Fréttatíminn - 06.12.2013, Blaðsíða 64

Kaloríubrennsla og teygjur
É
Ég fylgist með samstarfsfólki mínu tala
um hreyfingu og hollt mataræði – og
stunda hvort tveggja eftir mætti. Á þeirri
grýttu leið eru margar hindranir, andinn
er að sönnu reiðubúinn en holdið er
veikt. Sumir fara út að hlaupa, aðrir lyfta
lóðum og þeir hörðustu hjóla í vinnuna –
stundum. Það fer eftir veðri og á því hef
ég skilning. Lega Íslands er einfaldlega
þannig að heldur önugt er að hjóla yfir
vetrartímann.
Öll er þessi spriklviðleitni vinnufélag-
anna virðingarverð og einnig aðhald í
mataræði, grænmetisneysla og vatns-
drykkja. Þetta fallega fólk er að verða
enn fegurra, spengilegra og stæltara. Þó
kemur fyrir að hörðustu íþróttajálkar og
grænmetisætur falla og gúffa í sig keti og
feitmeti, rjóma, sykri og gotteríi. Iðrun
fylgir í kjölfar sykuræðisins með loforðum
um bót og betrun.
Sjálfur hugsa ég um það, að minnsta
kosti annað slagið, að nú verði ég að fara
að hreyfa mig – en geri lítið í því. Þar sem
ég nýt þeirra forréttinda að vera elstur á
vinnustaðnum eru hvorki gerðar kröfur
til mín um lóðalyftingar né langhlaup í
vetrarveðrum. Eftir atvikum borða ég
hollt, hef tekið mig á í þeim efnum þótt ég
geti seint logið upp á mig grænmetisást.
Gos er ég að mestu hættur að þamba og
majónessamlokurnar heyra sögunni til. Á
löngum vinnudögum gegnum tíðina var sá
matseðill oftar en ekki þrautalendingin –
og Kit Kat í eftirrétt.
Við hjónin vinnum bæði langan vinnu-
dag. Þegar við komum heim, seint og um
síðir, fáum við okkur eitthvað í gogginn og
hættan er sú að við kveikjum á sjónvarp-
inu fremur en að klæða okkur í eitthvað
hlýtt og fara út að ganga að kvöldverði
loknum. Við vitum bæði að slíkt væri
okkur hollara en þar þarf dálítið átak til,
ekki síst á þessum árstíma þegar myrkur
er að morgni og hið sama á við þegar heim
er komið. Þó eru frábærir göngustígar
steinsnar frá heimili okkar, ýmist með-
fram sjónum eða nálægu dalverpi.
Hnígi maður niður fyrir framan sjón-
varpið eru allar líkur á því að í boði sé
matreiðsluþáttur þar sem lögð er áhersla á
hollustu og gæði – eða viðtal við lækni þar
sem áréttað er mikilvægi hreyf-
ingar. Á náttborðinu eru
síðan sjálfshjálpar-
bækur um breytt
og bætt líferni. Við
verðum því smám
saman betri og
betri í bóklegri
hreyfingu – en
ekki er víst að
það dugi.
Við erum samt
ekki alveg von-
laus. Fyrir kemur
að við rífum
okkur upp úr
kvöldletinni og setjum hausinn undir
okkur þótt í senn sé myrkur, rigning og
rok. Það er hressandi þegar út er komið –
en allt snýst um að hafa sig af stað, drífa
sig út. Sé veður bærilegt um helgar röltum
við stígana í birtu og jafnvel vetrarsól. Þá
erum við þokkalega dugleg í göngutúrum
þegar við förum í sveitina.
Samt er það svo að við höfum ekki náð
festu í þessum efnum þótt konan sé skárri
en ég því hún pantar sér stundum tíma
í leikfimi. Eiginlega leikfimi hef ég ekki
stundað síðan í barna- og gagnfræðaskóla
fyrir margt löngu þegar íþróttakennarinn
og knattspyrnuhetjan í Val, Árni Njálsson,
lét okkur stökkva yfir bólstraðan hest og
klifra í köðlum, ýmist í Breiðagerðisskóla
eða Réttó. Á þeirri sælu æskutíð harmaði
ég það hins vegar ekki að Árni hafði meiri
áhuga á boltaíþróttum en hrossastökki
og kollhnísum. Því var gjarna náð í hand-
boltatuðru og skipt í lið í leikfimitímunum.
