Vesturland - 28.02.2013, Side 8

8 28. febrúar 2013
Fullt nafn:
Ásmundur Einar Daðason
Fæðingardagur og ár:
29. któber 1982
Fæðingarstaður:
Reykjavík
Hvar býrð þú?
Lambeyrum í Dalasýslu
Hvar ertu alinn upp ?
Ég hef búið víða á lífsleiðinni en
stærstan hluta hef ég búið á Lambeyrum
í Dalasýslu. Þar áður bjó ég með móður
minni á Stokkseyri, Gnúpverjahreppi á
Suðurlandi, Reykjavík og Noregi.
Foreldrar:
Foreldrar mínir eru Daði Einarsson
bóndi á Lambeyrum og Anna Guð-
mundsdóttir frá Ljárskógum í Dölum.
Fjölskylda:
Konan mín heitir Sunna Birna Helga-
dóttir og saman eigum við tvær dætur,
Aðalheiði Ellu og Júlíu Hlín
Starf og menntun:
Ég hef verið alþingismaður í 4 ár en
áður var ég bóndi. Er menntaður
búfræðingur frá Landbúnaðarhá-
skólanum á Hvanneyri og með B.Sc.
í almennum búvísindum frá Landbún-
aðarháskóla Íslands.
Áhugamál:
Handbolti, stangveiði og ferðalög.
Gæludýr:
Smalahundur sem ég fékk í þrítugs-
afmælisgjöf.
Uppáhaldsmatur:
Köld svið.
Uppáhaldsdrykkur:
Drekk að jafnaði 1 lítra af mjólk á dag
og hef gert allt mitt líf þannig að upp-
áhaldsdrykkur hlýtur að teljast mjólk.
Auk þess er fátt betra en ískalt vatn.
Uppáhaldstónlist?
Mér finnst flest íslensk tónlist skemmti-
leg. Hlusta t.d. mikið á Papana.
Helstu kostir:
Jákvæðni og lífsgleði 
En gallar:
Tek stundum að mér of mörg verkefni
í lífinu.
Ertu rómantískur?
Já, það segir konan mín.
Hvað gerir þú þegar þú vilt dekra við
makann?
Þá hjálpa ég Sunnu við það sem þarf
að gera við hestana hverju sinni, keyra
merar, reka hross, eiga við folöld o.s.frv.
Hvenær/hvernig líður þér best?
Þegar ég er að gera eitthvað með fjöl-
skyldunni og dætrum mínum.
Hvað gerir þú þegar þú ert argur eða
ekki í góðu skapi?
Er yfirleitt í góðu skapi en finnst gott að
reyna á mig líkamlega. Þarf að komast í
líkamlega vinnu reglulega en þegar það
gengur ekki fer ég í sund eða íþróttir.
Með hvaða liði heldur þú í íþróttum
(íslenskt og erlent lið)?
Held með Swansea í enska boltanum
og UDN (Ungmennafélag Dala-
menna- og Norður Breiðfirðinga) á
Íslandi. En annars held ég yfirleitt með
landsbyggðarliðum og finnst ótrúlega
gaman að sjá þegar fámenn byggðalög
ná langt í íþróttum.
Hvaða bók/bækur ertu að lesa þessa
dagana?
Hver er besta bók sem þú hefur lesið?
Er að lesa bókina „When China rules
the world“ en hún fjallar um breytta
heimsmynd og hvernig efnahagsveldið
Kína er að sækja í sig á heimsvísu. En
annars eru bestu bækurnar sem ég les
spennusögur eftir Yrsu eða Arnald.
Hefurðu farið í leikhús á árinu eða
tónleika?
Nei en er á leiðinni á Karíus og Baktus
með dætrum mínum
Hefurðu farið til útlanda á árinu:
Bauð frúnni í rómantíska helgarferð til
London í byrjun janúar.
Uppáhaldsstaður á landinu:
Dalirnir eru alltaf fallegastir en annars
líður mér líka mjög vel og finnst fallegt
á norðanverðum Vestfjörðum.
