Kraftur - 01.05.2010, Blaðsíða 11

11KRAFTUR
Eftir geislameðferð yfir æxlunarfærum er
ég ófrjó að sögn lækna og ég framleiði ekki
hormóna né hef blæðingar nema með hjálp
lyfja. Eftir geisla á höfuð er ég með stóra
skallabletti og lafþunnt hár sem ég er að
missa smátt og smátt því hársekkirnir eru
dauðir. Eftir geisla á hálsi er ójafnvægi á
skjaldkirtlinum og mér er ALLTAF kalt. Ég
fékk sjónskekkju, ég er með lélegt jafnvægi
eftir heilaskurðaðgerðina, get ekki staðið
á öðrum fæti og get varla hjólað og annað
slíkt. Ég er að hluta til tilfinningalaus/
lömuð vinstra megin í andlitinu, vinstra
auga aðeins sokkið og tár koma bara úr því
hægra auk þess sem ég get ekki beitt vinsri
hendi jafnvel og áður (minna grip o.fl.) Ég
er almennt miklu orkuminni en áður, með
mikla vöðvabólgu í herðum og hálsi vegna
eyrnasuðsins. Tennurnar mínar fóru illa í
meðferðunum og ég er með mjög lasburða/
laskað meltingarkerfi eftir bæði lyfin og
geislana. Ég hef þjáðst af mjög slæmum
martröðum eftir meðferðirnar og dregið mig
í hlé frá/ einangrast vegna eyrnasuðsins og
hellunnar (tinnitus). Eg finn líka mikinn mun
á minninu.“
Hildur Björk Hilmarsdóttir greindist
tvisvar með bráðahvítblæði, 23 ára 1994
og 26 ára 1997:
„Þegar ég greindist í fyrra skiptið fór
ég í 8 mánaða lyfjameðferð og í seinna
skiptið í mergskipti, en í þeim felst
háskammtameðferð, heilgeislun og
merggjöf. Afleiðingar meðferðanna er tvenns
konar, þær jákvæðu eru að ég er læknuð af
mínu meini, hef tekið út mikinn þroska og
öðlast reynslu sem ekki verður aftur tekin.
Listinn yfir neikvæðu afleiðingarnar er hins
vegar langur:
• Eggjastokkar óvirkir - ófrjósemi - tek
Livial eins og amma mín!
• Get ekki gengið með annað barn vegna
þess að líkami minn virkar ekki sem
skyldi – fæ meðgöngueitrun mjög
snemma og fylgjan nærir ekki barnið
þegar það þarf á henni að halda -stofna
þ.a.l. bæði sjálfri mér og barninu í mikla
hættu.
• Augasteinar ónýtir, búið að fjarlægja þá -
fékk í staðinn gerviaugasteina sem virka
vel og geng nú með tvískipt gleraugu.
• Skjaldkirtilinn horfinn - tek Thyroxin
hormón
• Þurr slímhúð - hefur lagast með árunum,
enda að koma 13 ár síðan ég fór í
mergskiptin
• Vefjagigt
• Hár blóðþrýstingur - tek
blóðþrýstingslækkandi lyf
• Orkuleysi og slen- fyrsta eina og hálfa
árið eftir mergskiptin - orkan er nú komin
til baka
Aðrar afleiðingar eru m.a þær að:
Ég get ekki sjúkdóma- eða líftryggt mig eins
og annað fólk
Mikill kostnaður af lyfjum sem ég þarf að
taka eftir meðferð
Mikill kostnaður vegna læknisheimsókna
þar eð ég hitti hina ýmsu sérfræðinga á
hverju ári og suma oftar en einu sinni.