Fréttatíminn - 25.05.2012, Side 44

8 ÍSLENSKT GRÆNMETISUMAR 2012
Vissir þú
... að sveppir þurfa haust til að verða til en í
ræktunarklefum Flúðasveppa eru framkölluð
haust 52 sinnum á ári?
... að sveppir eru sykurlausir?
... að Íslenskir Flúðasveppir eru ræktaðir í
100% lífrænum jarðvegi?
... að sveppir örva kornrækt á Íslandi?
... að sveppir stækka um 4% á klukkustund
og tvöfalda þyngd sína á einum
sólarhring?
... að á Íslandi hefur sveppa-ræktun
nánast einkorðast við eina
tegund sem gengur
undir nafninu
ætisveppur sem er
hvítur og brúnleitur?
... að sveppir eru
fitulausir?
1 íslensk gúrka
salt
100 g hreint skyr, hrært
1/2 dós hrein jógúrt
2-4 hvítlauksgeirar, eftir smekk
2 msk ólífuolía
nýmalaður pipar
e.t.v. nokkrar ólífur til skreytingar

Gúrkan rifin gróft á rifjárni og síðan sett
í sigti, svolitlu salti stráð yfir og farg lagt
ofan á (t.d. diskur sem passar í sigtið og
síðan niðursuðudós eða eitthvað annað
þar ofan á). Sett yfir skál og látið standa í
a.m.k. hálftíma. Gott er að þrýsta farginu
niður öðru hverju til að pressa sem allra
mest af safanum úr. Skyr og jógúrt hrært
saman í skál, hvítlaukurinn pressaður
yfir og síðan er ólífuolíu, pipar og rifnu
gúrkunni hrært saman við. Smakkað og
e.t.v. bragðbætt með meiri pipar og salti.
Kælt dálitla stund og síðan borið fram
í skál, e.t.v. skreytt með ólífum. Tzatziki
má hafa sem ídýfu með góðu brauði eða
sem sósu með ýmsum grilluðum mat,
t.d. grilluðum fiski eða lambakjöti.
- NR
250 g íslenskir sveppir
2 vorlaukar, saxaðir smátt
3-4 msk steinselja, söxuð
5-6 basilíkublöð, söxuð
1 msk ferskt rósmarín, saxað (nota má
ýmsar aðrar kryddjurtir)
nýmalaður pipar
salt
100 ml ólífuolía
1/2 sítróna
4-5 tómatar, vel þroskaðir
1 Grand-salathöfuð

Sveppirnir skornir
í þunnar sneiðar.
Kryddjurtunum
blandað saman í
skál ásamt pipar og
salti. Olíunni hrært saman við og síðan
safanum úr sítrónunni. Sveppirnir settir
út í og blandað vel. Látið standa í um
hálftíma. Salatið rifið niður og dreift á
fat eða í víða, grunna skál. Tómatarnir
skornir í báta og dreift í hring ofan á
salatið og síðan er sveppunum ausið
í miðjuna. Kryddleginum sem eftir
er í skálinni dreypt yfir tómatana og
salatblöðin. - NR
Grísk tzatsiki ídýfaSalat með maríneruðum sveppum
Kartöflusalat
með papriku
8 stk litlar kartöflur (með hýðinu)
2 stk rauð paprika
2 msk extra virgin olífuolía
nokkur lauf basil
salt og pipar

Sjóðið kartöflurnar og setjið í skál.
Skerið paprikuna niður í strimla.
Setjið paprikuna, extra virgin
olífuolíuna og basillaufin út í og
merjið kartöflurnar. Kryddið með
salti og pipar.
- HS
Geymið blaðið
Vatnið er okkar sérstaða, við vökvum með tæru drykkjarvatni hér á Íslandi og það er mjög dýrmætt“,
segir Páll Ólafsson garðyrkjubóndi á
Hveravöllum í Reykjahverfi. Hann segir að
þegar starfsbræður hans frá Evrópu komi
hingað til að skoða garðyrkjustöðvar þá
vekji hreinleiki ræktunarinnar mesta athygli
og menn dáist að vatninu og jarðhitanum.
Páll og kona hans Heiðbjört
Ólafsdóttir rækta papriku, gúrkur og
tómata. „Fyrir um tuttugu árum litu
margir á grænmetið sem lúxusvöru og
jafnvel óþarfa. Nú kaupir fólk grænmeti
eins og fisk og kjöt og flokkar það með
nauðsynjavöru“, segir Páll Ólafsson
Grænmeti hefur verið ræktað á
Hveravöllum frá árinu 1904 og jarðhiti
notaður til þess. Fyrsta gróðurhúsið var
reist árið 1933 og þá hófst tómatarækt á
staðnum. Á jörðinni eru tveir af stærstu
hverum landsins, Ystihver og Uxahver.
Páll og Heiðbjört hafa starfað við
garðyrkjustöðina frá árinu 1988, en Páll er
fjórði ættliðurinn sem ræktar grænmeti á
Hveravöllum.
Gróðurhúsin á Hveravöllum eru ellefu
og þekja samtals um sjö þúsund fermetra.
„Við leggjum metnað okkar í ferskleika
og gæði sem skilar sér svo til neytandans.
Tómatarnir eru tíndir þrisvar í viku,
paprika er tínd tvisvar í viku og gúrkurnar
eru tíndar tvisvar á dag alla daga vikurnnar.
Tómatar eru flokkaðir eftir lit og stærð,
áður en þeim er pakkað í neytendaumbúðir.
Umræðurnar við kvöldverðarborðið
hjá okkur snúast um grænmetið og
hvað hefði mátt betur fara yfir daginn í
gróðurhúsunum og einnig hvað vel fór, en
ræktunin er áskorun á hverjum degi“ segir
Páll Ólafsson á Hveravöllum.
„Vatnið er dýrmætt“
- Segir Páll Ólafsson garðyrkjubóndi á Hveravöllum.
Grænmeti
hefur verið
ræktað á
Hveravöllum
frá árinu
1904 og
jarðhiti
notaður til
þess.
Barnamatur úr
íslensku grænmeti
– nýjung á markaði
Barnamatur, sem er eingöngu úr
íslensku grænmeti er væntanlegur á
markaðinn innan skamms. Sölufélag
garðyrkjumanna kemur til móts
við óskir fjölda neytenda með því
að leggja áherslu á holla og góða
næringu fyrir börn. Barnamaturinn
er maukaður, fulleldaður og frystur
sem er góð leið til að varðveita
ferskleika og næringargildi matvæla.
Boðið er upp á fjórar tegundir:
Gulrætur, gulrófur, gulrætur og
steinselju og einnig spergilkál og
blómkál. Barnamaturinn „Kátir
kroppar“ er ætlaður börnum frá sex
mánaða aldri. Upplagt er að blanda
honum einnig saman við annan
mat fyrir smáfólkið. Gott er að eiga
hollustu í frystinum sem grípa má til
hvenær sem er.
Þórdís Jóhannsdóttir
iðnrekstrarfræðingur og Guðrún
Stefánsdóttir hjúkrunarfræðingur
þróuðu hugmynd og uppskrift af
barnamatnum í samvinnu við Matís
og nefndu hann „Kátir kroppar“.
Verkefnið var meistaraverkefni
Þórdísar í verkfræðideild Háskóla
Íslands. Þær Guðrún og Þórdís
unnu verkefnið af miklum metnaði
ásamt starfsfólki Matís. Sölufélag
garðyrkjumanna tók síðan við
framleiðslu og dreifingu á vörunni.