Vesturland - 30.05.2013, Blaðsíða 4

4 30. maí 2013
Vesturland
5. tBl. 2. ÁrGanGur 2013
Útefandi: Fórspor ehf., Suðurlandsbraut 54, 108 Reykjavík. Ábyrgðarmaður: Ámundi
Ámundason, auglýsingastjóri: Ámundi Ámundason sími 824-2466, netfang
amundi@fotspor.is. auglýsingar: Sími: 578-1190 & netfang: auglysingar@fotspor.
is. ritstjóri: Geir A. Guðssteinsson, sími: 898-5933 & netfang: geirgudsteinsson@
simnet.is. umbrot: Prentsnið, Prentun: Ísafoldarprentsmiðja, 6.400 eintök. dreifing: Íslandspóstur.
Fríblaðinu er dreiFt í 6.400 eintökum í allar íbúðir á akranesi,
dreiFbýli á akranesi og í borgarnesi. blaðið liggur einnig Frammi
á helstu þéttbýlisstöðum á Vesturlandi
Nýlokið er alþingiskosningum þar sem fráfarandi ríkisstjórn fékk meiri skell en dæmi eru til um áður. Ný ríkisstjórn Framsóknarflokks og Sjálfstæðisflokks hefur séð dagsins ljós en hveitibrauðsdögum hennar
lýkur 1. september nk. Eftir það er kannski fyrst hægt að fara að dæma hana
af verkum hennar. Stjórnarflokklarnir hafa það að leiðarljósi að láta hagsmuni
heimilanna vera í forgangi, ef eitthvað er að marka stjórnarsáttmálann. Því
fagna margir, ekki síst þeir sem eiga í erfiðleikum með að láta enda ná saman
í heimilisrekstrinum. Eitt getum við þó verið sammála um, hagur heimilanna
verður að batna og vonandi verða tekin upp mannsæmandi vinnubrögð á
Alþingi þegar það kemur saman, sú orrahríð og málþóf sem þingmönnum
hefur þótt sæmandi að sýna þjóðinni síðasta kjörtímabil tilheyrir vonandi
liðinni tíð. Vonandi er hægt að gera þá kröfu til nýs Alþingis, þar sem 47%
þingmanna hefur ekki setið þar áður. Kannski skýrast línur strax á sumarþingi.
Í þessum kosningum féllu tveir þingmenn Norðvesturkjördæmis sem gáfu
kost á sér áfram, þau Jón Bjarnason sem bauð sig fram fyrir Regnbogann
sem kenndi sig við sjálfstæði Íslands og sjálfbæra þróun en Jón sat lengst af
á þingi fyrir Vinstri hreyfinguna –grænt framboð og Ólína Þorvarðardóttir
Samfylkingunni. Ásbjörn Óttarsson í Rifi, þingmaður Sjálfstæðisflokks, ákvað
að hætta þingmennsku og Guðmundur Steingrímsson Bjartri framtíð flutti
sig um set í Suðvesturkjördæmi og náði þar kjöri. Þingmenn kjördæmisins
sem búa eða hafa tengingu til Vesturlands eru Ásmundur Einar Daðason á
Lambeyrum í Dalabyggð og Elsa Lára Arnardóttir á Akranesi, þingmenn
Framsóknarflokks, Haraldur Benediktsson á Vestri-Reyni í Hvalfjarðarsveit
sem sest á þing fyrir Sjálfstæðisflokk og Guðbjartur Hannesson fyrrverandi
velferðarráðherra á Akranesi sem er í Samfylkingunni. Um 47% þingliðsins
nú eru nýir þingmenn, hvort sem vilji er til að túlka það sem kost eða ekki.
Lestur bóka hefur verið að aukast lítilsháttar þrátt fyrir i-poda og aðra tækni
sem enginn telur sig geta verið án, eða kaupir til að vera ekki minna tæknilega
væddur en nágranninn.
Bókasafn eru nauðsyn, ekki bara í nútímaþjóðfélagi, þau hafa nánast alltaf
verið það. Orðið bók barst í íslenskt tungumál með kristilegum lærdómi,
líklegast úr fornensku þótt til séu lík orð í öðrum skyldum tungumálum frá
sama tíma. Það er að minnsta kosti viðeigandi að ætla að fyrirbærið bók hafi
fundið sér leið til Íslands með Biblíunni og öllum „bókum“ hennar, en gríska
orðið biblos þýðir einmitt bók. Ritmenning gegndi í fyrstu því hlutverki
að varðveita hið mælta mál en stundum var blátt bann lagt við þess háttar
varðveislu. Í Spörtu mátti ekki festa lögin á handrit og í Grikklandi til forna
skipaði hið talaða orð hærri sess en ritmál. Í samræðunni Fædrus gerir Platón
eftirfarandi greinarmun á mæltu máli og rituðu: mælt mál segir sannleikann
en ritmáli er hægt að líkja við málverk; ef við spyrjum það einhvers svarar það
engu. Bókin í þeirri mynd sem við þekkjum hana er uppfinning Rómverjanna.
Bók með síðum sem hægt er að fletta, svonefnt codex, festist í sessi undir
lok þriðju aldar. Áður höfðu menn lesið af rollum, en það voru lengjur úr
papýrusblöðum vafin upp á kefli. Kristnir menn tóku bókinni fegins hendi og
flest öll kristin rit voru í bókarformi. Þegar farið var að lesa af bók í stað rollu
breyttist lestur töluvert. Önnur höndin var nú laus við lestur og þá var hægt að
skrá athugasemdir á spássíu bókanna. Sú iðja að skrifa í bækur við lestur á sér
rætur í þessu nýja formi textans. Þannig sést að lestur bóka er menningarleg
athöfn. Þrátt fyrir alla þróun í tölvum hefur bókarlestur ennþá vinninginn.
