Vesturland - 30.05.2013, Blaðsíða 2
2 30. maí 2013
Þrettán nemendur brautskráðust
frá Fjölbrautaskóla Snæfellinga
Fyrir skömmu brautskráðust 13 nemendur frá Fjölbrautaskóla Snæfellinga. Af félagsfræðabraut
brautskráðust þau Anna Júnía Kjart-
ansdóttir, Elísabet Kristin Atladóttir,
Guðrún Björg Guðjónsdóttir, Jóhanna
Jóhannesdóttir, Jón Ólafur Jónsson,
Katrín Sara Reyes, Sandra Dröfn Thom-
sen og Sunna Rós Arnarsdóttir. Af
starfsbraut brautskráðust 2 nemendur,
þeir Bjargmundur Hermann Sigurðsson
og Sigurður Fannar Gunnsteinsson. Af
náttúrufræðibraut brautskráðust Brynja
Aud Aradóttir, Hildur Björg Kjart-
ansdóttir og Ólöf Birna Rafnsdóttir.
Einnig fékk einn nemandi, Dóra Að-
alsteinsdóttir sem var að ljúka námi til
sjúkraliða frá Verkmenntaskóla Aust-
urlands, afhent útskriftarskírteini sitt
við athöfnina. Athöfnin hófst á því að
Skólameistari Fjölbrautaskóla Snæfell-
inga, Jón Eggert Bragason brautskráði
nemendur og flutti ávarp. Í ávarpinu
talaði hann hlýlega til nýstúdenta og
minnti þau m.a. á það að rækta ávallt
sambönd sín við vini og fjölskyldu.
Hrafnhildur Hallvarðsdóttir, að-
stoðarskólameistari afhenti síðan nem-
endum verðlaun fyrir góðan námsár-
angur. Sveitarfélögin gáfu verðlaun auk
Arion banka og FSN. Hæstu einkunn
á stúdentsprófi eða með 9,4 í meðal-
einkunn hlaut Anna Júnía Kjartans-
dóttir. Anna Júnía hlut einnig verðlaun
fyrir góðan árangur í sögu, sálfræði, ís-
lensku, ensku og þýsku, ássamt því að fá
verðlaun fyrri afburða góða ástundun í
íþróttum. Einnig fékk þessi hæfileikaríki
nýstúdent viðurkenningu frá Kvenfé-
laginu Gleym mér ei í Grundarfirði fyrir
góðan árangur í listgreinum. Anna Júnía
hefur stundað tónlistarnám af kappi
og spilað með Stórsveit Snæfellsnes frá
stofnun hennar. Hildur Björg Kjart-
ansdóttir hlaut verðlaun fyrir góðan
árangur í líffræði, íslensku, stærðfræði
og spænsku. Katrín Sara Reyes hlaut
verðlaun fyrir góðan árangur í félags-
fræði og Elísabet Kristín Atladóttir hlaut
verðlaun fyrir góðan árangur í sögu.
Kvenfélagið Gleym mér ei gefur einnig
nýstúdentum leiðbeiningar út í lífið. En
þar má m.a. finna þvottaleiðbeiningar
ásamt góðum ráðum við geymslu mat-
væla.
Elísabet Kristín Atladóttir hélt að
lokum kveðjuræðu fyrir hönd út-
skriftarnema þar sem hún kvaddi
skólann og starfsfólk hans með hlýjum
orðum fyrir þeirra hönd. Áður en skóla-
meistari batt endahnútinn á athöfnina
og skólaárið sagði hann frá því að nú
loksins hefði tekist með gjafafé frá út-
skrifuðum FSN-ingum og Eignarhalds-
félaginu Jeratúni að merkja skólahús-
næðið. Að ári kemur skólinn til með
að fagna 10 ára stafsafmæli.
Aupair til Torino á Ítalíu
Anna Júnía Kjartansdóttir, sem dúxaði
í FSN með meðaleinkunina 9,4 býr í
Grundarfirði en bjó fyrstu ár ævi sinnar
á Árskógsströnd í Eyjafirði. Hún ætlar
í sumar að vinna sem aupair í Torino á
Ítalíu og segist hlakka til að fá að spreyta
sig á ítölskunni sem og að starfa í fjar-
lægu landi. Anna Júnía hefur með nám-
inu starfað á dvalarheimilinu Fellaskjóli
í Grundarfirði en á Fellaskjóli búa 13
vistmenn og þar eru 7 hjúkrunarrými.
Hvað við tekur í námi segir hún ekki
alveg ljóst, líklega verði það félagsfræði-
nám, en þroskaþjálfun og félagsráðgjöf
séu greinar sem henni langi til að fást
við í framtíðinni.
Framkvæmdaráð tekur
að sér fjárhagslega
stjórn verkefna Héraðs-
nefndar Snæfellinga
Héraðsnefnd Snæfellinga hélt aðalfund sinn í Fjölbrauta-skóla Snæfellinga 16. apríl sl.
en á fundinum lét Örvar Marteinsson
af störfum sem formaður. Í skýrslu
formanns kom fram að nokkur óvissa
hefði ríkt um starf nefndarinnar þar
sem á síðasta aðalfundi hófst um-
ræða um framtíð nefndarinnar og
fyrirkomulag byggðasafnsins. Við-
fangsefni nefndarinnar er rekstur í
stórum dráttum Byggðasafnins og þar
með Norska hússins, gerð fjallskila-
samþykktar og umhverfisvottunar-
verkefnið Earth Check. Komið er
að viðhaldi og viðgerðum Norska
hússins og bera áætlanir merki þess.
