Kraftur - 01.11.2011, Blaðsíða 14
viðTAl
14 KRAFTUR
annars í meiri hreyfigetu, betra jafnvægi,
betra viðhaldi á vöðvamassa, minni líkum
á hjartasjúkdómum, betra blóðflæði til
útlima, minni líkum á beinþynningu, aukinni
sjálfsvitund og auknu sjálfstrausti. Þá
getur hreyfing minnkað líkur á þunglyndi
og félagsfælni, minnkað líkur á ógleði
og þreytueinkennum og líklegra sé að
þyngd haldist óbreytt. Ennfremur standa
margir í þeirri trú að ónæmiskerfið haldist
sterkara og sé því í raun stór þáttur í því
að krabbameinssjúklingar nái sér fyrr eftir
meðferðina. Langflestum ber þó saman
um að heildarávinningur hreyfingar meðan
á krabbameinsmeðferð stendur felist í
auknum lífsgæðum einstaklingsins og
með auknum lífsgæðum er mikið unnið í
baráttunni við krabbameinið.“
einsTAKlingsMiðUð
æFingAáæTlUn
Steinar segir að mikilvægt sé að
æfingaáætlunin sé gerð í samvinnu við
krabbameinslækni viðkomandi og að hún
sé sérsniðin að einstaklingnum. „Það þarf
að taka mið af þeim meðferðum sem valdar
eru, bæði skurðaðgerðum og lyfja- og/eða
geislameðferðum þegar velja á líkamsrækt
við hæfi því annars geti rangt álag á líkamann
skapað hættu. Það er því mjög mikilvægt
að ræða við lækninn sinn um fyrirhugaða
líkamsrækt og fá hjá honum ábendingar og
tillögur.“
Hann segir að nauðsynlegt sé að fara
sér hægt í byrjun. ,,Hreyfing á meðan á
krabbameinsmeðferð stendur þarf ekki að
vera umfangsmikil, hún er fyrst og fremst
ætluð til þess að halda í þau lífsgæði sem
einstaklingurinn hefur og auka þau ef þörf er
á. Nokkrar mínútur, nokkrum sinnum í viku
geta skipt máli, hvert skipti getur skipt máli.
Það er þó mikilvægt að muna að fara sér
hægt og fyllast ekki ákefð, heldur muna að
hafa líkamsræktina létta til miðlungserfiða.
Það er gott að fara út að ganga úti í góðu
veðri eða inni þegar veður er slæmt, léttur
hjólatúr, sundferð, Pilates, jóga og fleira er
af hinu góða og getur gert gæfumuninn.
Mikilvægt er að koma aukinni hreyfingu
á blóðið þannig að öll líffæri líkamans fá
hæfilegt magn af súrefni til þess að takast á
við þetta erfiða tímabil.“
AðlAgA HReyFingUnA Að
lÍðAninni
Steinar bendir á að hver og einn þarf að velja
sér hreyfingu sem honum þykir skemmtileg,
að öðrum kosti er ólíklegt að æfingaáætlun
haldist. Þá skiptir miklu máli að gera sér grein
fyrir því hvernig líðanin er. „Það getur verið
mjög mismunandi frá degi til dags og jafnvel
innan sama dags hvernig einstaklingum
líður meðan á meðferð stendur. Þá daga sem
vanlíðan er mikil má velja styttri vegalengdir
til göngu eða styttri hjólaleiðir og fara jafnvel
bara í heitu pottana í sundlaugunum ef slíkt
er í boði. Þá daga sem vanlíðan er minni er
hægt að lengja göngu- eða hjólatúrinn og
taka einum eða tveimur sundferðum meira.
Þegar ákefð eða lengd hreyfingar er ákveðin
þá er líðan einstaklingsins og það sem hann
ræður við í hvert skipti það sem mestu máli
skipti.“
Hann segir einnig að hreyfingin verði mun
skemmtilegri þegar einhver annar tekur
þátt og því er nauðsynlegt, hið minnsta
einstaka sinnum, að fá einhvern með sér,
til dæmis einhvern úr fjölskyldunni. „Þegar
krabbameinsmeðferð lýkur má halda
áfram með sömu æfingaáætlun og þegar á
meðferð stóð en eftir því sem þrek og þol
einstaklingsins eykst má auka ákefð og lengd
þjálfunar. Eins og alltaf er þó mikilvægt að
hafa í huga hver á í hlut og hvaða krabbamein
það var sem einstaklingurinn greindist með.“
„Hreyfing á meðan
krabbameinsmeðferð þarf ekki að
vera umfangsmikil, hún er fyrst og
fremst ætluð til þess að halda í þau
lífsgæði sem einstaklingurinn hefur
og auka þau ef þörf er á.“
Kraftur, stuðningsfélag fyrir ungt fólk
sem greinst hefur með krabbamein
og aðstandendur, sendi umsögn til
heilbrigðisnefndar Alþingisnefnar þegar
málið var í nefnd þar. Stjórn félagsins
studdi umsögn þingsályktunartilögu um
staðgöngumæðrun.
Í umsögninni segir að Kraftur leggi mikla
áherslu á mikilvægi þess að gæta réttar
hlutaðeigandi í hvívetna, staðgöngumóður,
barns sem og verðandi foreldra með tilkomu
reglugerðar með vísan til laga sem leyfi
fulla staðgöngumæðrun í velgjörðarskyni
eingöngu eins og þingsályktunartillagan
segir til um.
Kraftur telur að einungis þær konur sem geti
ekki gengið með barn sjálfar eigi að eiga þess
kost að nýta sér úrræði staðgöngumæðrunar
að settum skilyrðum og telur að ábendingar
fagaðila þar um séu skýrar og fullnægjandi.
Eins leggur Kraftur áherslu á að ekki geti
hvaða kona orðið staðgöngumóðir en þar
sem staðgöngumæðrun er leyfileg eru
gerðar kröfur um að líkamlegt og andlegt
atgervi staðgöngumæðra standist kröfur
fagaðila, þar með talið að staðgöngumóðirin
hafi sjálf gengið með barn áður án fylgikvilla
eða inngripa.
kRAFTuR STyðuR STAðgöNguMæðRuN
MeiRiHlUTi HeilbRigðisneFndAR Alþingis leggUR Til Að velFeRðARRáðHeRRA veRði FAlið Að
UndiRbúA lAgAFRUMvARp seM HeiMili sTAðgöngUMæðRUn Í velgjöRðARsKyni.