Læknablaðið - 01.12.1968, Qupperneq 60

272
LÆKNABLAÐIÐ
VII. Árgjöld til L.í.
Uppástunga kom frá Páli Gíslasyni um 800 kr. hækkun á ári, eða
úr kr. 4.800.00 í 5.600.00 og var hún samþykkt.
VIII. Stofnun sjóös til styrktar lœknum í vinnudeilum
Víkingur H. Arnórsson mætti á fundinn og gerði grein fyrir til-
komu þessa sjóðs, sbr. greinargerð og reglugerðaruppkast þar að lút-
andi. Rætt var um möguleika á lánum til Domus Medica úr þessum
sjóði.
IX. Könnun á starfsaöstöðu liéraöslœkna
Örn Bjarnason gerði grein fyrir fyrirkomulagi þeirrar könnunar.
Send voru út spurningaeyðublöð til útfyllingar. Auk þess sem Örn
Bjarnason heimsótti héraðslækna á Austurlandi og Helgi Valdimars-
son lækna á Vesturlandi, heimsótti framkvæmdastjóri lækna á Norður-
landi og einnig lækna sunnanlands.
Klukkan var nú orðin nær 16, en þá átti að hefjast boð umboðs-
manna Merck Sharp & Dohme með kvikmyndasýningu og kokteil.
Fundi því frestað til næsta dags kl. 10.
Sunnudaginn 21. apríl var fundi framhaldið. Formaður tilnefndi
Guðstein Þengilsson fundarstjóra og bað ritara L.í. að skrifa fundar-
gerð. Á fundi voru stjórn L.í. og varastjórn, að Stefáni Bogasyni undan-
skildum, formaður L.R., Sigmundur Magnússon, Páll Gíslason frá
Læknafélagi Vesturlands, Guðsteinn Þengilsson frá Læknafélagi Vest-
fjarða, Jónas Oddsson frá Læknafélagi Akureyrar, Gísli Auðunsson frá
Læknafélagi Norðausturlands og Konráð Sigurðsson frá Læknafélagi
Suðurlands.
Örn Bjarnason gerði frekari grein fyrir könnun á starfsaðstöðu
héraðslækna, sem enn er ekki búið að vinna úr til hlítar. Gat hann
þess, að læknar úti á landi hefðu tekið því feginsamlega að fá heim-
sókn fulltrúa L.f. og talið slíkt nauðsynlegt. Einn læknanna, sem hann
heimsótti, Þorsteinn Sigurðsson, Egilsstöðum, hefði verið sár yfir því,
að tillaga frá honum um könnun á störfum héraðslækna hefði ekki
fengið afgreiðslu.
Ásmundur Brekkan kvað könnun þessa gera ráð fyrir mjög kostn-
aðarsamri rannsókn a. m. k. tveggja manna, svo kostnaðarsamri, að
það væri ofviða fjárhag L.Í., nema kæmi til aðstoð frá ríkinu. Sagði
hann, að vonir hefðu staðið til, að fé fengist frá hinu opinbera til að
standa straum af þessari rannsókn, en það hefði brugðizt.
Nokkrar umræður urðu um þetta mál. Auk Arnar Bjanaasonar
tóku til máls Gísli Auðunsson, Páll Gíslason, Helgi Þ. Valdimarsson
og Jónas Oddsson. Formaður, Arinbjörn Kolbeinsson, bar fram uppá-
stungu um, að nefnd yrði skipuð til þess að koma tillögu Þorsteins í
framkvæmd. Stakk hann upp á Ásmundi Brekkan sem formanni nefnd-
arinnar og með honum Ólafi Ólafssyni og Helga Þ. Valdimarssyni. Var
það samþykkt.
Síðan var rætt um könnun Arnar Bjarnasonar. í ljós kom, að fjöl-