Læknablaðið - 15.09.1986, Blaðsíða 62
230
LÆKNABLAÐIÐ
Erindi til umsagnar
I.
Heilbrigðis- og tryggingamálanefnd efri
deildar Alþingis óskaði í bréfi, dags. 10.
mars 1986, umsagnar L.í. um frumvarp til
laga um breytingu á lögum nr. 25/1975.
Frumvarpið fjallar um fóstureyðingar, og er
í því »lagt til að fella niður, að félagslegar
ástæður geti heimilað fóstureyðingu«, eins
og segir í greinargerð með frumvarpinu.
Stjórn L.í. leitaði álits Félags ísl
kvensjúkdómalækna. Umsögn stjórnar L.Í.,
dags. 25. mars 1986, studdist efnislega við
álit þess og skiptist annars vegar í allítarlega
greinargerð og hins vegar álit, svohljóðandi:
1. Stjórn L.í. telur, með vísan til framan-
ritaðs, að ekki beri að svo komnu að fella
niður úr lögum, að félagslegar ástæður
geti heimilað fóstureyðingar. Slíkt er
líklegt til að skapa meiri vanda en þann
sem fyrir er.
2. Stjórn L.í. mælir með því, að fóstur-
eyðingar af félagslegum ástæðum verði
ekki heimilaðar eftir 12. viku með-
göngu, nema ástæður séu mjög brýnar og
þá aðeins að fengnum úrskurði
lögskipaðrar nefndar.
3. Stjórnin leggur til, að nefnd skv. 3. gr.
frumvarpsins, sem skera á úr um læknis-
fræðilegar forsendur fóstureyðinga, verði
eingöngu skipuð læknum.
4. Stjórnin hvetur til, að lög heimili fóstur-
eyðingar í neyðartilvikum, þegar lif kon-
unnar að mati 2ja lækna er í bráðri hættu
vegna þungunarinnar.
II.
Ljósmæðraráð óskaði i nóvember 1985
umsagnar L.í. um drög að ljósmæðrareglu-
gerð. Stjórn L.í. fékk í hendur athugasemdir
Fél. ísl. kvensjúkdómalækna við reglu-
gerðardrögin. I umsögn sinni tók stjórn L.í.
undir athugasemdir sérgreinafélagsins og
benti sérstaklega á þann megingalla reglu-
gerðardraganna, að mjög skorti ákvæði um
læknisfræðilega ábyrgð og umsjón lækna
með störfum ljósmæðra, og einnig vanti
ákvæði um samskipti og verkaskiptingu
ljósmæðra og annarra starfsmanna á heil-
brigðisstofnunum. Auk þess var bent á ó-
samræmi vissra greina reglugerðardraganna
og gildandi ákvæða í reglugerð um heilsu-
gæslustöðvar frá 1982.
III.
fslandsdeild Norðurlandaráðs óskaði í apríl
1986 umsagnar L.I. um framkomna þing-
mannatillögu í Norðurlandaráði um aukið
samstarf Norðurlandanna í heilbrigð-
ismálum. Stjórn L.í. tók undir forsendur í
tillögum um þörf aukinnar samvinnu, bæði
varðandi styrkara forvarnarstarf og eflingu
heilbrigðisviðhorfa í framhalds- og símennt-
un starfsfólks heilbrigðisþjónustunnar.
IV.
íslandsdeild Norðurlandaráðs óskaði enn-
fremur í apríl 1986 umsagnar L.í. um þing-
mannatillögu um norrænt samstarf á sviði
sjúkraflutninga. I tillögunni kom m.a. fram,
að ástæða er til að samræma og auka nám
sjúkraflutningsmanna og að full þörf er á að
hanna samnorræna sjúkraflutningabila með
hliðsjón af sérþörfum Norðurlandanna,
sérlega nyrstu héraðanna. Stjórn L.í. óskaði
álits Kristins Guðmundssonar, yfirlæknis
heila- og taugaskurðdeildar Borgarspitalans,
og lét hann i té ítarlega greinargerð um stöðu
íslendinga á þessu sviði. I samræmi við álit
hans mælti stjórn L.í. með þvi, að tillagan
yrði samþykkt og að íslendingar tækju þátt í
þessu samstarfþ
V.
Lyfjanefnd óskaði umsagnar L.í. um
tillögur um rýmkun á lausasölu tiltekinna
lyfja, að uppfylltum vissum skilyrðum. Jafn-
framt var óskað, að L.í. kynnti sér viðbrögð
sérgreinafélaganna við tillögunum. Sex
þeirra sendu stjórn L.í. álit sitt. Raunar
hafði Lyfjanefnd óskað álits L.í. um svipað
efni árið 1985 i sambandi við reglugerðar-
drög um gerð lyfseðla o.fl. Þá taldi stjórn
L.í. ekki rétt að heimila lyfjafræðingum að
ávísa lyfjum, sem nú eru lyfseðilsskyld. I
umsögn sinni áréttaði stjórn L.í. fyrra álit
sitt. Umsagnir sérgreinafélaganna, sem frá
heyrðist, voru almennt neikvæðar. Lokaálit
stjórnar L.í. var, að ekki beri að breyta
núgildandi reglum um lausasölu lyfja.
Endurskoðun og breytingar á reglugerð um
veitingu lækningaleyfis og sérfræðileyfa
Deildarráð læknadeildar Háskóla íslands
skipaði nefnd í nóvember 1984 til að endur-
skoða reglur um veitingu sérfræðileyfa.
Nefndin skilaði tillögum sínum til forseta
læknadeildar i lok maí 1985.