Læknablaðið - 01.08.1966, Blaðsíða 48

166
LÆKNABLAÐIti
komulag hefur ekki enn náðst um þetta atriði. í lok skýrslu formanns
samninganefndarinnar til stjórnar félagsins lofar hann mjög aðstoð lög-
fræðinga félagsins í samningum svo sem áður.
Samkvæmt bráðabirgðasamkomulagi störfuðu tvær nefndir til að
athuga rekstrargrundvöll Landakotsspítala annars vegar og framtíðar-
fyrirkomulag læknaþjónustu á spítalanum hins vegar, en samninga-
nefnd átti engar viðræður um samninga við S. R. eða Tryggingastofnun
ríkisins.
Trúnaðarlækna- Nefndina skipuðu Halldór Arinbjarnar formaður,
nefnd. Ólafur Helgason og Bjarni Konráðsson.
Nefndin hélt enga formlega fundi á árinu, en
nokkuð barst af fyrirspurnum frá félögum um málefni varðandi trún-
aðarlæknisstörf, og ráðlagði nefndin félögum, eftir því sem tilefni gafst
til, um form og greiðslur fyrir trúnaðarlæknisstörf.
Samninganefnd Nefnd þessa skipuðu Guðjón Lárusson formaður,
sérfræðinga Jónas Bjarnason, Richard Thors, Bergsveinn Ólafs-
á sjúkraliúsum. son og Tómas Á. Jónasson.
Nefnd þessi var skipuð í marz 1964, og er aðdrag-
andi að þeirri nefndaskipan og starfssvið hennar skýrt í síðustu árs-
skýrslu.
Samkvæmt bráðabirgðasamkomulagi, er gert var á árinu áður til
að firra vanda, var læknum á Landakoti greitt af Borgarsjóði Reykja-
víkur fram til 1. apríl 1965, en þá skyldi það samkomulag úr gildi falla
án uppsagnar. Engar samningaviðræður fóru fram um framhald þess-
ara málefna. Upp frá þessu tóku systur St. Jósefsspítala í Landakoti að
sér að greiða læknum fyrir að stunda sjúklinga úr Reykjavík. Meiri
hluti lækna spítalans féllst á þetta, og var þá undirritaður samningur
milli systranna og L. R. Samið var um greiðslur fyrir vaktir. Greiðslur
til sérfræðinga, sem stunda ekki heimilislækningar, voru samkvæmt
taxta L. R. með 21% afslætti, en veittur var 29% afsláttur fyrir aðra
lækna spítalans.
Hinn 21. apríl var Tryggingastofnun ríkisins tilkynnt, að utanbæj-
arsjúklingar yrðu sjálfir að greiða fyrir læknishjálp á Landakoti, þar
sem samningar hefðu eigi enn verið teknir upp um þessi atriði, en
Tryggingastofnun ríkisins hafði neitað að eiga viðtal við samninganefnd
L. R. Hinn 27. s. m. var sjúkrasamlögunum í Kópavogi og á Seltjarnar-
nesi tilkynnt hið sama.
Um þetta leyti fóru fram margar orðsendingar milli lögfræðings
félagsins og Tryggingarstofnunar ríkisins, og með bréfi, dags. 16. júní,
tjáði Tryggingastofnunin sig fúsa til samningstilrauna. Tveir fundir
voru nú haldnir 2. og 7. júlí, en engar niðurstöður fengust. Forstjóri
Tryggingastofnunarinnar vildi mæla með því, að samið yrði á þann
hátt, að gjaldskrá L. R. frá 1965 yrði lögð til grundvallar að frádregn-
um 42%, en læknar buðu að semja um gjaldskrána að frádregnum
12,5%.
Síðan hafa þessir aðilar ekkert ræðzt við um þessi málefni. Hefur