Læknablaðið - 01.08.1966, Blaðsíða 55
LÆKNABLAÐIÐ
169
tvo með ráðherra. Sendi hún læknum þeim, sem sagt höfðu upp störf-
um, fyrirspurn um, hverjar væru helztu orsakir uppsagnar og hvert
væri viðhorf læknisins til starfsaðstöðu og fyrirkomulags um læknis-
þjónustu, kjaramál og fleira. í svörunum kom fram, að meginorsök upp-
sagna var óviðunandi starfsaðstaða, óánægja með skipulag læknisþjón-
ustunnar og síðast, en ekki sízt, megn óánægja með seinagang og skipu-
lagsleysi í byggingamálum Landspítalans. Hafa einstakir nefndarmenn
þegar lagt fram álitsgerðir sem grundvöll fyrir umræður í nefndinni.
Allir höfðu læknar, er upp sögðu, miðað við þriggja mánaða upp-
sagnartíma. Er liða tók að þeim tíma, er uppsagnir tækju gildi, fór ráð-
herra fram á það við nefndina, að hún bæði hlutaðeigandi lækna um
að lengja nokkuð uppsagnartimann, meðan unnið væri að þessum mál-
um hjá nefndinni. Féllust læknarnir á framlengingu um það bil 6 vikur.
Jafnframt því sem þessi nefnd vinnur áfram að gagnasöfnunum og
ræðir vinnu- og starfsaðstöðu lækna á nefndum stöðum, fara einnig
fram viðræður um launamál þessara lækna.
Eftir að málefni fóru í þennan farveg, sem lýst hefur verið, vísuðu.
læknarnir málinu til Læknafélagsins, og annast nú launanefnd félags-
ins samningagerðir fyrir hönd þeirra við fulltrúa ríkisvaldsins, en að
nokkru er gerð nánari grein fyrir þessum hluta undir kaflanum um
launanefnd félagsins á öðrum stað í skýrslu þessari.
Þess má og geta hér, að fulltrúar læknafélaganna í þessari nefnd
hafa þegar undirbúið og lagt fram uppkast að samningi undir nýju
kerfi, sem nefnt hefur verið eyktakerfið og kemur í stað þess kerfis,
sem við heíur verið unnið til þessa og fallið hefur undir Kjaradóm. Hið
nýja kerfi hefur í för með sér, að læknar fara alveg út úr þeim ramma,
er markaður hefur verið með Kjaradómi, en greiðslur fyrir störf, unnin
eftir þessu nýja kerfi, eru nú í fyrsta sinn prentaðar í taxta félagsins,
sem lagður er fram á þessum aðalfundi.
Allur undirbúningur þessara víðtæku mála hefur hvílt á herðum
læknaþjónustunefndar L. R., og eiga þeir félagar miklar þakkir skild-
ar fyrir störf sín, sem hafa verið bæði tímafrek og vandasöm.
Þótt núverandi stjórn félagsins auðnist ekki að sjá fyrir end.ann á
þessum málum í stjórnartíð sinni, vonar hún, að samningar, reistir á
þessu nýja starfskerfi, eigi eftir að verða allri læknastéttinni til gagns.
Frá sérgreina- Hinn 30. janúar 1966 var stofnað Félag augnlækna.
félögum. Formaður þess er Kristján Sveinsson, ritari Guðmund-
ur Björnsson og gjaldkeri Bergsveinn Ólafsson. Þetta
nýja félag er boðið velkomið í hóp séigreinafélaga innan Læknafélags-
ins.
Þetta nýja félag hefur ákveðið að taka upp mjög merkilegt nýmæli.
Ákveðið hefur verið að stofna tímarita- og bókasjóð. í stað þess að ein-
stakir félagsmenn kaupi timarit hver fyrir sig, leggja allir augnlæknar
ákveðna upphæð í sjóð, sem síðan kaupir öll helztu tímarit í sérgrein-
inni og nýjar bækur um augnlækningar. Með þessu móti kaupa þeir allt
hið helzta í sérgrein sinni. Hafa þeir farið fram á að fá húsnæði fyrir
bækur þessar og tímarit í bókasafni félaganna í Domus Medica, og verði
þar sköpuð aðstaða til útlána og lestrar. Bækurnar og tímaritin hafa