Vesturland - 24.04.2013, Blaðsíða 2
2 24. apríl 2013
Brekkubæjarskóli á Akranesi
og Heiðarskóli í Hvalfjarðarsveit:
Frumsýna söngleik í
Bíóhöllinni 2. maí nk.
Í vetur hafa Brekkubæjarskóli og Heiðarskóli unnið saman að uppsetningu á söngleik undir
stjórn Samúels Þorsteinssonar og
Heiðrúnar Hámundardóttur en þau
eru tónmennta- og leiklistarkennarar
í Brekkubæjarskóla. Frumsýning er í
Bíóhöllinni á Akranesi fimmtudaginn
2. maí nk.
Rík áhersla var lögð á þátttöku nem-
enda í verkinu og má þar nefna hand-
ritsgerð, hönnun á lógó, lagatexta og
útfærslu tónlistar enda mikil gróska í
tónlistarlífi skólanna. Sýningin skartar
gömlum perlum úr tónlistarsögunni og
má þar meðal annars nefna I wish eftir
Steve Wonder, Proud Mary eftir Tinu
Turner, Ég veit þú kemur eftir Trú-
brot og Walk this way eftir Aerosmith
og er söngur og tónlistarflutningur í
höndum nemenda. Handrit söngleiks-
ins er samið af Samúel og Heiðrúnu út
frá hugmyndum nemenda og fjallar
um tvær fjölskyldur sem búa í landi
þar sem stríð er yfirvofandi. Skyggnst
er inn í heim þessara fjölskyldna og
vina þeirra og fá áhorfendur að kynn-
ast mismunandi skoðunum þeirra og
lífsgildum. Ástin og þær flækjur sem
henni geta fylgt spilar svo stórt hlutverk
í leikritinu.
Unnið hefur verið út frá leiklist-
arhugtakinu ,,allir á svið” sem þýðir
að allir sem hafa áhuga á að taka þátt
í söngleiknum eiga kost á að komast á
svið. Eins og með aðrar uppsetningar af
þessu tagi koma margar góðar hendur
að verkinu. Gefin verður út vegleg leik-
skrá í A4 broti sem dreift verður í öll
hús á Akranesi og í Hvalfjarðarsveit um
næstu helgi, 27. til 28. apríl nk.
Fiskiðjan Bylgja í Ólafsvík með vottað gæðakerfi
- markmiðið er að tryggja viðskiptavinunum hámarks gæði
Fiskiðjan Bylgja í Ólafsvík fékk fyrr á þessu ári vottun á gæða-kerfi sitt samkvæmt BRC staðli.
Undanfari þess var að vinna við upp-
færslu á gæðakerfi fyrirtækisins með
það að markmiði að styrkja starfsem-
ina og fyrirtækið enn betur á mörk-
uðum erlendis. Það er ljóst að kröfur
frá kaupendum matvæla frá Íslandi,
einnig kröfur frá stórmörkuðum og
verslunarkeðjum sem bjóða íslensk
matvæli á mörkuðum erlendis, hafa
verið að aukast undanfarin misseri og
við því þurfti að bregðast. Við uppfær-
slu gæðakerfisins var stuðst við BRC
gæðastaðal (British Retail Consortium,
Global standard for food safety), sem
í grunninn byggir á HACCP, en sá
staðall tekur mið af framleiðslunni í
víðu samhengi og þá ekki síst er varðar
öryggi matvæla. Verkefnið var unnið
í samvinnu við Centrum HACCP en
fyrirtækið veitir sérfræðiráðgjöf og
þjónustu hvað varðar lausnir í gæða-
málum, innleiðingu gæðakerfa, þjálfun
og fræðslu sem og eftirfylgni á meðan
nýjungar eru að festa sig í sessi. Allt
þetta ferli hefur byggst á góðu samstarfi
stjórnenda og starfsmanna. Vinnan við
uppfærslu gæðakerfisins hefur verið
lærdómsrík og skilað fyrirtækinu
margvíslegum ávinningi. Meiri og
betri yfirsýn er yfir starfsemina og þá
lykilþætti er nýtast til markvissari inn-
kaupa og framleiðslustjórnunar. Það er
ljóst að alþjóðleg gæðakerfi eru gagn-
leg, nýtast í markaðsmálum og munu
styrkja starfsemina á margvíslegan hátt.