Stundum er sagt að blindur sé bóklaus maður, líklega er mikill sannleikur í
því. Bókasöfn eru víða á Vesturlandi, misjafnlega vel búin bókum og misjafn-
lega vel sótt. Sveitarstjórnir hafa ekki alltaf sýnt þessari menningarstarfsemi
mikinn skilning, fjármunum talið betur varið til annarar þjónustu við íbúa
sveitarfélagsins. Menning sprettur sjaldan upp úr engu, stuðningur við menn-
inguna er krafa þjóðfélagsins, hvort sem um söng, hljóðfæraslátt, bókalestur
er að ræða eða eitthvað annað. Svo vilja margir setja íþróttir undir sama hatt,
og óneitanlega eru íþróttir forvörn gegn áfengis- og eiturlyfjaneyslu. Þeim
peningum er því ætíð vel varið.
Geir A. Guðsteinsson
ritstjóri
Alþingiskosningar
og menning
Leiðari
Bátadagar á Breiðafirði í júlímánuði
Félag áhugamanna um Bátasafn Breiðafjarðar (FÁBB), gengst fyrir bátahátíð súðbyrtra trébáta
á Breiðafirði í sjötta sinn þann 6 og 7
júlí nk. Þáttakendur safnast saman með
báta sína á Reykhólum á föstudaginn 5
júlí. Ef aðstæður leyfa verður möguleiki
á sameiginlegu grilli saman á föstudags-
kvöldinu og þá verði farið yfir leiðarlýs-
inguna ferðarinnar og fróðleik um það
sem fyrir augu mun bera. Laugardaginn
6. júlí verður siglt frá Reykhólahöfn kl.
10:00 og siglt NV með Reykjanesi um
Staðareyjar og inn Þorska-, Gufu- og
Djúpafjörð og aðstæður skoðaðar. Áð
verður við Teigsskóg og hann skoðaður,
síðan verður siglt til Staðar á Reykjanesi
og lýkur ferðinni þar. Sunnudaginn 7.
júlí verður farið kl. 10:00 frá Stað og
siglt út í Sviðnur og deginum eytt með
heimafólki sem fræðir um eyjuna og
sögu hennar. Siglt til baka til Staðar og
eru þar ferðalok.
Mjög góð aðstaða fyrir minni báta
er á Reykhólum og á Stað og einnig
er mjög góð aðstaða fyrir ferðamenn
í Reykhólasveit.
Breiðfirðingar sigruðu í
spurningakeppni átthagafélaganna
Breiðfirðingafélagið sigraði í spurningakeppni átthagafé-laga, en úrslitakeppnin við
Noirðfirðingafélagið fór fram í Breið-
firðingabúð eins og fyrri umferðir
keppninnar. Lið sextán félaga tóku þátt
í keppninni, þar af voru níu með rætur
á Vestfjarðakjálka eða kringum Breiða-
fjörð. Félögin sem Breiðfirðingafélagið
sló út á leið sinni á sigurbrautinni voru
Barðstrendingafélagið, Árnesingafé-
lagið, Skaftfellingafélagið og loks
Norðfirðingafélagið í úrslitarimmunni.
Barðstrendingafélagið fékk verðlaun
fyrir besta klappliðið í keppninni en
Dýrfirðingafélagið hlaut verðlaun fyrir
bestu tilþrifin í leiknum. Höfundur
spurninga og dómari í keppninni allri
var Gauti Eiríksson kennari og leið-
sögumaður frá Stað á Reykjanesi.
Sigurreifir Breiðfirðingar, sitjandi f.v.: Karl Hákon Karlsson, Páll Guðmundsson
og Grétar Guðmundur Sæmundsson. Aftari röð f.v.: Urður María Sigurðardóttir
og Elís Svavarsson.
Snædís Anna Þórhallsdóttir á leið í mastersnám í Kanada:
Með BS í búvísindum og lýkur
nú búfræðinámi frá LbhÍ
Snædís Anna Þórhallsdóttir út-skrifast 30. maí nk. frá Landbún-aðarháskólanum á Hvanneyri
sem búfræðingur frá starfsmennta-
braut en í fyrra útskrifaðist hún með
BS gráðu í búvísindum frá LbhÍ. Snæ-
dís anna segir að við taki eftir þetta
sumar masternám við University of
Guelth sem er staðsettur skammt frá
Toronto í Kanada. Því námi lýkur eftir
ár.
„Ég er ættuð úr Mývatnssveit og
uppalin að mestu á Akureyri en alltaf
haft ánægju af því að fara í sveitina
til ömmu í Mývatnssveit, ekki síst á
vorin í sauðburðinum. Því er þetta
nám mitt líklega rökrétt afleiðing af
þessum áhuga mínum á landbúnaði og
sveitarstörfum almennt. Ég hef áhuga
á markaðs- og neytendafræðum og
hef mikinn áhuga á því í framtíðinni
að vinna að markaðssetningu á land-
búnaðarvörum. Ég tel að neytendur
þurfi að vera mun betur meðvitaðir um
það hvað þeir eru að kaupa, um gæði
vörunnar og ekki síst uppruna hennar.
Ég er að ljúka við að skrifa markaðs-
ritgerð en er jafnframt að vinna ýmis
garðyrkjustörf hér á Hvanneyri og svo
starfa ég sem þjónn á Landbúnaðar-
setrinu í Borgarnesi, ‘‘ segir Snædís
Anna Þórhallsdóttir.
Breiðafjörður, Snæfellsjökull í baksýn.
Snædís Anna Þórhallsdóttir.