Vesturland - 29.08.2013, Blaðsíða 2
2 29. ágúst 2013
Auglýsingasíminn er 578 1190
Sigurður Ragnarsson ráðinn
sviðsstjóri Viðskiptasviðs
Sigurður Ragnarsson hefur verið ráðinn sviðsstjóri Viðskipta-fræðisviðs við Háskólann á
Bifröst í stað Sigurbjörns Einarssonar.
Sigurður er með B.A. í mannauðs-
stjórnun og M.B.A. í stjórnun og
markaðsfræðum frá Golden Gate
University í San Francisco og stundar
doktorsnám í leiðtogafræðum við
Háskóla Íslands. Hann hefur víðtæka
stjórnunarreynslu og þ.á.m. reynslu
af eigin fyrirtækjarekstri. Sigurður
var lektor á Bifröst frá 2002 - 2008 en
hefur síðustu ár starfað við kennslu
og fræðslu auk þess að sinna stjórn-
enda- og leiðtogaþjálfun fyrir ýmis
fyrirtæki og stofnanir. Hann hefur
kennt forystufræði og fleiri náms-
greinar við Háskólann á Bifröst, Há-
skóla Íslands, Háskólann í Reykjavík,
Opna háskólann og Háskólann á Ak-
ureyri. Í lok árs 2011 gaf Sigurður út
bókina Forysta og samskipti – Leið-
togafræði.
Sigurbjörn Einarsson mun áfram
leggja stund á kennslu við skólann.
sigurður Ragnarsson.
Upplýsingaskylda
og ofsóknir gegn
blaðamönnum
Ingibjörg Dögg Kjartansdóttir hefur fjallað með skorinorðum hætti í DV um þá aðför að frelsi
fjölmiðlafólks og uppljóstrara sem
hafa birst ótrúlega víða og með ótrú-
lega grófum hætti í hinum vestræna
heim að undanförnu. Ingibjörg segir
m.a.: „Ofsóknir gegn fréttamönnum
eiga sér stað víða og þær eiga sér alls
kyns birtingarmyndir. Það er ástæða
til þess að hafa þungar áhyggjur af
þessari þróun, líkt og ritstjórar nor-
rænna dagblaða gera sem sendu
David Cameron, forsætisráðherra
Breta, bréf þess eðlis. Það er ekki ógn
við lýðræðið að birta upplýsingar um
ranglæti heldur þvert á móti styrkur
þess. Frelsi fjölmiðla til þess að sinna
hlutverki sínu er aldrei mikilvægara
en þegar þeir birta upplýsingar sem
eru óþægilegar ráðamönnum.“
Sagt hefur verið frá því þegar ekki
reyndist kjöt í framleiðslu frá Borg-
arnesi þegar hún átti að innihalda
það; þegar ekki er tekið við mjólk
frá bónda vegna umgengnisvanda
við kýrnar, þegar vegaframkvæmdir
og merkingar þeirra vegna eru ekki
að uppfylla öryggiskröfur, þegar vís-
indamenn vildu halda fram að síld í
Kolgrafarfirði hefði drepist í millj-
ónatali af einhverjum óskilanlegum
ástæðum öðrum en súrefnisskorti og
þannig mætti halda áfram að telja.
Verður ritstjóri Vesturlands dregið
fyrir dómstóla með því að segja frá
þessum staðreyndum? Varla á Íslandi,
þökk sé því að við búum við sæmilega
réttlátt réttarkerfi að því að við best
vitum.
Það veitti fólki von þegar Barack
Obama var sæmdur friðarverð-
launum Nóbels ári 2009 fyrir áherslur
sínar á frið í heiminum. Vilt þú fá
upplýsingar um það þegar voðaverk
eru framin í skjóli leyndar, svik eða
önnur rangindi eiga sér stað? Vissir
þú að árið 2008 sagði Obama að bestu
heimildarmenn um spillingu, svik og
misnotkun stjórnvalda væru starfs-
menn stofnana sem hefðu almanna-
heill að leiðarljósi og væru tilbúnir til
þess að greina frá rangindum? Því ætti
að hvetja ríkisstarfsmenn til þess að
vera varðhundar gegn spillingu, það
gæti bjargað mannslífum og sparað
skattgreiðendum umtalsverða fjár-
muni.
En hvað nú?
Ingibjörg Dögg Kjartansdóttir.
Skólaþing í Salaskóla í Kópavogi;
Kennarar lærðu að
nota ipad við kennslu
Þann 21. ágúst sl. hélt Epli.is skólaþing í Salaskóla í Kópa-vogi við góðar undirtektir, en
kennarar komu víða að af landinu til
að fræðast betur um þessa tækni sem
stöðugt meira er notuð við kennslu.
