti íslenski verkfræðingur-
inn, og þeir sem á eftir honum komu
næstu áratugina, búa við takmarkaðan
skilning á menntun sinni og getu. Það
þótti mikil sóun að jafn efnilegur piltur
og Sigurður Thoroddsen skyldi ekki
verða prestur eða læknir.
Aldarafmælis Verkfræðingafélags Íslands
verður minnst með ýmsum hætti eins og
áður segir. Á sjálfan afmælisdaginn, sem
ber upp á sumardaginn fyrsta, verður
afmælishátíð í Hörpunni. Félagsmenn og
aðrir velunnarar félagsins eru velkomnir
og hvattir til að mæta. Í nóvember kemur
út saga félagsins, höfundur er Sveinn
Þórðarson. Bókin verður sú sjöunda
í ritröð VFÍ sem ráðiðst var í á 90 ára
afmæli félagsins árið 2002. Upplýsingar
um ritröðina eru á vef félagsins, vfi.is –
útgáfa. Ritin fjalla um hin ýmsu svið sem
verkfræðingar hafa starfað á en fram til
þess tíma var afar lítið til af slíku efni á
íslensku.
Hér í lokin vil ég nota tækifærið
og minna á afmælisráðstefnu
Verkfræðingafélagsins: Framtíðarnýting
orkuauðlinda á Íslandi sem verður hald-
in á Grand Hótel fimmtudaginn 8. mars.
Markmiðið með ráðstefnunni er að  vera
vettvangur nauðsynlegrar umræðu um
eitt mikilvægasta málefni þjóðarinnar.
Dagskráin er metnaðarfull og áhugaverð
og verða upplýsingar sendar félags-
mönnum þegar nær dregur og jafnframt
birtar á vef félagsins.
Sigrún S. Hafstein, ritstjóri.
Afmælisdagskrá
Dagskrá í tilefni af 100 ára afmæli
Verkfræðingafélags Íslands er birt á bls. 6.
Munið vefi félaganna
Á vefsíðum VFÍ og TFÍ er að finna
upplýsingar um starfsemi félaganna; fréttir,
viðburði og kjaratengd málefni. Þar er
meðal annars hægt að skila inn umsóknum
um inngöngu í félögin og til sjóða í vörslu
þeirra. Við minnum á að nýtt kjarasvæði var
sett upp síðastliðið haust. Þar er að finna
margvíslegar upplýsingar á sviði kjaramála.
www.vfi.is – www.tfi.is
Skilafrestur
Stefnt er að því að næsta tölublað
Verktækni komi út í mars. Þeir sem vilja
koma efni í blaðið og/eða skilaboðum til
ritstjóra eru beðnir um að senda tölvupóst:
sigrun@verktaekni.is
LE IÐAR INN
Aðalfundir
Aðalfundur VFÍ
Aðalfundur Verkfræðingafélags Íslands verður haldinn 22. mars. Með vísan til 20.
greinar félagslaga VFÍ er félagsmönnum bent á að tillögur sem þurfa samþykki
aðalfundar áttu að berast stjórninni fyrir 15. febrúar. Eins og auglýst hefur verið í
tölvupósti til félagsmanna verður kosið um formann, tvo meðstjórnendur og vara-
meðstjórnanda. Tillögur félagsmanna um stjórnar- og ráðsmenn áttu að berast
stjórn félagsins skriflega fyrir 15. febrúar. Aðalfundurinn verður í Verkfræðingahúsi,
Engjateigi 9 og hefst kl. 17.
Aðalfundur TFÍ
Aðalfundur Tæknifræðingafélags Íslands verður haldinn miðvikudaginn 28. mars.
Með vísan til 13. greinar félagslaga TFÍ er félagsmönnum bent á að tillögur sem
þurfa samþykki aðalfundar áttu að berast stjórninni fyrir 15. febrúar. Fundurinn
verður í Verkfræðingahúsi, Engjateigi 9 og hefst kl. 19.
Aðalfundur KTFÍ
Aðalfundur Kjarafélags Tæknifræðingafélags Íslands verður haldinn 28. mars, sama
dag og aðalfundur TFÍ. Fundurinn verður í Verkfræðingahúsi, Engjateigi 9 og hefst
kl. 17
Aðalfundur STFÍ
Aðalfundur stjórnenda og sjálfstætt starfandi í TFÍ verður haldinn í 28. mars, sama
dag og aðalfundur TFÍ. Fundurinn verður í Verkfræðingahúsi, Engjateigi 9 og hefst
kl. 17.
Athugið að í ár verða aðalfundir TFÍ, KTFÍ og STFÍ haldnir
sama dag. Fundir KTFÍ og STFÍ munu hefjast kl. 17. Að
þeim loknum verður gert hlé og bornar fram veitingar. Gert
er ráð fyrir að aðalfundur TFÍ hefjist kl. 19.