Læknablaðið - 15.09.1986, Blaðsíða 64
232
LÆKNABLAÐIÐ
Læknadeild skilaði tillögum sínum um
breytta reglugerð til heilbrigðis- og trygg-
ingamálaráðherra sl. vor, og er talið, að með
hausti megi vænta nýrrar reglugerðar um
veitingu lækningaleyfis og sérfræðileyfa.
Samskipti viö erlend læknafélög
I.
Annað hvert ár efna læknafélögin á
Norðurlöndum til svonefnds »sekretariat«
fundar, sem er fundur forsvarsmanna þeirra,
aðallega úr hópi starfsmanna. Fram-
kvæmdastjóri og formaður L.í. sóttu slíkan
fund í Osló 21. og 22. okóber 1985. Auk þess
sem fjallað var um ýmsa samskiptaþætti i
rekstri, var gengið frá dagskrá sameiginlegs
fundar stjórna læknafélaganna á Norður-
löndum á árinu 1986.
II.
L.í. sagði sig úr World Medical Association
árið 1978 ásamt hinum Norðurlandaþjóð-
unum, m.a. vegna óánægju þeirra með reglur
og fyrirkomulag atkvæðagreiðslu. Seinna
fylgdu nokkrar aðrar þjóðir dæmi þeirra af
sömu ástæðu og enn fleiri síðar, þegar
Læknafélag Suður-Afríku endurheimti aðild
að WMA. Læknafélög í Evrópu utan WMA
eiga fund saman árlega ásamt Læknafélagi
Kanada, sem einnig er utan WMA. L.í.
hefur ekki tekið þátt í þessum fundum áður,
en ákvað að gera það á þessu ári, þar eð tími
og staður hentuðu vel tengingu við sameigin-
legan fund stjórna læknafélaga Norðurland-
anna. Fundurinn fór fram í Kaupmannahöfn
13. og 14. júní 1986. Þar var rætt um eftirfa-
randi málefni: 1) Fjármögnun heilb-
rigðisþjónustu, 2) Þjónustu við meðlimi
læknafélaga, 3) Framboð og eftirspurn
lækna, 4) Fjölþjóðasamvinnu læknafélaga,
5) Framtíðaráform. - í sambandi við síðasta
liðinn var nokkuð rætt, hvort félögin skyldu
taka upp takmarkaða aðild að WMA, aðal-
lega á sviði siðamála. Niðurstaðan var sú, að
enn væru samskipti við WMA ótímabær. -
Fundur þessi var hinn áhugaverðasti.
III.
Sameignlegur fundur læknafélaganna á
Norðurlöndunum (Nordiska centralstyrel-
semötet) var haldinn í Álandseyjum 16.-19.
júní 1986. Þessir fundir eru haldnir annað
hvert ár, og var fundurinn á íslandi 1984. Af
íslands hálfu sóttu fundinn Haukur Þórðar-
son, Kristján Eyjólfsson og Sveinn
Magnússon frá L.Í., Magni Jónsson frá L.R.
og Páll Þórðarson, framkvæmdastjóri. Á
fundinum voru fluttar hefðbundnar skýrslur
frá hverju landi um, hvað gerst hefur í
málefnum fé-
laganna frá siðasta fundi, og flutti Haukur þá
skýrslu fyrir íslands hönd. Annað fundarefni
var: 1) Horfur um framboð lækna á
Norðurlöndunum, 2) Nordisk Medicin, 3)
Hlutverk læknafélaganna í samfélaginu -
sókn eða vörn? Umfjöllun var skipt á milli
landanna:
Noregur: Hlutverk þeirra i læknisfræði-
legum - vísindalegum - faglegum málefnum.
Danmörk: Hlutverk þeirra við miðlun upp-
lýsinga um heilbrigði.
Finnland: Ábyrgð þeirra á læknisfræðilegri
siðfræði.
ísland: Sjónarmið þeirra um einkarekstur í
heilbrigðisþjónustu (Frummælendur
Kristján og Sveinn).
Svíþjóð: Hlutverk þeirra í heilbrigð-
isstjórnmálum.
Fundurinn var fjölmennur, efnisþættir vel
fluttir og umræður góðar. Þátttakendur
nutu og góðrar skipulagningar og móttöku
Finnanna, sem var frábær.
IV.
Norska læknafélagið varð 100 ára 5. júní
1986. Hélt það upp á þetta merkisafmæli
með veglegri dagskrá og bauð L.í. að 2
fulltrúar þess yrðu gestir Norska lækna-
félagsins á hátíðinni. Ekki var því við
komið að senda 2 fulltrúa, aðeins einn, Svein
Magnússon, sem afhenti Norska læknafé-
laginu gjöf frá L.Í., málverk eftir Nikulás
Sigfússon, Iækni.
V.
Halldór Jónsson, formaður FÍLÍS, sat f.h.
L.í. aðalfund Sænska læknafélagsins i
maílok á þessu ári, en L.í. hafði borist boð
um að senda þangað fulltrúa.
Ýmis mál
I.
FÍLÍS, Félag ísl. lækna í Svíþjóð, er að
meðlimatölu annað stærsta svæðafélag L.í.
með u.þ.b. 200 meðlimi. Á leið sinni á fund
Norrænu læknafélaganna í Osló mættu
formaður L.í. og framkvæmdastjóri á fundi