Læknablaðið - 01.04.1966, Qupperneq 24
50
LÆKNABLAÐIÐ
stilltur, enda var hann á skólaárum kosinn inspector platearuni
j>rjá velur í röð, og mun ]>að frekar fátítt.
Á yngri árum stundaði Sveinn allmikið íþróttir, bæði glímur
og frjálsíþróttir, með félagi sínu Glímufélaginu Ármanni, en i
stjórn jjess félags var liann um skcið. Tók hann oft þátt í glímu-
keppni með ágætum og jjótti jafnvel ekki standa langt að baiki
eldri hróður sínum, sem ]>á var einn fremsti frjálsíþróttamaður
landsins og glímukóngur Islands um tíma.
Sveini var rík athafnaþrá í hlóð horin. Þegar á æskuárum
stundaði hann fjárbúskap i smáum stil sér til gamans, og þegar
honum óx fiskur um hrygg, tók hann að færast meira í fang.
Hann réðst í miklar byggingaframkvæmdir og atvinnurekstur
ásamt systur- og uppeldissyni sínum, og hlómgaðist sú starfsemi
mjög í höndum jjeirra, svo að ég hygg, að Sveinn hafi verið vel
fjáður maður, er hann lézt.
Sveinn kvæntist ekki eða átti afkomendur, en átti samt fyrir
allþungu heimili að sjá. Faðir hans lézt um líkt leyti og hann hóf
störf, og féll ]>að því i Sveins hlut að veita heimilinu forstöðu.
Hann bjó með móður sinni, unz hún andaðist í hárri elli, og síðan
með systur sinni og ól jafnframt upp son hennar og sonarson.
Heimili foreldra hans var alkunnugt fyrir gestrisni og alúð við
hvern, sem að garði har. Héldu þau systkini sömu háttum, eftir
að þau tóku við forstöðu heimilisins.
Sveinn var vinfastur og vinmargur og eignaðist marga kunn-
ingja, hæði í starfi sínu og utan ]>ess. Kom þar til glaðværð hans
og aðlaðandi viðmót, en hann hafði lag á að koma mönnum í gott
skap með græskulausu gamni. Hann var farsæll í starfi og naut
vinsælda sjúklinga sinna. Hann hélt til hinztu stundar kunnings-
skap við fólk úr héraði því, sem hann hafði verið s.taðgengill í
á yngri árum, og fjöldi sjúklinga hélt tryggð við Svein, eftir að
heilsa hans var biluð og hann gat ekki sinnt störfum sem áður.
Hin síðustu árin gekk Sveinn eigi heill til skógar. Hann varð
fyrir umferðarslysi, fékk fract. vertihrae og lá alllengi rúmfastur.
Þrek hans var brotið, og hefur það vafalaust verið þungbærl hin-
um hrausta og lífsglaða manni að geta ekki beitt sér að fullu eins
og áður. En við, sem þekktum hann frá æsku og störfuðum með
honum um langt skeið, minnumst h.ans ávallt scm hins ágæta fé-
laga og góða drengs.
Ólafur Helgason.