Læknablaðið - 01.12.1979, Blaðsíða 34
296
LÆKNABLAÐiÐ
FUNDARGERÐ AÐALFUNDAR LÆKNAFÉLAGS
ÍSLANDS
22.—23. september 1979
Aðalfundur Læknafélags Islands 1979 var
haldinn í Domus Medica dagana 22. og 23.
september og hófst kl. 09.00 árdegis.
Formaður, Tómas Árni Jónasson, setti fund-
inn og bauð velkomna fulltrúa og gesti. Gestir
fundarins voru m.a. Ólafur Ólafsson landlækn-
ir, Páll Sigurðsson ráðuneytisstjóri og Marker
Simonsen yfirlæknir frá Færeyjum, sem mætti
á fundinum seinni daginn. Formanni Félags
læknanema hafði verið boðin fundarseta, en
hann var ekki mættur.
Formaður skipaði fundarstjóra Örn Smára
Arnaldsson og Magnús Karl Pétursson og tók
sá fyrrnefndi við fundarstjórn. Fundarritarar
voru skipaðir Guðmundur H. Þórðarson, Har-
aldur Dungal, Viðar Hjartarson og Jón Högna-
son. Fundarstjóri síðari daginn var Magnús
Karl Pétursson.
Kjörbréfanefnd skipuðu Magnús Karl Péturs-
son, Haraldur Briem og Friðrik J. Friðriksson.
Fulltrúar á aöalfundinum voru þessir:
Frá Læknafélagi Reykjavíkur: Ásgeir B.
Ellertsson, Haukur S. Magnússon, Jón Högna-
son, Ólafur Örn Arnarson, Viðar Hjartarson,
Guðmundur H. Þórðarson, Haraldur Dungal,
Magnús Karl Pétursson, Tryggvi Ásmundsson
og Orn Smári Arnaldsson.
Frá Læknafélagi Norðvesturlands: Friðrik J.
Friðriksson.
Frá Læknafélagi Vestfjarða: Tómas Jónsson.
Frá Læknafélagi Vesturlands: Kristófer Þor-
leifsson.
Frá Læknafélagi Akureyrar: Magnús L.
Stefánsson og Olfur Ragnarsson.
Frá Læknafélagi Norðausturlands: Jón Aðal-
steinsson.
Frá Læknafélagi Austurlands: Þengill Odds-
son.
Frá Læknafélagi Suðurlands: Brynleifur
Steingrímsson.
Frá Félagi íslenzkra lækna í Bretlandi:
Katrín Fjeldsted.
Frá Félagi íslenzkra lækna í Sviþjóð: Har-
aldur Briem.
Vilhjálmur Rafnsson var áheyrnarfulltrúi frá
FILIS.
Hrafn Tulinius var áheyrnarfulltrúi frá Fé-
lagi yfirlækna og áheyrnarfulltrúi íslenzkra
lækna í Bandaríkjunum var Högni Óskarsson.
Þá sátu fundinn Páll Þórðarson fram-
kvæmdastjóri læknafélaganna og Skúli G.
Johnsen, borgarlæknir, frá Læknablaðinu Þórð-
Barst ritstjóm 09/11/1979. Sent í
12/11/1979.
prentsmiðju
ur Harðarson og Örn Bjarnason og frá Domus
Medica Eggert Steinþórsson og Friðrik Karls-
son framkvæmdastjóri.
SKÝRSLA STJÓRNAR
Formaður, Tómas Árni Jónctsson flutti
skýrslu stjórnar.
Hann minntist í upphafi látinna félaga, en
fjórir félagar í L.l. höfðu látist á árinu:
Arni Björn Árnason, f. 18.10. 1902.
Björn L. Jónsson, f. 04.02. 1904.
Hallgrímur Bjömsson, f. 24.11. 1904.
Kristján Hannesson, f. 02.09. 1904.
Formaður bað fundarmenn að rísa úr sætum
til að heiðra minningu hinna látnu félaga.
Formaður gat þess í upphafi, að lítil sem
engin fjölgun hefði orðið á félögum í Lækna-
félagi Islands frá 1976. Taldi hann það stafa
af utanlandsferðum lækna, en nú væru fjöl-
margir læknar starfandi erlendis. Lét hcinn
þess getið, að lausn á þvi máli væri kannski að
færa framhaldsnám inn í landið, svo sem kost-
ur væri og ekki hvað sízt framhaldsnám í heim-
ilislækningum. Hann kvað það alvarlegt mál,
ef stöðnun yrði á fjölgun í L.I. næstu árin!
Hann ræddi um framhaldsnám Islendinga í
Bandaríkjunum og taldi, að breytingar á því
væru í uppsiglingu. Væntanlegt væri frumvarp
um, að dvalarleyfi námsmanna í Bandaríkjun-
um yrði lengt í samræmi við námstímann.
1 skýrslu sinni gerði formaður að umræðu-
efni öll meginatriði skýrslunnar, sem lá frammi
sérprentuð á fundinum og hefir skýrslan síðan
birzt í Læknablaðinu.
UMRÆÐUR UM SKÝRSLU STJÓRNAR
Haraldur Briem gat þess fyrir hönd íslenzkra
lækna í Svíþjóð, að Sviþjóðarlæknar vildu
gjarnan koma til afleysinga á íslandi, ef þeir
fengju ferðakostnað sinn greiddan. Upplýsti
hann, að þeir hefðu gert íslenzkum heilbrigðis-
yfirvöldum boð um það, en ekki hefði fengist
svar við því. Þá taldi hann, að skattlagning
kæmi i veg fyrir, að menn kæmu hingað til
afleysinga. Taldi hann, að læknar myndu frek-
ar fara til Noregs í leyfum sinum til afleys-
inga, en skattaákvæði í því landi væru þeim
mun hagstæðari en hér. Hann taldi menn þar
ytra hlynnta því, að framhaldsnám í heimilis-
lækningum færðist inn í landið að verulegu
leyti. Hann taldi þó eðlilegt og hagkvæmt, að
einhver hluti þess náms yrði erlendis og jafn-
vel í fleiri en einu landi.
Tómas Árni Jónasson upplýsti, að hugmyndir
Svíþjóðarlækna hefðu verið kynntar af lækna-
samtökunum fyrir heilbrigðisyfirvöldum, en