Fréttatíminn - 06.12.2013, Page 38
Ævintýri eins og
þau gerast best!
Grimmsystur · Úlfur í sauðargæru
BÓKAÚTGÁFA
SÍMI 588 6609
WWW.BOKABEITAN.IS
Bókaflokkurinn í heild
sinni komst á metsölulista
Allir sem unna ævintýrum
eiga eftir að elska þennan
ævintýraráðgátubræðing!
Ertu búinn
að lesa fyrstu
bókina?
Frábærar
myndskreytingar
„Gullin ský“ heitir ævisaga Helenu M. Eyjólfsdóttur, söngkonu á
Akureyri, sem bókaútgáfan Hólar gefur út. Í bókinni, sem Óskar
Þór Halldórsson skrifar, segir Helena frá lífi sínu í gleði og sorg
og inn í frásögnina er fléttað frásögnum samverkafólks Helenu
og barna hennar. Þá eru í bókinni birtir nokkrir af þekktustu
textum sem Helena söng hér á árum áður inn á hljómplötur og
einnig er birt ítarleg skrá yfir plötur sem Helena hefur sungið
inn á um dagana. Fréttatíminn birtir hér kafla úr bókinni.
Söngkonan
með stokkinn
H elena Eyjólfsdóttir fæddist 23. janúar 1942 og verður því 72 ára á næsta ári. Hún fæddist og ólst upp í Reykjavík og hóf í kringum tíu ára
aldurinn að syngja. Hún söng með fjölda hljómsveita
í Reykjavík en eftir að hún flutti með manni sínum,
Finni Eydal, til Akureyrar, á sjöunda áratugnum, fóru
hjólin að snúast fyrir alvöru. Hún tók við söngkeflinu
af Erlu Stefánsdóttur í Hljómsveit Ingimars Eydal og
í hönd fór óslitin sigurganga hljómsveitarinnar í Sjálf-
stæðishúsinu á Akureyri.
Gamlir sjónvarpsþættir glataðir
Á þessum árum var Sjónvarpið að hefja útsendingar
og oft var leitað til Hljómsveitar Ingimars Eydal að
koma þar fram:
„Í sjónvarpsþáttunum vorum við í allskonar fatnaði.
Í þætti árið 1968 vorum við Valdi til dæmis fengin til
þess að syngja Bonnie and Clyde í tilheyrandi klæðn-
aði. Þættirnir voru yfirleitt um tuttugu mínútna langir
og varð að taka þá upp í einni töku. Af þeim sökum
þurftum við að vera alveg sérlega vel undirbúin, með
allar kynningar á hreinu og músíkin varð einnig að
vera þaulæfð. Ingimar lagði öðrum fremur línur með
efni þáttanna og samdi kynningarnar.
Nútíma klippitækni var ekki komin til sögunnar
og því mátti ekkert klikka. Gerðum við mistök þurfti
einfaldlega að byrja alveg upp á nýtt. Í einum þætt-
inum vorum við með lög úr Mary Poppins sem við
höfðum hljóðritað á plötu skömmu áður. Ég klikkaði
á textanum í næst síðasta laginu. Mér brá svo mikið
að ég andvarpaði en hélt þó áfram til loka lagsins. Við
vorum mjög aðþrengd með tíma, stúdíóið yrði að vera
tilbúið til útsendingar frétta klukkan átta. Þess vegna
kom ekki til greina að taka lagið aftur upp, til þess
gafst ekki tími. Hljóðupptökumaðurinn gat lækkað
andvarpið og einnig var sett inn smá truflun ofan í
það þannig að þetta slapp bærilega fyrir horn í sjálfri
útsendingunni.
Útsendingartruflanir voru alvanalegar á þessum
fyrstu árum Sjónvarpsins og áhorfendur heima í stofu
voru því ekkert að velta
þeim sérstaklega fyrir
sér, tækniörðugleikar
þóttu fullkomlega
eðlilegir í árdaga sjón-
varpsútsendinga.
Vitanlega voru sjón-
varpsþættirnir góð
kynning fyrir hljóm-
sveitina og því vorum
við meira en fús að
leggja þessa miklu og oft stressandi vinnu á okkur.
Því miður hafa margar upptökur frá fyrstu árum Sjón-
varpsins, þar á meðal þessir þættir með Hljómsveit
Ingimars Eydal, ekki varðveist. Það var einfaldlega
tekið yfir þá sem mér finnst mjög sorglegt. Þar með
glötuðust margar ómetanlegar heimildir.“
Á fjölmennum Húsafellshátíðum
Auk þess að spila að staðaldri í Sjallanum á Akureyri
kom Hljómsveit Ingimars Eydal fram víða um land –
m.a. á gríðarlega fjölmennum Húsafellshátíðum. Ein
af þessum hátíðum er Helenu sérlega eftirminnileg.
„Við okkur blasti gríðarleg tjaldþyrping í þessu
svakalega fína veðri, sólskini og hita. Við fengum
afnot af sumarbústað og drifum okkur strax í háttinn,
gjörsamlega búin á því. Ingimar var varla lagstur á
koddann þegar hann byrjaði að hrjóta. Einhver úr
hljómsveitinni kallaði þá í hann: „Ingimar, þú hrýtur
rosalega hátt.“ „Ég veit það,“ svaraði hann þá um hæl.
Við sváfum eitthvað fram á laugardaginn og vökn-
uðum í algjöru svitakófi í yfir tuttugu stiga hita. Ég
lét sauma á mig sérstakt dress fyrir Húsafell – sítt
hippavesti með kögri og gráar buxur. Allt í takti við
tíðarandann. Mér fannst ég ægilega fín í þessu.
Af þeim fjórum Húsafellshátíðum sem hljómsveitin
tók þátt í var ég ekki með á síðustu hátíðinni árið 1972
enda var ég þá langt gengin með Helenu yngstu dótt-
Helena og Finnur að syngja
og spila með Hljómsveit
Ingimars Eydal í nætur-
klúbbi á Mallorca.
Framhald á næstu opnu
38 bækur Helgin 6.-8. desember 2013