Kraftur - 01.11.2011, Blaðsíða 2
2 KRAFTUR
Af hverju að vinna frítt ef maður getur
fengið greitt fyrir það? Sjálfboðastarf er
um margt áhugavert fyrirbæri, ekki síst
í markaðssamfélaginu þar sem allt er
falt. Ofangreind spurning var sett fram
í tengslum við sjálfboðaliðastarf og því
ekki um að ræða að verið væri að leita að
peningum til framfærslu. Til viðbótar við
afraksturinn af vinnuframlagi sjálfboðaliða
sem er þiggjendum til góða sýna rannsóknir
að sjálfboðaliðar upplifa ánægju og tilgang í
störfum sínum. Breytum því spurningunum.
Hvað gerir þú ekki nema fá borgað fyrir það?
Er eitthvað sem þú gætir ekki hugsað þér að
fá borgað fyrir?
HópUR sjálFboðAliðA Í KRAFTi
Í Krafti er öflugur hópur sjálfboðaliða sem gera
félaginu kleift að halda úti Stuðningsnetinu
og er erfitt að gera sér í hugarlund hvernig
sú starfsemi færi fram ef peningar bættust í
spilið. Starfið er engu að síður mjög dýrmætt
og raunar ómetanlegt fyrir félagið að geta
boðið upp á jafningjastuðning. Myndbönd
Stuðningsnetsins komu á vefsíðuna kraftur.
org og Youtube í haust og hafa hlotið
mjög góðar viðtökur. Þar kemur fram
hópur fólks úr Stuðningsnetinu sem gefur
einlæga og opinskáa innsýn í líf sitt. Þetta
eru frásagnir sem bestu handritshöfundar
gætu ekki leikið eftir því þetta er alvöru
fólk með sannar sögur sem kalla fram
bros og tár. Myndböndin eru kærkomin
viðbót á þjónustu Stuðningsnetsins, nú
geta allir farið á netið og fylgst með því
hvernig fólk ræðir um veikindin og allt sem
þeim fylgir. Áhorfandinn þarf ekki að bera
upp spurningar heldur fær hann svör við
fjölmörgum spurningum sem hann þorði
aldrei að spyrja.
MiKilvægi TæKniKUnnáTTU og
sAMsTARFsHæFni
Á vefsíðunni okkar er einnig að finna margt
annað fræðsluefni og þar er birt í heild sinni
bókin Lífskraftur: hagnýtar upplýsingar
fyrir einstaklinga sem greinst hafa með
krabbamein og aðstandendur þeirra.
Greinilegt er að upplýsingabyltingin hefur
staðið yfir frá því ég átti í mínum veikindum
því þá hafði netið ekki hafið innreið sína
í tölvur almennings og við þekktum það
aðeins af afspurn. Nú eru aðrir tímar og
tæknikunnátta mikilvæg til að fóta sig í
samfélaginu.
Annar eiginleiki sem mikilvægt er að
tileinka sér í dag er samstarfshæfni. Þar
telur Kraftur að hann geti staðið mun betur
að vígi. Kraftur vill þess vegna beita sér
fyrir heildstæðu samstarfi þeirra félaga
sem sinna krabbameinssjúklingum og
aðstandendum á Íslandi því við teljum að
samstillt félög séu öllum til góða. Það er
sýn Krafts að skjólstæðingar eigi aðeins
að þurfa hafa samband á einn stað til að fá
upplýsingar um hvaða félög þeir eiga erindi
í og fá upplýsingar um þjónustu í boði. Við
vitum að fleiri eru á sama máli og erum
tilbúin í þá vinnu sem framundan er til að
láta þá sýn verða að veruleika.
FORMANNSPISTILL
BLAðIð
STUÐNINGSFÉLAG FYRIR UNGT FÓLK SEM GREINST HEFUR MEÐ
KRABBAMEIN OG AÐSTANDENDUR
Skógarhlíð 8 / 105 Reykjavík
Sími: 866 9600 / Stuðningssími: 470 2700
Skrifstofan er opin á mánudögum og miðvikudögum
frá kl. 9:00-16:00
www.kraftur.org / kraftur@kraftur.org
Reikningsnúmer: 327-26-112233 / Kennitala: 571199-3009
Starfsmaður: Hulda Bjarnadóttir / hulda@kraftur.org
Formaður Krafts: Hlín Rafnsdóttir / hlinrafns@gmail.com
Stjórn Krafts: Árni Gunnlaugsson, Gísli Einarsson,
Hulda Hjálmarsdóttir, Katrín Vilhelmsdóttir,
Stefanía Björk Björnsdóttir, Unnur Guðrún Pálsdóttir (Lukka)
Ritstjóri Kraftsblaðsins: Unnur H. Jóhannsdóttir / uhj@simnet.is
Ábyrgðarmaður: Hulda Bjarnadóttir og Unnur H. Jóhannsdóttir
Hönnun og umbrot: Hilmar Þór Jóhannsson / hilmartj@gmail.com
Forsíða: Hilmar Þór Jóhannsson / hilmartj@gmail.com
Ljósmyndari: Ernir Eyjólfsson
Annað myndefni: Úr myndasafni Krafts / Úr einkasafni
Prentun: Ísafoldarprentsmiðja
FélAgleg RéTTindi
og úRRæði
Þegar fólk veikist af alvarlegum sjúkdómi
eru fyrir hendi ýmiss úrræði í samfélaginu.
Fólk stendur þó oft misjafnlega að vígi
hvað áunnin réttindi varðar. Lög um
almannatryggingar, félagsþjónustu
sveitafélaga og félagslega aðstoð eiga að
tryggja að allir njóti lágmarks framfærslu.
Við þessar aðstæður nýtir fólk fyrst rétt
sinn á vinnumarkaði en þegar honum
lýkur taka sjúkrasjóðir stéttafélaganna
við. Þegar greiðslur úr sjúkrasjóðum
stéttafélaga falla niður geta tekið við
greiðslur frá Tryggingastofnun ríkisins
(TR) eða félagsþjónustu sveitarfélaga.
Greiðslur til sjúklinga eru þannig háðar
öðrum tekjum og áunnum réttindum fólks
á vinnumarkaði.
Á forsíðu www. kraftur.org eru mjög góðar
leiðbeiningar um félagsleg réttindi og
úrræði í samfélaginu og ættu félagsmenn
að kynna sér þær mjög vel og fá nánari
upplýsingar frá Ráðgjafaþjónustu
Krabbameinsfélagsins.
Hlín Rafnsdóttir formaður.