Aðalgestur og fyrirlesari var Srini Swa-
minathan sem hann sagði frá starfi
sínu sem kennari í fátækrahverfum
í Indlandi og þeim áskorunum sem
samtök hans Teach for India standa
frammi fyrir.Þrátt fyrir bág kjör sá Srini
tækifæri í því að nota nútímatækni við
kennsluna sína og hóf hann handa við
að koma rafmagnsnúru inn í kennslu-
stofuna með framlengingum frá raf-
magnsstaur. Þá safnaði hann fyrir iPad
spjaldtölvu með því að stofna vefsíðu
og safna áheitum og hlaupa loks fjögur
maraþonhlaup. Srini ferðast núna út
um allan heim og heldur fyrirlestra
um samtökin teach for India og þau
nútíma vandamál sem Indland stendur
fyrir varðandi menntamál.
Eftir að Srini hafði deilt sinni reynslu
stýrðu kennarar vinnustofum þar sem
þeir sýndu hvernig þeir notuðu iPad
í skólastarfinu og nokkur fyrirtæki
kynntu forrit sem þau eru að búa til
fyrir nám og kennslu.
Ólafur sóliman, fulltrúi Epli.is á skóla-
þinginu í Kópavogi.
Illugi gunnarsson, mennta- og menn-
ingarmálaráðherra, ávarpaði kennar-
ana við upphaf skólaþingsins, og var
gerður góður rómur að máli hans.
Fiskeldi í köldum strand-
sjó við Íslandsstrendur
Ákveðið er að boða til ráðstefnu um tækifæri og ógnanir í fisk-eldi við strendur Íslands.
Ráðstefnan fer fram í Félagsheimili
Patreksfjarðar dagana 3. og 4. október
nk.
Það er þekkt að á Vestfjörðum eru
mikil tækifæri á fiskeldi í sjó.
Atvinnuþróunarfélag Vestfjarða
hefur ákveðið í samvinnu við Fiskeld-
isklasa Vestfjarða að efna til ráðstefn-
unnar.
Það er von okkar sem stöndum að
þessari ráðstefnu að hún verði til að efla
samstarf stjórnsýslu, rannsóknastofn-
ana og fyrirtækja, svo að þróun fisk-
eldis geti orðið farsæl hér, eins og hjá
nágrannaþjóðum okkar.
Margir þekktir fyrirlesarar munu
sækja okkur heim og má nefna Per
Gunnar Kvenseth sem hefur víð-
tæka reynslu af rannsóknum og ráð-
gjafastörfum innan Norsks fiskeldis.
Per Gunnar er yfirmaður heilbrigð-
ismála hjá fyrirtækinu Villa Organic,
sem framleiðir vottaðan lax, bæði í
Suður Noregi og í Austur Finnmörku.
Þá verður einnig Cyr Couturier sem
starfar sem sérfræðingur við sjávarút-
vegsstofnun við háskólann í St. Johns,
Memorial Univercity. Cyr Couturier
hefur jafnframt unnið náið með sam-
tökum fiskeldismanna í Nýfundnalandi
sem og innan fiskeldis og skelræktar
þar sem hann hefur m.a. verið for-
maður þeirra samtaka.
Fjöldi Íslendinga munu flytja fyr-
irlestra á ráðstefnunni og má í því
sambandi nefna, Héðinn Valdimars-
son og Hafstein Guðfinnsson frá Haf-
rannsóknastofnun, Helga Jensson frá
Umhverfisstofnun, Gunnar Eydal frá
Teiknistofunni Eik, Jón Örn Pálsson
og Jónatan Þórðarson frá Fjarðalax og
Shiran Þórisson framkvæmdastjóra
Atvinnuþróunarfélags Vestfjarða.
Stjórnandi og ráðstefnustjóri verður
Þorgeir Pálsson
Ætlunin er að gefa aðilum kost á, þ.e.
þeim sem þjónusta fiskeldisfyrirtæki,
að kynna starfssemi sína á ráðstefnunni
í sérstökum sýningarsal.
Ráðstefnan er öllum opin en stað-
festa þarf þátttöku í síðasta lagi fyrir
fimmtudaginn 19. september nk. í
síma 456 5006 eða á netfangið http://
westfjordsadventures.com sem veitir
jafnframt allar upplýsingar um gistiað-
stöðu og annan kostnað samfara ráð-
stefnunni.
Magnús Ólafs Hansson
verkefnastjóri Atvest
Fiskeldiskvíar.
Flott föt fyrir
flottar konur
Stærðir 38-58
Verslunin Belladonna
Skeifunni 8 • 108 Reykjavík • Sími: 517 6460 • www.belladonna.is