Kraftur - 01.11.2010, Page 5
5KRAFTUR
oRloFShelgi á eiðUm
Í lok ágúst bauð Kraftur félagsmönnum
austur, í Kirkjumiðstöðina á Eiðum. Það
eru Krabbameinsfélög Austfjarða og
Austurlands sem standa árlega fyrir slíkri
orlofshelgi þar sem boðið er upp á fræðslu,
músikþerapíu, gönguferðir, helgistund,
samveru og fleira. Kraftsfélagar sem höfðu
nýlokið meðferð eða voru í meðferð og
aðstandendur þeirra voru sérstaklega
hvattir til að nýta sér ferðastyrk Krafts og er
óhætt að segja að það hafi mælst vel fyrir og
hvíldin og tilbreytingin var vel þegin að sögn
þátttakenda.
Ásdís Káradóttir hjúkrunarfræðingur
með diplóma í sálgæslu og nám í
viðbótarmeðferðum starfar í Ráðgjafarþjónustu
Krabbameinsfélagsins þar sem boðið er upp
á sálgæslu og djúpslökun fyrir einstaklinga.
Slökunin er leidd áfram og áhersla er lögð á
öndunartækni, vöðvaslökun og myndsköpun.
Einnig eru í boði sálgæsluviðtöl en sálgæslan
fjallar um lífsafstöðu og gildismat, þegar fólk
stendur frammi fyrir lífsógnandi aðstæðum.
Í sálgæslunni er fólgin viðtalsþjónusta.
Einstaklingur fær tækifæri til að tjá sig um
líðan sína gegn varfærinni hlustun og stuðningi.
Sálgæsluviðtöl samhliða djúpslökun reynast vel
og margir hafa nýtt sér þá þjónustu. Þjónustan
er án endurgjalds.
ÖndUn og vÖðvASlÖKUn
Allir vita að öndun er undirstaða lífsins, það er að draga andann. Ef
til vill þess vegna leiðum við ekki hugann að því að við þurfum að
huga að önduninni. Fyrsta andartakið er merki um líf og það síðasta
sem við gerum er að varpa öndinni. Það er með öndunina eins og
svo margt annað að við veitum henni ekki athygli fyrr en við finnum
að eitthvað bjátar á og þá verður hún eftirsóknarverð.
Í jóga og hugleiðslu er mikil áhersla lögð á öndun, í þeim fræðum
er lífsandanum haldið við og hann endurnærður. Austræn
hugmyndafræði fjallar um orkubrautir og hvernig orkan getur breyst
í líkamanum við áföll og veikindi. Vestræn hugmyndafræði fjallar um
líffræðilegar breytingar sem eiga sér stað í líkamanum við sömu
aðstæður. Þegar austrænum og vestrænum hugmyndafræðum er
blandað saman geta orðið til margþættar slökunaraðferðir sem eiga
það sameiginlegt að stefna að því að auka lífsgæði, minnka streitu
og leitast við að finna innri frið. Slökun hefur jákvæð áhrif líkamlega
og andlega en leysir í sjálfu sér ekki vandamál fólks, heldur gerir það
betur undir það búið að takast á við daglegt líf.
Þegar fólk verður fyrir lífsógnandi aðstæðum tekur ósjálfráða
taugakerfið við og spenna verður í öllum líkamanum. Þetta ástand
getur hjálpað fólki í aðstæðum þar sem það þarf á allri sinni orku
að halda í skamman tíma. En aftur á móti ef
streituástand helst í langan tíma getur það haft
alvarlegar afleiðingar á heilsu.
Í vöðvaslökun leiðum við athyglina að
spenntum vöðvum líkamans. Athyglin getur
beinst ýmist að því að spenna vöðvana enn
frekar og slaka síðan á spennunni eða að beina
athyglinni á vöðvana og ímynda sér slökun
þeirra. Í vöðvaslökun verður aukin æðaútvíkkun
í höndum og fótum, einstaklingur finnur oft fyrir
hitatilfinningu, öndun kyrrist og hjartsláttur
einnig. Rannsóknir hafa sýnt fram á breytingar í
líkamsstarfsemi við djúpslökun, blóðþrýstingur
lækkar, heilabylgjur kyrrast og margir tjá sig um
afturhvarf til bernskunnar.
Öll SKilningARviTin viRKjUð með myndSKÖpUn
Oft er slökun leidd með myndsköpun. Í myndsköpun er einstaklingur
leiddur í rólegar, öruggar aðstæður, þar sem næðis má njóta, gjarnan
eru öll skilningarvitin virkjuð í myndsköpuninni. Náttúran er gjarnan
notuð í leiðöngrum sem eiga sér stað í hugarfylgsnum þess sem
slakar á. Margir finna fyrir því hvernig náttúran hefur skapandi og
jafnframt slakandi áhrif á líkama og sál.
Það er ekki hægt að þvinga fram slökun en hún kemur af sjálfu sér
ef einstaklingurinn leyfir sér að sleppa spennunni um stund og áhrif
slökunar flæðir um líkamann, hugann og sálina.
Ef þú ert ekki vön/vanur að slaka á, þar sem slökun er leidd áfram
getur það tekið þig svolítinn tíma að finna þinn takt. Gefðu þér tíma
og það er ekkert eitt réttara en annað. Æfingin skapar meistarann í
þessu sem öðru. Ef þú finnur að hugurinn er spenntur og þú átt erfitt
með að sleppa takinu sýndu þér mildi. Þó þú náir ekki að slaka á
nema í örfáar mínútur er það þess virði og þú ert vel á veg kominn.
Mikilvægt er að finna þá leið sem hentar hverjum og einum og
stunda slökun reglulega. Útivera getur verið slökun, að vera með
vinum, hlæja og hafa gaman er slökun og svo margt, margt annað
sem fær mann til að líða vel.
Öndun og kyRRð eykuR lífsgæði
Sálgæsluviðtöl og slökun eru í höndum
Ásdísar sem starfar í Ráðgjafarþjónustu
Krabbameinsfélagsins