Fréttatíminn - 07.12.2012, Qupperneq 10

Sigríður Dögg
Auðunsdóttir
sigridur@
frettatiminn.is
Styrkir til náms
og rannsókna
Orkurannsóknasjóður Landsvirkjunar styrkir náms-
menn og rannsóknarverkefni á sviði umhverfis- og
orkumála. Til úthlutunar 2013 eru 60 milljónir króna.
Styrkir til efnilegra nemenda í meistara- eða
doktorsnámi á sviði umhverfis- eða orkumála.
Styrkir til rannsókna á sviði umhverfis- og
orkumála, veittir til að mæta kostnaði vegna vinnu
sérfræðinga, þátttöku meistara- og doktorsnema
og öðrum útgjöldum.
Umsækjendur þurfa
að leggja fram lýsingu á
rannsóknarverkefni sínu,
og rökstuðning fyrir því
að verkefnið tengist
markmiðum sjóðsins.
Umsóknareyðublöð og
frekari upplýsingar eru
á www.landsvirkjun.is.
Umsóknum ásamt fylgi-
gögnum má skila rafrænt á
orkurannsoknasjodur@lv.is.
Öllum umsóknum verður
svarað og farið með þær
sem trúnaðarmál.
Umsóknarfrestur er
til 7. janúar 2013.
Næstu fjögur árin
fari því í baráttu
þremenninganna
um sæti arftaka
Guðbjarts.
 fréttaskýring formannskjör í samfylkingunni
Guðbjartur biðleikur
fyrir framtíðarleiðtoga
Meirihluti þingflokks Samfylkingarinnar vill ekki Árna Pál sem formann því hann fylgi ekki
ákvörðunum þingflokksins í veigamiklum málum. Því er hins vegar haldið fram að Guð-
bjartur sé biðleikur þangað til framtíðarleiðtogar fá meiri reynslu og sanni sig.
Meirihluti þing-
flokks Samfylk-
ingarinnar er því
mótfallinn að Árni
Páll Árnason verði
næsti formaður
flokksins og lagði
af þeim sökum ofur-
áherslu á að fram gegn
honum kæmi frambjóðandi
sem gæti unnið hann í kosn-
ingum. Líkt og Fréttatíminn
sagði frá í síðustu viku var
Guðbjartur Hannesson fyrsti
kostur þingflokksins en þrír
voru á hliðarlínunni hefði
hann ekki áhuga á starfinu,
þau Sigríður Ingibjörg Inga-
dóttir, Oddný Harðardóttir og
Magnús Orri Schram.
Ástæðan fyrir óvinsældum
Árna Páls innan þingflokksins
er sú að félagar hans í þing-
flokknum telja að Árni Páll hafi sýnt
það undanfarin misseri að hann
muni taka eigin hagsmuni fram yfir
hagsmuni flokksins. Hann hafi ekki
sýnt liðsanda í starfi þingflokksins í
veigamiklum málum og komið fram
með yfirlýsingar sem gangi gegn
sameiginlegri ákvörðun þingflokks-
ins í sömu málum.
Nefnd eru mál á borð við aðildar-
viðræður ESB, þar sem Árni Páll
sagðist opinberlega vilja skoða þá
möguleika að fresta aðildarvið-
ræðum þvert á stefnu flokksins
og ákvörðun þingflokksins. Hann
hafi ekki viljað að þjóðaratkvæða-
greiðsla um stjórnarskrárfrum-
varpið færi fram samhliða forseta-
kosningum, líkt og þingflokkurinn
ákvað, og talaði jafnframt gegn
breytingum á stjórnarráðinu sem
samþykktar voru og höfðu það
meðal annars í för með sér að hann
var tekinn úr embætti efnahags-
ráðherra.
Þeir sem þekkja vel til í innsta
kjarna flokksins segja það ljóst að
Guðbjartur sé hins vegar ekki fram-
tíðarleiðtogi flokksins enda ætli hann
sér ekki formannssætið lengur en
eitt kjörtímabil. Hann sé nokkurs
konar biðleikur á meðan leiðtoga-
efnin Sigríður Ingibjörg, Oddný og
Magnús Orri, öðlist meiri reynslu
og vinni sér inn virðingu samflokks-
fólks. Næstu fjögur árin fari því í
baráttu þremenninganna um sæti
arftaka Guðbjarts. Þau þrjú hafi því
hagsmuni af því að Guðbjartur vinni
Árna Pál því hann sé talinn líklegur
til þess að verða svo sterkur leiðtogi
flokksins, nái hann kjöri, að hann
muni gegna því embætti um árabil.
Sigríður Dögg Auðunsdóttir
sigridur@frettatiminn.is
Stuðningsmenn Árna Páls eru hins
vegar sannfærðir um að Árni Páll
muni njóta mun meira fylgis meðal
óákveðinna kjósenda og þannig auka
fylgi flokksins í næstu kosningum,
meira en Guðbjartur eigi möguleika á.
Stuðningsmenn Guðbjarts telja að
valið milli þeirra tveggja snúist ekki
síður um hvaða stefnu Samfylkingin sé
líkleg að taka í hugsanlegum stjórnar-
myndunarviðræðum í vor. Árni Páll
hafi gefið það til kynna að hann sé
opinn fyrir stjórnarsamstarfi við Sjálf-
stæðisflokkinn en Guðbjartur muni
leggja áherslu á áframhaldandi vinstri
stjórn í samstarfi við VG og ef til vill
fleiri flokka.
 Hagstofan neyslukönnun Heimilanna
Útgjöld heimilanna dragast saman
Neysluútgjöld heimila minnkuðu
á árunum 2009-11 miðað við tvö
árin þar á undan, samkvæmt
nýrri skýrslu Hagstofu Íslands.
Munurinn er 3,5 prósent. Ástæðan
er sú að dregið hefur úr útgjöldum
vegna húsgagna og heimilisbún-
aðar, tómstunda og ferðalaga.
Hlutfall matar og drykkjarvöru
í heimilisútgjöldum hækkaði um
eitt prósentustig milli tímabila og
er nú tæp 15 prósent. Hlutfall hús-
næðis, hita og rafmagns hækkaði
um rúmt prósentustig og er 26,5
prósent af heildarútgjöldunum.
Ráðstöfunartekjur meðalheimilis
voru rúmar 514 þúsund krónur á
mánuði.
Um 73 prósent heimila búa í
eigin húsnæði og 27 prósent í
leiguhúsnæði og hefur hlutfall
leigjenda ekki verið jafnhátt síðan
samfelld rannsókn á útgjöldum
heimila hófst árið 2000. Til sam-
anburðar má nefna að samkvæmt
neyslukönnun Hagstofunnar 1995
bjuggu 19 prósent heimila í leigu-
húsnæði.
Meðalútgjöld á heimili á árinu 2011
Matur og drykkjarvörur 838
Áfengi og tóbak 178
Föt og skór 278
Húsnæði, hiti og rafmagn 1423
Húsgögn, heimilisbúnaður o.fl. 274
Heilsugæsla 230
Ferðir og flutningar 735
Póstur og sími 183
Tómstundir og menning 650
Menntun 70
Hótel og veitingastaðir 292
Aðrar vörur og þjónusta 352
Neysluútgjöld alls 5.501
8 fréttir Helgin 7.-9. desember 2012