Kraftur - 01.11.2010, Blaðsíða 9
9KRAFTUR
STUÐNINGSSÍMI KRAFTS ER 866-9618
Síminn er opinn alla daga ársins.
Ekki hika við að hringja vanti þig að heyra í einhverjum sem hefur velt fyrir sér sömu hlutum og þú, upplifað
sömu tilfinningar og óvissu, eða skilur að stundum þarftu bara að tala!
stuðninguR og samtÖl fyRiR ungt fólk
og aðstandenduR með kRaBBamein
STUðningSneTið
Á árinu 2010 hefur Kraftur lagt mikla áherslu á að
styðja við Stuðningsnet félagsins. Stuðningnetið býður
greindum og aðstandendum að komast í samband við
einhvern sem hefur gengið í gegnum svipaða reynslu.
Á undanförnum tveimur árum hafa 30 einstaklingar
hlotið handleiðslu Gyðu Eyjólfsdóttur sálfræðings. Það
er óhætt að segja að veruleg þörf er fyrir stuðning en
fulltrúar netsins hafa flestir verið fengnir til að veita
stuðning. Reynsla stuðningsfulltrúa er fjölbreytt og í
hópnum má finna einstaklinga sem hafa greinst með
krabbamein, foreldra sem hafa fylgt fullorðnu barni
sínu í gegnum meðferð og aðstandendur sem hafa
misst ástvini sem og makar þess greinda.
Stuðningsfulltrúar eru allir bundnir trúnaði og koma
þeir reglulega saman til að bera saman bækur og
hljóta fræðslu frá sérfræðingum. Á síðasta fundi kom
Berglind Víðisdóttir og kynnti starfsemi hjúkrunar-og
ráðgjafarþjónustu Karitas. Miklar umræður urðu og
benti Berglind til dæmis á þann algenga misskilning að
sjúklingur á líknandi meðferð sé dauðvona frekar en í
meðferð til að lina þjáningar og bæta lífsgæði.
Fyrirhuguð er kynningarherferð á starfsemi
Stuðningsnetsins á heilbrigðisstofnunum og í
skólum en Kraftur hefur hlotið stuðning og styrk frá
auglýsingastofunni Expo sem mun aðstoða við gerð
kynningarefnis. Þeir sem hafa áhuga á að ræða við
stuðningsfulltrúa hafi samband í síma 866-9618.
Upplifun StuðningsfulltrúaÉg man alltaf eftir sjónvarpsþætti sem ég sá sem unglingur
þar sem var viðtal við tvo unglinga, Fróða og Önnu, sem
höfðu fengið krabbamein. Í þættinum var veitt innsýn í
krabbameinsmeðferð og sannarlega fannst mér mikið lagt
á jafnaldra mína á þeim árum sem oft eru kennd við
bestu ár lífsins. Þess vegna fylgdi því óneitanlega sérstök
tilfinning að hitta þau baráttusystkini þegar ég sjálf
greindist með krabbamein. Það var mjög óraunverulegt
að vera orðin partur af þeim heimi sem mér hafði hryllt
við í sjónvarpinu. Það má segja að það hafi verið lán
í óláni að kynnast þeim. Mér fannst mjög mikilvægt að
vita af þeim og að fá að hitta þau. Við greiningu er
gefnar lífslíkur í prósentum og ég fann vissulega ró í
þeirri staðreynd að góðar líkur væru á bata. Fyrirmynd
í formi einstaklinga hefur allt önnur áhrif . Það er
ómetanlegt að hafa einhvern til að líta upp til, einhvern
ljóslifandi sem sýnir þér að þetta verður allt í lagi. Það
eru ekki margir sem hafa sömu reynslu að baki og því
ómetanlegt að geta rætt um málin við einhvern sem hefur
skilning frá fyrstu hendi. Samskiptin þurfa ekki endilega
stöðugt að snúa að krabbameininu heldur að maður hafi
fyrirmyndina. Í gegnum þessa reynslu mína veit ég hversu
mikilvægt það er fyrir fólk að fá stuðning frá jafningja
og þess vegna tek ég þátt í stuðningsneti Krafts. Ég vil
vera til taks fyrir fólk sem greinist með krabbamein því
ég þekki þakklætið sem fylgir því og þannig öðlast mín
reynsla frekari tilgang. Undirbúningur stuðningsfulltrúa
hjá Gyðu er ákaflega vandaður sem gerir mann öruggari
í hlutverki sínu. Það sem hefur komið mér hvað mest á
óvart við stuðningsnetið er ánægjan sem fylgir því að
gefa af sér á þennan hátt þannig að óhætt er að segja að
Stuðningsnetið snúist um að gefa og þiggja.