Markmiðið að hámarka
verðmæti
Fiskiðjan Bylgja leggur áherslu á að
hún er matvælaframleiðandi og ber
ríka ábyrgð sem slík. Mikilvægt er
að allir aðilar, er koma að málum,
líti á sig sem hlekk í keðju matvæla-
framleiðenda er hafa sameiginlegt
markmið. Markmiðið er að hámarka
verðmæti íslensks sjávarfangs á erlen-
dum mörkuðum. Þekking starfsmanna
útgerða, fiskmarkaða og flutningsaðila
þarf að tryggja að á fyrstu stigum fer-
ilsins sé hugað að meðferð hráefnisins.
Kæling hráefnisins er lykilatriði frá
fyrstu hendi. Mikilvægt er að horft sé
til frágangs afla, ísunar, röðunar og an-
narra þátta er hafa áhrif á gæði hráefni-
sins sem að lokum berst vinnsluaðilum.
Í lok dagsins eru allir sem koma að
vinnslu sjávarfangs, vissulega að stefna
að sama markmiði.
Fiskiðjan Bylgja verkar, frystir og
flytur út yfir 15 fiskitegundir. Þar má
nefna steinbít, lúðu, ýsu, karfa, löngu,
skötusel, tindaskötu, rauðsprettu, lang-
lúru, ufsa, þorsk, lýsu og sandkola.
Markmið Fiskiðjunnar Bylgju hf er
að tryggja viðskiptavinum fyrirtækis-
ins ferskan, frystan fisk, sem fenginn
er með ábyrgum og sjálfbærum fisk-
veiðum.
Skeifudagur Grana á Mið-Fossum
á sumardaginn fyrsta
Á sumardaginn fyrsta verður haldinn hátíðlegur Skeifu-dagur Grana á Mið-Fossum
í Andakíl sem er hestamiðstöð LbhÍ.
Grani er hestamannafélag nem-
enda við Landbúnaðarháskóla Ís-
lands. Þennan dag sýna nemendur
í hrossarækt við LbhÍ afrakstur vetr-
arstarfsins í reiðmennsku og frum-
tamningum. Reiðkennari nemenda
í vetur er Heimir Gunnarsson.
Keppni hefst á forkeppni í Reyn-
isbikarnum kl. 10.00 en þátttak-
endur eru tveir fulltrúar úr öllum
sjö hópum reiðmannsins. Síðan
tekur við sýningaratriði reiðkennara,
kynning á frumtamningatryppum
og síðan úrslit í keppni um Reyn-
isbikarinn og úrslit í keppni um
Gunnarsbikarinn. Kl. 15.00 er svo
kaffihlaðborð í mötuneyti skólans
með verðlaunaafhendingum og
útskrift reiðmanna. Nokkuð sem
enginn má missa af.
Forseti íslands hefur m.a. kynnt sér starfsemi Fiskiðjunnar Bylgju í Ólafsvík.
Hér kynnir Baldvin leifur ívarsson framkvæmdastjóri Bylgjunnar forseta
starfsemi fyrirtækisins en Jón Þór lúðvíksson forseti bæjarstjórnar Snæfells-
bæjar fylgist með.
Skýra stefnu í byggðamálum
- sóknaráætlanir landshluta styrkja landsbyggðina
Ýmislegt áhugavert hefur átt sér stað í byggðamálum þrátt fyrir erfiðileika vegna
hrunsins og eftirfylgjandi kreppu.
Lítum á eftirfandi: ,,Sóknaráætlanir
landshluta eru sameiginlegt þróunar-
verkefni ráðuneyta og sveitarfélaga.
