Læknablaðið - 15.09.1986, Blaðsíða 15

LÆKNABLAÐIÐ
193
fylgt öllum sjúklingunum eftir nema einum
fram að þeim tíma, er greinin var skrifuð (að
meðaltali 10.5 mánuði).
Meðaltöl voru borin saman með tvívíðu
t-prófi fyrir óháð gildi. Reiknað var með
sameiginlegu mati á fráviki. Tölfræðilegt
mikilvægi fjöldaskiptinga var metið með
kí-kvaðrati með eða án Yatesleiðréttingar.
Tafla IV var metin með tilhneigingarprófi
Armitage (19). Marktækur munur var talinn
p«0.05.
NIÐURSTÖÐUR
Ekki reyndist unnt að fá fullnægjandi upp-
lýsingar í öllum tilvikum. Þannig fannst ekki
sjúkraskrá eins sjúklingsins og annar fór
utan strax eftir útskrift af sjúkrahúsi og var
ekki fylgt frekar eftir hérlendis. í einu tilviki
var ekki ljóst hvort sjúklingurinn hafði orðið
verkjalaus við meðferð eða ekki. í greinar-
gerðinni hér á eftir eru gefnar upp prósen-
tutölur og er þá miðað við þann fjölda
sjúklinga, þar sem upplýsingar liggja fyrir.
Alls uppfylltu 33 sjúklingar framangreind
skilyrði. Á Landspítalanum fengu 19
sjúklingar meðferð, 11 á Borgarspítalanum
og þrír á Fjórðungssjúkrahúsinu á Akureyri.
Karlar voru 29 og konur fjórar. Tveir karl-
menn fengu streptókínasa meðferð tvívegis á
Landspítalanum. Meðalaldur var 55.7 ár,
aldursbil 42-71 ár. Aldursdreifing er sýnd á
mynd 1. Flokkun sjúklinganna eftir stað-
setningu kransæðastíflu og klínísku ástandi
við innlögn kemur fram í töflu I. Fjórtán
sjúklinganna (42%) höfðu sögu um hjarta-
veikindi fyrir meðferð, þar af voru fimm
(15%) taldir hafa fengið hjartadrep áður
(endurtekin meðferð ekki talin með). Þrettán
einstaklinganna (39%) höfðu þekktan
háþrýsting og ellefu sjúklinganna (33%)
voru reykingamenn við innlögn.
Meðaltími frá upphafi einkenna til
meðferðar var 138 mínútur (bil 40-270 sjá
mynd 2). Meðaltimi frá innlögn þar til
meðferð var hafin var 42 mínútur (bil
10-100) hjá þeim 29 sjúklingum, sem voru
með kransæðastíflu við innlögn. Hinir fengu
kransæðastíflu nokkru eftir komu á sjúkra-
húsið, þar sem þeir höfðu verið lagðir inn
vegna brjóstverkja. Meðaltöf frá greiningu
að meðferð hjá þeim var 60 mínútur (bil
10-165).
Teikn um enduropnun kransæðar sam-
kvæmt skilmerkjum hér á undan komu fram
Number of patients
Fig. 1. Age distribution of streptokinase-treated pa-
tients.
Fig. 2. Time distribution from onset of symptoms to
beginning of streptokinase-therapy in patients with and
without signs or reperfusion.
í 23 tilvikum (68%). Sannfærandi merki
komu fram i 17 skipti (44%) þ. e. eftirfar-
andi skilyrði voru greinilega uppfyllt:
brjóstverkur snarminnkaði, ST-bil lækkuðu
og CK og CK-MB toppur kom fram innan 13
klukkustunda. í sjö skipti (21%) voru alls