Vesturland - 27.06.2013, Blaðsíða 6

6 27. júní 2013
Engin mjólk frá
Brúarreykjum til
vinnslu hjá MS frá
2. desember sl.
Mjólkursamsalan hefur vegna fréttar sem birt-ist um málefni Brúar-
reykja í Borgarfirði og sviptingu af-
urðasöluleyfis búsins þar koma því á
framfæri að engin mjólk, frá lögbýlinu
á Brúarreykjum hefur farið til vinnslu
og sölu hjá Mjólkursamsölunni ehf
frá 2. desember 2012. Þá var búið svipt
leyfi til starfseminnar og engin mjólk
var sótt til Brúarreykja í desember
2012 og fram í janúar 2013. Þá fékk
búið aftur leyfi bundið ákveðnum fyr-
irvörum af hálfu Matvælastofnunar,
en Mjólkursamsalan tók þá strax þá
afstöðu að nýta mjólk frá búinu ekki
til vinnslu og sölu við þær kringum-
stæður. Síðan hefur allri framleiðslu
af búinu verið fargað með staðfestum
hætti.
Fiskiskipum fer fækkandi
og brúttótonnafjöldinn dregst saman:
Meðalaldur fiskiskipa
yfir 100 tonn er 38 ár!
Í lok árs 2007 voru 1.642 fiskiskip á skrá hjá Siglingastofnun og hafði þeim fækkað um 50 frá árinu áður.
Fjöldi vélskipa var alls 834 og saman-
lögð stærð þeirra 91.656 brúttótonn.
Vélskipum fækkaði um 18 á milli ára
og dróst flotinn saman um 5.210 brút-
tótonn. Togarar voru alls 64 og fjölgaði
um einn frá árinu á undan. Heildar-
stærð togaraflotans var 74.067 brúttó-
tonn og hafði minnkað um 4.181 brút-
tótonn frá árinu 2006. Opnir fiskibátar
voru 744 og 3.556 brúttótonn að stærð.
Opnum fiskibátum fækkaði um 33
milli ára og heildarstærð þeirra dróst
saman um 165 brúttótonn.
Tveimur árum síðar, eða í árslok
2009 hefur fækkað í íslenska fiski-
skipaflotanum um 60 skip og heildar-
brúttótonnafjöldinn dregist saman um
4.887 brúttótonn, eða um liðlega 5%.
Í lok árs 2009 voru 1.582 fiskiskip
á skrá hjá Siglingastofnun og hafði
þeim fjölgað um 53 frá árinu áður.
Fjöldi vélskipa var alls 768 og saman-
lögð stærð þeirra 86.769 brúttótonn.
Togarar voru alls 58 og fækkaði um
2 frá árinu á undan. Heildarstærð
togaraflotans var 67.870 brúttótonn
og hafði minnkað um 2.019 brúttó-
tonn frá árinu 2008.
Flest fiskiskip og bátar
skráð árið 1987
Ef öll fiskiskip eru tekin saman, allt frá
bátum undir 10 tonnum og upp úr, er
meðalaldur þeirra 21 ár. 10% þessara
skipa eru smíðuð úr tré, 29% eru stálskip
en 61% plastskip eða plastbátar. Minnstu
bátarnir eru auðvitað yngstir og lækka
meðalaldurinn verulega en séu aðeins
tekin þau skip sem eru yfir 100 brúttó-
tonn að stærð, sem er um 27% heildar-
fjölda skipa og báta er meðalaldurinn
kominn upp í 32 ár, sem er mun hærra
meðalaldur skipa en þekkist í nágranna-
löndunum. Elsta fiskiskipið í flotanum
sem skráð er hjá Siglingastofnun er frá
árinu 1931, eða 79 ára gamalt!
Tvö skip eru síðan 1946, 1 frá 1948,
eitt frá 1950, 2 frá 1954 og þannig
heldur talan áfram, þetta frá 11 upp
í 14 skip á ári allt til ársins 1986 en
þá eru þau 18. Árið 1987 fjölgar þeim
verulega, eru 75 talsins og 53 skráð
árið 1988 og hafa ekki verið fleiri
skráð á einu ári en þessi tvö ár. Árið
1993 hrynur skráningin alveg niður
en fer upp í 44 fiskiskip árið 2000 en
á árunum 2002 til 2007 voru skráð að
jafnaði á hverju ári 15 til 17 fiskiskip.
Árið 2008 voru skráð 7 skip en skrán-
ing fyrir árið 2009 liggur ekki enn fyrir.
