Læknablaðið - 01.04.1966, Side 27

LÆKNABLAÐIÐ
53
Hverjum ráðum verður beitt til þess að
ná sjúklingum með magakrabba fyrr
til rannsókna og lækninga? Ásmundur
Brekkan gerir hér grein fyrir afdrifum
49 sjúklinga með magakrabba einu ári
eftir röntgengreiningu meinsins. Hann
kemst að þeirri niðurstöðu, að mikið
skorti á, að þessir sjúklingar náist nógu
snemma til rannsókna og aðgerða, og
bendir á leiðir til aukins öryggis í grein-
ingu magakrabba.
Ásmundur Brekkan:
AFDRIF SJÚKLINGA MEÐ KRABBA-
MEIN I MAGA ÁRI EFTIR
RÖNTGENGREININGU
1. Inngangur
í grein þessari er skýrt frá athugun, sem gerð var á röntgengrein-
ingu magaæxla við röntgendeild Landspítalans á árinu 1964, og eink-
um greiningu á krabbameini í maga.
Tilgangur rannsóknarinnar var að gera sér nokkra grein fyrir
eftirfarandi atriðum:
a) áreiðanleika röntgenrannsóknar í leit að magakrabba;
b) útbreiðslu krabbameinsins, er sjúklingar komu fyrst til rann-
sókna;
c) staðsetningu krabbameins í maganum;
d) könnun á afdrifum sjúklinganna eftir tiltölulega skamman
tíma og
e) hugsanlegum leiðum til aukinnar nákvæmni og árvekni í
greiningu magakrabba.
Gerður var jafnframt samanburður á tíðni greininga magaæxla
á árunum 1960—1964; enn fremur voru sundurliðaðar sjúkdómsgrein-
mgar við röntgenrannsóknir á maga árið 1964.
Rannsókninni eru gerð skil í töflum, með athugasemdum, en nið-
urstöður síðan ræddar í hverjum kafla og í heild. Þá er í sérstökum
umræðukafla gerð nánari grein fyrir aðferðum við röntgenrannsóknir
á maga og drepið á aðrar rannsóknaraðferðir í leit að magakrabba.