Fréttatíminn - 06.12.2013, Blaðsíða 12

Á rás tyrkneska tölvuhakkarans á Vodafone um síðustu helgi af-hjúpaði að Íslendingar eru langt
á eftir nágrannaþjóðunum í netörygg-
ismálum. Andstaða fjarskiptafyrirtækj-
anna gerði að engu tilraunir stjórnvalda
til að koma sérstakri netöryggissveit
stjórnvalda á fót árið 2008.
„Starfsemi netöryggissveitarinnar
er rétt að slíta barnsskónum,“ segir
Hrafnkell Gíslason, forstjóri Póst- og
fjarskiptastofnunar (PFS). „Hún tók til
starfa fyrr á þessu ári.“
Netöryggissveitin nefnist Cert-is
(Computer Emergency Response Team
– Ísland) að alþjóðlegri fyrirmynd og
byggir á heimild í fjarskiptalögum. Sam-
bærilegur hópur tók til starfa í Finnlandi
árið 2000 og litlu síðar á hinum Norður-
löndunum og í öðrum Evrópulöndum
langt á undan Íslandi..
Í samtali Fréttatímans við Hrafnkel
Gíslason kom fram að PFS hefði lagt til
við samgönguráðherra að árið 2008 að
þessari sveit yrði komið á laggirnar en
eftir vegna harkalegrar andstöðu fjar-
skiptafyrirtækjanna var málið sett í salt
þar til 2011. Teymið tók loks til starfa á
þessu ári í samræmi við breytingar sem
gerðar voru á fjarskiptalögum á síðasta
kjörtímabili.
Hrafnkell segir að það muni ekki kosta
íslenskt samfélag miklar fjárfestingar í
tækjum og búnaði að komast jafnfætis
nágrannalöndunum í netöryggismálum.
„Það er heilmikill lærdómur kominn af
þessu máli fyrir okkur varðandi netör-
yggismál almennt. Menn þurfa að taka
þau miklu fastari tökum skipulagslega
og tæknilega en ég held að aðalkostn-
aðurinn felist í þekkingu, mannauði og
þjálfun. Það vantar fólk, númer eitt, tvö
og þrjú.“
Vodafone telur sig ekki brotlegt
við fjarskiptalög
Hrafnkell var einn þeirra fulltrúa úr
stjórnsýslunni og frá fjarskiptafyrirtækj-
unum sem kallaðir voru til yfirheyrslu
hjá samgöngunefnd Alþingis í vikunni
í kjölfar lekans hjá Vodafone. Þar kom
m.a. fram að Vodafone telur sig ekki hafa
gerst brotlegt við fjarskiptalög með því
að geyma margvísleg gögn viðskipta-
vina sinna árum saman en heimild til
gagnageymdar í lögum nær aðeins til
sex mánaða tímabils.
Málflutningur Vodafone byggist á því
að þar sem um var að ræða gögn á vef
fyrirtækisins en ekki í fjarskiptakerf-
inu sjálfu hafi ekki verið um lögbrot að
ræða.
Viðmælendur Fréttatímans benda
hins vegar á að jafnvel þótt í ljós komi að
fjarskiptalög nái ekki utan um málið séu
allar líkur á að Vodafone verði talið brot-
legt við lög um Persónuvernd með því að
geyma viðkvæmar persónuupplýsingar
um einstaklinga, bæði samskiptasögu,
samskipti og lykilorð í ódulkóðuðu formi
á vef sínum árum saman.
Pétur Gunnarsson
petur@frettatiminn.is
Aðventugleði
fyrir börnin
Alla laugardaga fram að jólum er barna stund
í Hörpu. Börnin taka virkan þátt í dansi og söng,
Maxímús Músíkús hjálpar til við að rifja upp og læra
hljóðfæra nöfnin — og óvæntur, ákaflega gamall
gestur kemur í heimsókn. Nemendur tónlistarskóla
flytja fjölbreytt tónlistaratriði.

Á meðan geta foreldrar fengið sér kaffi bolla á
veitingastöðum Hörpu, skoðað sig um eða heimsótt
verslanir í húsinu okkar.
Barnastund í Hörpu
Alla laugardaga
á aðventunni
kl. 11:00 – 12:30
Aðgangur ókeypis
www.harpa.is
Árásin á vef Vodafone hefur afhjúpað ýmsa veikleika í netöryggismálum Íslendinga. Við
erum langt á eftir nágrannaþjóðunum og andstaða fjarskiptafyrirtækja kom í veg fyrir að
stjórnvöld réðust í átak fyrir fimm árum. Ljósmynd/NordicPhotos/GettyImages
 Fjarskipti ÁrÁs hakkara Á VodaFone aFhjúpaði ýmsa Veikleika
Andstaða fjarskiptafyrirtækja
kom í veg fyrir átak í netöryggi
Fjarskipta-
fyrirtækin
brugðust hart
við tilraunum
stjórnvalda árið
2008 til þess
að setja á fót
netöryggissveit
eins og
nágrannalöndin
reka. Fyrir vikið
tafðist stofnun
sveitarinnar þar
til á þessu ári.
12 fréttaskýring Helgin 6.-8. desember 2013