Kópavogur - 24.05.2013, Side 14
14 24. maí 2013
Sögufélag Kópavogs „Ekkert er einskis virði“ - molar úr sögu Kópavogs
Sögufélag Kópavogs og Bæjarblaðið
KÓPAVOGUR hefja samstarf
Þó sagan sé oft á tíðum beint fyrir framan okkur gerist það alltof oft að menn hafa ekki
hugmynd um það“ sagði vitur maður
eitt sinn. Það er því ánægjulegt greina
frá því, að á dögunum áttu ritstjórar
Bæjarblaðsins KÓPAVOGS fund með
stjórnarmönnum úr Sögufélagi Kópa-
vogs. Tilgangurinn var tvíþættur. Að
koma til móts við þann gríðarmikla
áhuga sem er í dag á sögulegri þekk-
ingu fólks á nærumhverfi sínu. Og hins
vegar að efla söguþekkingu bæjarbúa
og annarra áhugamanna.
Því er þetta samstarf sérlega ánægju-
legt og Kópavogi til sóma að eiga sögu-
félag sem aflar og gætir sögulegra
gagna í samstarfi Héraðskjalasafn bæj-
arins. Sögufélagið verður með pistla í
hverju blaði þar sem ljósi er brugðið
á sögu Kópavogs í máli og myndum.
Þórður St. Guðmundsson formaður
Sögufélags Kópavogs segir áhuga bæj-
arbúa á sögu bæjarins vera mikinn og á
fræðslufundum félagsins hafi aðsóknin
verið góð: „Já því er ekki að neita að
við höfum fengið á fundi um og yfir
200 manns sem er afar ánægjulegt en
sýnir um leið áhugann á sögu bæjarins“
segir Þórður.
„Það er því ánægjulegt að Sögufélag
Kópavogs fái að vera með reglulega
pistla um ýmislegt sem tengist sögu
bæjarfélagsins og félagið hefur þegið
þetta boð með þökkum“ segir Þórður.
Stofnun og starfsemi
Sögufélagsins
„Á Kópavogsdögum fyrir rúmum
tveimur árum, á 56 ára afmælisdegi
Kópavogskaupstaðar, var haldið mál-
þing um örnefni og sagnir er tengj-
ast bæjarfélaginu. Í umræðum í lok
málþingsins kom fram sú hugmynd að
nú væri rétti tíminn til að stofna félag
sem hefði þann tilgang að safna saman
og halda utanum sagnir og fróðleik er
tengist sögu bæjarfélagsins ásamt því
að stuðla að varðveislu minja í bæjar-
landinu“ segir Þórður.
Hann bætir við að boðað hafi verið
til stofnfundar 17. nóvember 2011
með dreifbréfi til um 180 valinkunnra
einstaklinga sem lengi höfðu búið í
Kópavogi en þeir voru jafnframt beðnir
að bera út boðskapinn og taka með
sér gesti. „Fundurinn var síðan haldin
í Safnaðarheimili Kópavogskirkju og
mættu 85 manns. Á fundinum voru
samþykkt lög fyrir félagið og valinn
undirbúningshópur sem starfa skyldi
fram að aðalfundi sem halda skyldi
fljótlega á árinu 2012“.
Fyrsti aðalfundurinn var síðan
haldinn 8. mars 2012 í fundarsal
Menntaskólans í Kópavogi. Fundar-
sókn var mjög góð, ekki síðri en á
undirbúningsfundinum. Á aðalfund-
inum var undirbúningshópurinn
kjörin í fyrstu stjórn félagsins. Stjórnin
skipti með sér verkum og ákveðið var
að Þórður St. Guðmundsson yrði eins
konar verkstjóri stjórnar eða formaður,
Arndís Björnsdóttir ritari, Ólína
Sveinsdóttir gjaldkeri og Frímann
Ingi Helgason og Gunnar Svavarsson
meðstjórnendur. Þessi stjórn var svo
endurkjörin þann 2. febrúar s.l.