Verklagið sem byggt er á er nýsköpun
í íslenskri stjórnsýslu og vinnur Stjórn-
arráðið sem ein heild með einn mála-
flokk, byggðamál. Markmiðið er að
færa aukin völd og aukna ábyrgð til
landshlutanna á forgangsröðun og
útdeilingu ríkisfjár til verkefna á sviði
byggða- og samfélagsþróunar sem
ekki eru falin öðrum með lögum. Til-
gangurinn er að ná fram betri nýtingu
fjármuna og færa ákvarðanatöku nær
heimamönnum sem þekkja best til að-
stæðna.” Ofangreindar tilvitnanir eru
af vef Sóknaráætlana landshluta sem
er áhugavert byggðaverkefni sem ríkis-
stjórnin hefur unnið að á liðnum árum
og ávextirnir verið að koma í ljós. Á
grunni þessarar vinnu hafa mörg ver-
kefni sem miða að eflingu byggðanna
komist á laggirnar. Meðal verkefna
má nefna dreifnám, almenningssam-
göngur, markaðssetningu, vöruþróun
ofl. Alls eru lagðar 400 milljónir í þessi
verkefni á árinu 2013. Mikilvægt er
að hafa í huga að verkefnin byggja á
stefnumótun heimamanna á hverju
svæði og snúast því um þau atriði sem
fólk á hverju svæði telur brýnast að
sé sinnt. Áhugasamir ættu að kynna
sér málið frekar á eftirfarandi vefslóð:
http://stjornarrad.is/sl/.
Efling sveitarfélaganna –
skýrari stefna – gæti ESB
aðild hjálpað?
Á vettvangi sveitarstjórnanna og þá
einkum innan samstarfsfélaga og stof-
nana þeirra eins og Sambands íslensk-
ra sveitarfélaga er stöðug umræða um
þróun stjórnsýslunnar, sameiningu
sveitarfélaga og áhrif Evrópusamband-
saðildar Íslands ef af yrði. Sýnist mér
flestum finnast sem frekari samein-
ingar sveitarfélaga sé besti kosturinn
til bættrar stjórnsýslu, betri þjónustu
og hagkvæmari reksturs og er það vel
og mjög í anda okkar jafnaðarmanna.
Eins má víða merkja áhuga sveitar-
stjórnarmanna á Evrópumálum og
athyglisvert var að hlýða á formann
Sambands íslenskra sveitarfélaga segja
í útvarpsviðtali þann 5. mars sl. að
ýmis sóknarfæri séu fyrir dreifbýlið
með Evrópusambandsaðild. Byg-
gðastefna sambandsins er einföld,
skilvirk og hentar okkur vel. Dreifbýl
svæði sem búa við íbúafækkun, hæk-
kandi meðalaldur, lækkandi menntu-
narstig og einhæft atvinnustig eru að
margra mati betur sett innan ESB en
utan þar sem byggða og atvinnustefna
sambandsins er slíkum svæðum hag-
felld. Sveitarfélögin verða að styrkjast
með frekari sameiningum og ef þjó-
nusta þeirra flyst við það á færri staði
verða þau, í samstarfi við ríkisvaldið,
að leggja stóraukna áherslu á ódýrar
og greiðar samgöngur og gott aðgengi.
Samfylkingin vill á komandi árum
beita sér fyrir stefnumótun í byggða-
málum sem byggir á raunhæfu mati og
er líkleg til þess að ná árangri.
Hörður Ríkharðsson
Er í 3. sæti á lista Samfylkingar-
innar í Norðvesturkjördæmi
Hörður ríkharðsson.
Frá Skeifudegi Granda á sl. ári.
Hópur þátttakenda ber saman bækur sínar á æfingu.
Hjördís Tinna pálmadóttir er ein fjölda
hæfileikaríkra krakka sem taka þátt í
söngleiknum.