Hvaða staður í útlöndum er í mestu
uppáhaldi hjá þér?
Hversvegna. Hef komið einu sinni
til Grænlands og var alveg heillaður.
Fólkið opið og landið mjög fallegt í
alla staði.
Hvaða verkefni eru brýnust í NV-
kjördæmi að þínu mati?
Það eru mörg brýn mál sem þarf
að taka á. Verðum að forgangsraða
fjármagni þannig að heilbrigðis- og
menntakerfið sé varið. Skuldamál
heimilanna og afnám verðtryggingar
er auk þess eitt brýnasta verkefni okkar
í dag. Atvinna er grunnur alls og við
þurfum að styðja betur við atvinnu-
lífið. Skattlagning á atvinnufyrirtæki
t.d. í sjávarútvegi verður að vera hófleg
auk þess sem við verðum að tryggja
að þessar skatttekjur séu ekki fluttar
burt af landsbyggðinni. Byggðamál
eru mér ofarlega í huga en þar hefur
Framsókn verið í forystuhlutverki og
m.a. talað fyrir því að tekin verði upp
norsk byggðastefna á Íslandi, en hún
felur m.a. í sér skattaívilnanir fyrir
heimili og fyrirtæki á landsbyggð-
inni. Höfum einnig talað fyrir mik-
ilvægi þess að koma bundnu slitlagi á
malarvegi, þrífösun rafmagns í sveitum
landsins, jöfnun raforkukostnaðar og
ljósleiðaravæðingu sveitanna svo fátt
eitt sé nefnt. Landbúnaðurinn á líka
mikil sóknarfæri og stjórnvöld eiga að
setja upp áætlun um stóraukna inn-
lenda matvælaframleiðslu samhliða
markaðssetningu á íslenskum land-
búnaðarafurðum erlendis.
Ertu fylgjandi ESB aðild Íslendinga?
Ég er mótfallinn ESB aðild Íslands. Ég
hef undanfarin 3 ár verið formaður
Heimssýnar sem eru þverpólitísk sam-
tök sem berjast gegn ESB aðild Íslands.
Mikill meirihluti Íslendinga er mót-
fallinn ESB aðild og skoðanakannanir
sýna einnig að meirihluti þjóðarinnar
vill hætta aðildarviðræðum við ESB.
Eigum að nýta krafta og fjármagn til
mikilvægari verkefni. Í krafti sjálfstæðis
þá tókst Íslendingum að byggja upp ein
bestu lífskjör í heiminum. Þrátt fyrir
mikla erfiðleika undanfarin ár þá eigum
við mikil sóknarfæri og þau verða best
nýtt með því að standa utan ESB.
Eru Íslendingar á leið uppúr krepp-
unni?
Ef við tökum á skuldavandanum og
snúum vörn í sókn í atvinnumálum og
tökum upp almenna byggðastefnu líkt
og Framsókn hefur lagt til þá förum
við hratt uppúr kreppunni. Ísland á
mikið af auðlindum og með því að nýta
þessar auðlindir á sjálfbæran hátt til
atvinnuuppbyggingar þá eru okkur allir
vegir færir.
Ef þú yrðir kjörinn forsætisráðherra,
hver yrðu þín fyrstu verk?
Leita eftir því að mynda samstöðu um
að hætta aðildarviðræðum við ESB,
bæta þá umgjörð um atvinnulífið, taka
á skuldavandanum og forgangsraða
fjármagni ríkissjóðs þannig að heil-
brigðiskerfið verði varið.
Yfirheyrslan, Ásmundur Einar Daðason, þingmaður Framsóknarflokksins:
„Er á leiðinni á Karíus og Baktus með dætrunum“
Uppáhaldsuppskrift:
Mér finnst gaman að elda góðan
mat og uppáhalds uppskriftin mín
er lambalæri í ofni, kryddað með
blóðbergi, bláberjum o.fl. Með
þessu hef ég síðan kartöflugratín,
piparostasósu og gráðostfyllta
sveppi.