Tilraunaverkefni að fara í gang um hækkað
menntunarstig í Norðvesturkjördæmi
Menntamálaráðuneytið hefur sett af stað sér-stakt tilraunaverkefni um
hækkað menntunarstig í Norðvest-
urkjördæmi. Verkefni þetta er liður
í átaki til þess að hækka menntun-
arstig í íslensku atvinnulífi og eitt af
nokkrum verkefnum sem sett voru af
stað í framhaldi af kjarasamningum
aðila vinnumarkaðarins 5. maí 2011
og því samkomulagi við stjórnvöld
sem gert var í tengslum við þá. Sér-
stök verkefnisstjórn var sett yfir þetta
tilraunaverkefni. Formaður hennar er
Vilhjálmur Egilsson, rektor Háskólans
á Bifröst, en skólinn annast jafnframt
umsýslu um verkefnið. Í verkefnis-
stjórninni sitja fulltrúar atvinnulífs,
stéttarfélaga, sveitarfélaga og skóla-
og fræðslustofnana í Norðvesturkjör-
dæmi. Nú í sumar, júní til ágúst, verða
gerðar viðamiklar kannanir á þörf og
eftirspurn eftir námi hjá fyrirtækjum,
stofnunum og einstaklingum. Annars
vegar eru gerðar hefðbundnar form-
legar kannanir og hins vegar er leitað
beint til stjórnenda og starfsfólks fyr-
irtækja og stofnana í kjördæminu. Á
vegum verkefnisins hefur verið ráðið
fólk til þess að sjá um framkvæmdina,
taka viðtöl og vinna úr þeim.
Í haust er áætlað að vinna úr þeim
upplýsingum sem safnast hafa og gera
tillögur um sérstök verkefni þar sem
spáð verður í námsframboð og styrki
til einstaklinga og fyrirtækja vegna
náms. Vonast er til að tilraunir með
námsframboð og styrki geti hafist
strax í haust. Á vegum verkefnisins
verður ennfremur fjallað um hvernig
fræðsluaðilar í Norðvesturkjördæmi
geta unnið betur saman og hvernig
tryggja megi að mat á fyrra námi
misfarist ekki milli stofnana. Til-
raunaverkefni þetta hefur alls staðar
fengið mikinn stuðning þegar það
hefur verið kynnt. Enda felur það í
sér afar viðamikla könnun á því hver
staðan í menntamálum kjördæmisins
raunverulega er og hverjar þarfirnar
eru. Hækkað menntunarstig er af
öllum sem til þekkja eitt af lykilat-
riðum fyrir vöxt og viðgang atvinnu-
lífsins á svæðinu. Því skiptir máli að
stjórnendur og starfsfólk fyrirtækja
og stofnana taki vel á móti starfsfólki
verkefnisins þegar það leitar eftir við-
tölum og upplýsingum. Áríðandi er
að gefa sem raunsannasta mynd af
stöðunni og að álit viðælenda komist
sem best til skila. Það verður einmitt á
grundvelli þeirra viðhorfa og upplýs-
inga um stöðu mála sem fram koma
frá stjórnendum og starfsfólki sem
tillögur um verkefni og aðgerðir verða
settar fram.
Mjólkurvörur eru mikilvægar í allri fæðukerfi okkar íslendinga. neytendur
eiga að geta treyst að öllum heilbrigðiskröfum sé framfylgt í frumfram-
leiðslunni, þ.e. í fjósinu hjá bændum.
RAFTÆKJAÚRVAL
15% afsláttur af raftækjum þegar þau eru
keypt með innréttingu.
Askalind 3 • 201 Kópavogur • Sími: 562 1500 • Opið: Mán. - föst. kl. 09-18
ÞvottahúsBaðherbergi Sérsmíði Pottaskápar Allar útfærslur
friform.is
INNRÉTTINGATILBOÐ
25% AFSLÁTTUR AF ÖLLUM
INNRÉTTINGUM TIL 22. JÚNÍ
VIÐ HÖNNUM OG TEIKNUM FYRIR ÞIG
Komdu með eða sendu okkur málin af eldhúsinu, baðinu, þvottahúsinu,
anddyrinu eða svefnherberginu - og við hönnum, teiknum og gerum þér
vönduð raftæki á vægu verði.
ÞITT ER VALIÐ
Þú velur að kaupa innréttinguna í ósamsettum einingum,
eða lætur okkur um samsetninguna. Að sjálfsögðu önnumst
við líka uppsetningu og endanlegan frágang fyrir þá sem
þess óska – fullkomin þjónusta, eigið verkstæði.
FJÖLBREYTT ÚRVAL AF HURÐUM, FRAMHLIÐUM, KLÆÐNINGUM OG EININGUM,
GEFA ÞÉR ENDALAUSA MÖGULEIKA Á AÐ SETJA SAMAN ÞITT EIGIÐ RÝMI.
VEGNA GÓÐRA UNDIRTEKTA
HÖFUM VIÐ ÁKVEÐIÐ AÐ
FRAMLENGJA MAÍTILBOÐ
OKKAR UM 3 VIKUR.
25%
til 5. júlí