Nýjar kvöldvökur - 01.01.1920, Page 7

XIV. árg.
Akureyri í janúar 1920.
1.- 2. heít.
Nýársvísur 1920.
*
Arsins sviptigna dís
upp í sólarátt rís
rík af svellandi æskunnar þrótt.
Hún ber hugsjóna-ljós,
árdags hátignar rós
yfir heldimma byltinga nótt.
OIl þau hatursins mein,
öll þau hörmungakvein,
er nú hrópa’ um ið blóðuga stríð,
öll þau brennandi tár,
öll þau blæðandi sár
heimta bætur að komandi tíð.
Sorgin máttug og há
göfgar mannsandans þrá,
eins og málmdeiglan gullið fær skírt.
Og þann himneska mátt
til að hefja sig hátt,
má nú heimurinn kaupa svo dýrt.
Eins og ár mynda öld,
þannig orsaka fjöld
skapar alheimsins forlaga skeið.
Rjettist harðstjórans hönd,
byggjast hugsjóna lönd,
verður hlýrra á framsóknarleið.
Hc * * * ý ❖
* * *
Eyðist vonskunnar hjarn,
vitkist vanþroska barn,
sem nú villist í myrkri og þraut,
vakni sofandi sál
hljómi sannleikans mál
fram til sigurs á jarðlífsins braut.
Skíni friðarins sól
yfir bygðir og ból
inn í bústað hvers einasta manns;
skráð sje gullstöfum ljóst
inst í grátandans brjóst
það: að guðsriki kemur til hans!
Kristín SigWsdóttir.