Verktækni - 01.03.2012, Blaðsíða 10
10 / VERKTÆKNI
Kveðja til VFÍ á 100 ára afmæli
Hundrað ár eru skammur tími í eilífðinni,
en langur tími á mannlegan mælikvarða.
Sérstaða Íslands og einangrun varð til þess
að verkfræði barst seint til okkar. Til dæmis
er þýska verkfræðingafélagið stofnað 1856
eða um hálfri öld fyrr en það Íslenska.
Stundum er þannig til orða tekið að „öll“
framþróun og tæknivæðing hafi orðið á
Íslandi frá lokum síðari heimsstyrjaldarinn-
ar sem ber og nokkuð saman við lýðveldis-
stofnun. Og það er mikill sannleikur í
því.
VFÍ byggði sitt myndarlega hús við
Engjateig 9 og flutti í það 1987/88. Strax á
hönnunar- og byggingartímanum fórum
við nokkrir af eldri kynslóð verkfræðinga,
að reka fyrir því áróður að í húsinu yrði
notaleg aðstaða fyrir smærri fundi, með
leðurklæddum sófasettum, þar sem mönn-
um liði það vel að enginn flýtti sér af fundi
nema að hann væri því leiðinlegri.
Þessi ósk okkar rættist með vel innrétt-
aðri fundaaðstöðu á efstu hæð. Við vorum
níu, félagarnir, flestir gamlir verkefnastjórar,
sem hittumst 28. janúar 1994 og settumst
í fyrsta sinn í leðursófasettin. Síðan höfum
við hist þar einu sinni í mánuði, flesta
mánuði ársins, snætt saman hádegis-
verð og rætt um dægurmál og þó oftast
um verkfræðileg efni. Vorum við kallaðir
ýmsum nöfnum til að byrja með, en frá
aldamótum hefur
nafnið „Vitringarnir“
fests við hópinn. Ekki
hefur farið hjá því að
góð kynni hafa tekist
við stjórnir og starfs-
lið VFÍ á þessum tíma
og erum við þakklátir
því og kunnum vel að
meta.
Sterkt félag nærir
hvern einstakan
félaga sinn. Þannig
hefur VFÍ nært okkur
og félagið hefur gefið
okkur meira en við
getum nokkurn tíma
endurgoldið.
Tær fjallalækur er fallegur og getur
vökvað landið, sem hann rennur um á
leið sinni til sjávar. En hann vökvar aðeins
lækjarbakkana til beggja handa.
Áveitukerfi nýtir betur vatnið, sem um
það rennur og vökvar akurlendi á margfalt
stærra svæði en lækurinn með sama vatns-
magni.
VFÍ er eins og áveitukerfi. Félagið vökvar
og nærir þjóðfélagið, sem það starfar í –
ekki aðeins félagsmenn sína. – Sameinaðir
og samtaka beina verkfræðingar landsins
þekkingu sinni og hæfni til góðra verka.
„Vitringarnir“ óska Verkfræðinga
félagi Íslands til hamingju með 100 ára
afmælið!
Árni Björn Jónasson
Daníel Gestsson
Gunnar Torfason
Jónas Frímannsson
Magnús Bjarnason
Pétur Stefánsson
Stanley Pálsson
Svavar Jónatansson
Tryggvi Sigurbjarnarson
(Baldur Jóhannesson
)
Glerverksmiðjan Samverk ehf
Eyjasandi 2, 850 Hellu
Víkurhvar 6, 203 Kópavogi
simi: 488 - 9000 fax: 488 - 9001
www.samverk.is
samverk@samverk.is
TOP N+
Betra gler
Einangrunargildi
allt að U=1.1 W/m2 K
með gasfyllingu.