Héraðskjalasafnið
er öflugur bakhjarl
Þórður segir að frá upphafi hafi Hér-
aðskjalasafn Kópavogs verið félaginu
öflugur bakhjarl og veitt því margvís-
lega aðstoð. Bæjaryfirvöld hafa einnig
starfað með félaginu og stutt það á
margvíslegan hátt. „Það hefur verið
líflegt og umfram allt skemmtilegt fé-
lagsstarf það rúma ár sem félagið hefur
starfað. Helstu viðfangsefni hafa verið
spjallfundir með myndasýningum og
fróðlegum fyrirlestrum m.a um Kópa-
vogsjörðina, byggingu Félagsheimil-
isins, hernámsárin og fleira er tengist
bæjarbragnum á frumbýlisárunum.
Fróðlegar sögugöngur hafa verið farnar
um land Digranesbæjar, Víghólasvæðið
og í Leirdalinn“ segir Þórður.
Hann bætir við að það sé gaman
að segja frá því að félagið, ásamt
starfsmönnum Héraðsskjalasafnsins,
hafi staðið fyrir hátíðarhöldum s.l.
sumar þegar minnst var 350 ára af-
mælis Kópavogsfundarins. Á Kópa-
vogsdögunum nú í maí var gengið
um miðbæjarsvæðið frá Kópavogs-
skóla að Hamraborg og Hálsatorgi og
aftur austur.
Félagið stendur að útgáfu smárita
í samvinnu við Héraðsskjalasafnið.
Komið er út ritið Minningar af Kárs-
nesi og nú er verið að leggja lokahönd
á rit sem fjallar um hernámsárin í
Kópavogi. Ritið er tekið saman af
Friðþóri Eydal og er það fróðleg lesn-
ing með fjölmörgum myndum. Öflugt
fræðslustarf fyrir skóla og félagasamtök
í bænum er eitt af hlutverkum félagsins.
„Segja má að nú hafi Kópavogsbúar
áttað sig á því hvað saga þessa unga
bæjarfélags er að mörgu leyti merkileg“
segir Þórður.
Sögufélagið er með heimasíðuna
www.vogur.is og þar hægt er að fá upp-
lýsingar og skrá sig í félagið. Einnig er
hægt að hafa samband við stjórn eða
Héraðsskjalasafnið. Félagið er virkur
þátttakandi á Facebook. Fjölmargar
myndir og frásagnir eru að finna á
þessum samskiptavefum. Félagið
hefur einnig hafið virkt samstarf við
þá prentmiðla sem þjóna bæjarfé-
laginu. Þannig er hægt að ná til allra
aldurshópa.
Nú eru vel á þriðja hundrað manns
skráð í félagið og hefur þátttaka í sögu-
ferðum og mynda- og fræðslufundum
verið með ágætum.Næsta formlega
verkefni félagsins er söguferð um upp-
sveitir Kópavogs, m.a um Lækjarbotna,
Sandskeið og hluta Bláfjallasvæðis .
Áformað er að sú ferð verði 20. júlí
í sumar.
east.is
Skeifunni 8 • 108 Reykjavík • Sími: 517 6460 • www.belladonna.is
Verslunin Belladonna
Flott föt fyrir
flottar konur
Stærðir 38-58
Stjórn Sögufélags Kópavogs talið frá vinstri, aftari röð: Frímann Ingi Helgason,
Gunnar Svavarsson og Þórður St. Guðmundsson. Fremri röð: Ólína Sveinsdóttir
og arndís Björnsdóttir. Mynd: Gunnar Marel.
Mynd frá 1959. Tekin af skyggni Félagsheimilis Kópavogs á Sumardaginn fyrsta það ár. Á myndinni sjást hús við
Neðstutröð og Digranesveg. Hátíðarhöldin fóru fram við vesturhlið félagsheimilisins sem þá var í byggingu og
skyggnið notað sem leiksvið. Þá var Leikfélag Kópavogs tveggja ára og lagði til atriði á hátíðahöldunum. Ljósmyndari
er óþekktur en ábendingar þar um eru vel þegnar. Senda má upplýsingar á kopa@vogur.is.