Nefnd bæjarstjóra og oddvita sveitar-
félaganna lagði til að Héraðsnefndin
haldi áfram sínum störfum, fram-
kvæmdaráð taki að sér fjárhagslega
stjórn verkefna Héraðsnefndar, sem
í dag eru rekstur héraðssafns og Earth
Check umhverfisvottunarinnar. Fag-
leg nefnd taki til starfa sem starfi með
forstöðumanni Héraðssafns Snæfell-
inga, Norska hússins. Framkvæmda-
ráð, sem skipað væri bæjarstjórum
stærri sveitarfélaganna og oddvitum
minni sveitarfélaganna, myndi funda
reglulega með starfsmönnum Earth
check og Héraðssafns. Gert er ráð
fyrir að fundir væru á 6 vikna fresti
og forsetar bæjarstjórna myndu sitja
annan hvern fund.
Gyða Steinsdóttir, bæjarstjóri
Stykkishólmsbæjar, var kjörin for-
maður Framkvæmdaráðs Snæfells-
ness.
EarthCheck vinnur mark-
visst að sjálfbærum
starfsháttum
Árið 2008 hlutu sveitarfélögin fimm
á Snæfellsnesi, Eyja- og Miklaholts-
hreppur, Helgafellssveit, Grundar-
fjarðarbær, Snæfellsbær og Stykk-
ishólmsbær, ásamt Þjóðgarðinum
Snæfellsjökli, umhverfisvottun Green
Globe (nú EarthCheck) samtakanna
sem umhverfismeðvitað samfélag
sem ynni markvisst að úrbótum í
umhverfismálum í átt til sjálfbær-
ari starfshátta. Höfðu sveitarfélögin
unnið umfangsmikla undirbúnings-
vinnu til fimm ára áður en vottun
hlaust. Áfanginn vakti verðskuldaða
athygli innan lands sem utan þar sem
sveitarfélögin á Snæfellsnesi eru þau
fyrstu í Evrópu til þess að hljóta slíka
vottun og fjórða samfélagið í heim-
inum öllum. EarthCheck eru viður-
kennd samtök með öfluga ástralska
háskóla sem bakhjarla. Þau eru einu
samtökin sem fram til þessa hafa
umhverfisvottað starfsemi sveitar-
félaga, en þau votta einnig starfsemi
fyrirtækja. Til þess að viðhalda vott-
uninni er krafist stöðugra úrbóta í
umhverfis- og samfélagsmálum og
árlega er svæðið tekið út af óháðum
aðila vegna endurnýjunar á vottun.
Árleg úttekt fór fram á Snæfellsnesi
í desember í fyrra þegar Haukur
Haraldsson, úttektaraðili, mætti
á svæðið. Um var að ræða tveggja
daga úttekt þar sem farið var yfir þau
gögn sem þurfa að liggja fyrir til þess
að úttekt fáist auk þess sem Haukur
heimsótti forsvarsmenn stóru sveitar-
félaganna þriggja, starfsfólk og nem-
endur Lýsuhólsskóla og fiskvinnslu-
fyrirtækið Sjávariðjuna sem var í
þann mund að verða sér úti um MSC
vottun. Í kjölfar heimsóknar Hauks
fékkst umhverfisvottun Snæfellsness
endurnýjuð fyrir árið 2013. Í þetta
skiptið er um að ræða gullvottun
frá EarthCheck, en hún er veitt eftir
samfellda vottun í 5 ár.
Gæðaferli Landbúnaðarháskóla Íslands á Hvanneyri:
Skólinn hefur verið undirfjár-
magnaður frá árinu 2005
Erlend sérfræðinganefnd gerði viðamikla úttekt á starfi Land-búnaðarháskólans á Hvanneyri
í byrjun marsmánaðar, en úttektin var
hluti af gæðaferli háskóla. Meginniður-
stöður eru komnar frá nefndinni en
ítarlegri skýrsla mun berast innan tíðar.
„Í stuttu máli sagt getum við
starfsmenn og nemendur LbhÍ verið
ákaflega stolt af skólanum okkar. Út-
tektarnefndin gefur starfi skólans góða
einkunn í heild (confidence), ‘‘ segir
Ágúst Sigurðsson, rektor LbhÍ.
Í niðurstöðum nefndarinnar koma
einnig fram mjög gagnlegar ábendingar
um þætti til úrbóta sem ætti að vera
mögulegt að bregðast við þannig að
gæði skólastarfsins geti aukist. Í niður-
stöðum nefndarinnar eru auk þessa
nefnd þrjú atriði sem nauðsynlegt er
að hafa í huga þegar starfsemi skólans
er metin og möguleikarnir skoðaðir.
Helstu þættir þess eru að LbhÍ
hefur verið undirfjármagnaður allt
frá 2005. Það hefur staðið í vegi fyrir
þróun stofnunarinnar og takmarkað
möguleika hennar til að innleiða þær
ráðleggingar sem fylgdu með viður-
kenningum fræðasviða á sínum tíma.
Landfræðilega dreifð starfsemi LbhÍ
rímar vel við hlutverk stofnunarinnar
en flækir engu að síður skipulag
hennar. Smæð stofnunarinnar ásamt
háu hlutfalli fjarnema veikir rekstur
sumra námslína. „Gæðaúttektin er
geysilega verðmætt innlegg í vinnu
okkar við m.a. stefnumörkun til næstu
ára, ‘‘ segir Ágúst Sigurðsson rektor.
Frá Hvanneyri.
Dúx skólans, Anna Júnía Kjartans-
dóttir ásamt aðstoðarskólameistar-
anum, Hrafnhildi Hallvarðsdóttur sem
afhenti verðlaunin.
Gyða Steinsdóttir, bæjarstjóri Stykkishólsbæjar og formaður Framkvæmda-
ráðs Snæfellsness.
Auglýsingasíminn er 578 1190
..fást í næstu verslun!Ora grillsósur..
Grillum saman
í sumar