Læknablaðið - 01.04.1966, Qupperneq 44

LÆKNABLAÐIÐ
68
til þess að ná fyrr til þessara sjúklinga, en meðal hugsanlegra leiða
til þess má nefna:
1) Sérstök leitarstöð. Hún þarf að ráða yfir fullkominni
frumurannsóknarstofu, sérfræðingi í magaspeglun og hafa
aðgang að fullkominni röntgenstofnun, auk almennrar
blóðmeinarannsóknarstofu. Hér á íslandi liggja fyrir tais-
vert ljósar upplýsingar um aldurs- og kynjaflokkun maga-
krabbans, og ætti því að vera fræðilegur möguleiki á að
taka þá hópa til rannsókna, sem hafa tölulega mestar
líkur fyrir magakrabba.
2) Hin leiðin er sennilega miklu torsóttari. Hún væri reist
á umfangsmiklum rannsóknum á klínik, blóðmeinafræði,
enzyma-mynztrum, mataræði og erfðum, í þeim tilgangi
að fá fram mynztur (pattern), sem benti eindregið á hættu
á magakrabba. SHk rannsókn hefur e. t. v. verið ófram-
kvæmanleg fram til þessa, en með sjálfvirkni í rannsókn-
arstofum og rafreikna til gagnaúrvinnslu virðast nokkrar
líkur til þess, að hún gæti borið jákvæðan árangur, og
myndi kostnaður ekki óyfirstíganlegur, ef gerð væri á
alþjóðlegum vettvangi.
12. Samantekt og niðurstöður
í stuttum inngangi er gerð grein fyrir rannsóknum á tíðni og
staðsetningu magakrabba hérlendis og nokkur samanburður gerður
við erlendar rannsóknir.
Þá eru í töflum lagðar fram athuganir á röntgengreiningum á
magakrabba við röntgendeild Landspítalans á árinu 1964, ásamt upp-
lýsingum um afdrif sjúklinganna, miðað við 1. .iúlí 1965.
Hjá 74 sjúklingum var röntgengreiningin „tumor ventriculi“ gerð
í fyrsta sinni á árinu.
Sjúkdómsbreytingar í maga voru staðfestar við skurðaðgerð eða
á annan hátt hjá 91% þeirra, en þar af voru 49, eða 66.2% allra, með
magakrabba.
Þessum 49 sjúklingum eru gerð nánari skil:
39 þeirra komu til skurðaðgerða, en átta voru krufðir. Af sjúkl-
ingunum, sem skornir voru upp, voru tíu, þ. e. 25.6% á lífi 1. júlí 1965.
en að frátöldum þeim sjúklingum, er höfðu meinvörp eða ífarandi
vöxt út fyrir maga, voru 84.6% á lífi í lok athugunartímabilsins. Það
eru 22.4% allra sjúklinganna með röntgengreint krabbamein.
Samanburður á afdrifum þessa sjúklingahóps við víðtækari rann-
sóknir. sem birtar hafa verið erlendis, leiðir í Ijós sömu grein-
ingartíðni og skurðtæki (operabilitet) magakrabba, en niðurstöður
rannsóknarinnar staðfesta aðeins enn einu sinni nauðsyn bættra og
nýrra rannsóknaraðferða í leit að magakrabba.
Niðurlagsorð
Þorsteinn Svörfuður Stefánsson stud. med. hefur af óþreytandi
áhuga og atorku aðstoðað við gagnasöfnun og úrvinnslu. Ingibjörg
Skúladóttir, Sigríður Bjarnadóttlr og Hrefna Níelsdóttir, ljósmyndari