Þar fengum við fína hreyfingu og þeir
bestu í hópnum urðu síðar burðarmenn
sinna handboltaliða, einkum Víkings og
Vals á gullaldarárum þeirra, og sumir
landsliðsmenn.
Badminton stundað ég að vísu með
vinnufélögum á tveimur tímaskeiðum, og
hafði yndi af, en sá tími er liðinn. Því hef
ég verið á útkikki eftir heppilegri leik-
fimi til viðbótar við tilfallandi gönguferðir
okkar. Í eiginlega líkamsrækt nenni ég
ekki. Slíka tækjaleikfimi prófaði ég einu
sinni en leiddist átakanlega. Því sperrti ég
eyrun á dögunum þegar vinnufélagi minn
nefndi við mig æfingar sem sjúkranuddari
hans hafði ráðlagt honum. Sá góði maður
veit nokk um áhuga minn á hefðbundinni
leikfimi og vildi því kynna mér þessar æf-
ingar, sagði að þær myndu henta mér og
mínum lífsstíl einkar vel þótt í raun væri
um tækjaleikfimi að ræða.
Vinnufélaginn situr við tölvu daginn út
og inn, rétt eins og ég, lemur lyklaborð
og hreyfir mús. Sú hreyfing, þótt stunduð
sé af nokkru kappi, eyðir hins vegar ekki
mörgum kaloríum en getur haft í för með
sér eymsli í baki, handleggjum, herðum
og hálsi. Því leitaði starfsbróðir minn til
sjúkraþjálfara, aumur í fyrrnefndum lík-
amspörtum, og bað um leiðbeiningar.
Eftir skoðun ráðlagði sjúkraþjálfarinn
manninum æfingu sem ætti að hjálpa,
hreyfingu vissulega en nokkuð
sérhæfða þó. Hann átti að fá sér
venjulega gúmmíteygju, bregða
henni utan um fingur beggja
handa og strekkja og slaka á
í senn um nokkra hríð í hvert
sinn.
„Þessi líkamsrækt gæti
hentað þér,“ sagði vinnufélagi
minn og lét mig prófa. Ég fann á
fyrstu snertingu að þarna var ég á
heimavelli og lítil hætta á íþrótta-
meiðslum. Kaloríueyðslan er senni-
lega svipuð og að tyggja tyggigúmmí
– en betri en ekkert. Kosturinn
við þessar æfingar er enn
fremur sá að þær er hægt
að stunda í skamm-
deginu engu síður en
á björtum sumar-
dögum.
Ég ætla að
nefna við konuna
að koma með
mér í þetta
prógramm,
byrja
kannski
um ára-
mótin
þegar
fólk stíg-
ur hvort
sem er á
stokk og
lofar sjálfu
sér að taka
upp bætt líferni.
Er ekki kominn tími til
að teygja?
Jónas
Haraldsson
jonas@
frettatiminn.is
HELGARPISTILL
Te
ik
ni
ng
/H
ar
i
Ö
ll
ve
rð
e
ru
b
irt
m
eð
fy
rir
va
ra
u
m
p
re
nt
vi
llu
r o
g/
eð
a
m
yn
da
br
en
gl
.
799kr.stk.
Garnier augnhreinsir, 150 ml
799kr.stk.
Garnier hreinsimjólk og tóner, 200 ml
hreinsiklútar, 25 stk. í pk.
1499kr.stk.
Garnier BB litað dagkrem, 50 ml
í pk.
25
Garnier Nordic Essentials
hentar vel fyrir venjulega
eða blandaða húð.
Húðin verður frískari.
Garnier Youthful Radience
• Nauðsynlegur raki og næring
• Inniheldur Omega 3 og 6
• Vinnur á fínum línum og eykur
frumuuppbyggingu húðarinnar
Garnier BB Miracle
• Nauðsynlegur raki
andoxunarefni
• C vítamín og steinefni
• Jafnar húðlitinn, lýtalaus
og einstaklega falleg áferð
• SPF 15
Garnier Nordic Essentials
hentar vel viðkvæmum
augum
699kr.stk.
Garnier dag- og næturkrem, 50 ml
64 viðhorf Helgin 6.-8. desember 2013